મજબૂત DC XI જૂનાગઢને હરાવી LK સ્ટાર બંગાળી ચેમ્પિયન બની

‘ખાસ-ખબર’ના જાજરમાન આયોજનમાં રાજકોટના ક્રિકેટ રસિયાઓને 14 દિવસ સુધી જલ્સો પડી ગયો

ખાસ-ખબર ન્યૂઝ રાજકોટ

‘ખાસ-ખબર’ આયોજીત જીતેન્દ્ર વરૂ મેમોરિયલ કપ ક્રિકેટ ટુર્નામેન્ટનો ગઈકાલે છેલ્લો દિવસ હતો. સતત 14 દિવસ સુધી ચાલેલી આ ટૂર્નામેન્ટમાં ખેલાડીઓ, પ્રેક્ષકો અને દરરોજ ઉપસ્થિત રહેલાં મુખ્ય મહેમાનોને જલ્સો પડી ગયો હતો. ‘ખાસ-ખબર’ના આ જાજરમાન આયોજનની રાજકોટનાં ક્રિકેટ રસિયાઓએ ખુબ જ પ્રશંસા કરી હતી. ચુસ્ત સિક્યુરિટી, પાર્કિંગ, ગ્રાઉન્ડ પર એમ્બ્યુલન્સ સહિતની વ્યવસ્થાઓએ તમામ ટીમના ખેલાડીઓ અને ટીમ મેનેજમેન્ટ અને પ્રેક્ષકોનું દીલ જીતી લીધું હતું. 14 દિવસ સુધી ચાલેલા ક્રિકેટના આ મહાકુંભમાં શનિવારે બે સેમિ ફાઈનલ મેચ રમાઈ હતી. જે બાદ રવિવારે સુપર સન્ડે ફાઈનલ મુકાબલો યોજાયો હતો. જેમાં બંને ટીમના ખેલાડીઓએ ફાઈનલ મેચમાં જોરદાર પ્રદર્શન કર્યું હતું. હજ્જારોની સંખ્યામાં ઉપસ્થિત રહેલાં પ્રેક્ષકોથી ખેલાડીઓનો ઉત્સાહ જાણે બેવડાઈ ગયો હતો. ગઈકાલે રવિવારે યોજાયેલી ફાઈનલ મેચમાં DC ઈલેવન જૂનાગઢ અને LK સ્ટાર બંગાળી વચ્ચે ખરાખરીનો ખેલ જામ્યો હતો જેને નિહાળવા હજારોની સંખ્યામાં ક્રિકેટ રસિયાઓ ઉમટી પડ્યા હતા. જેમાં LK સ્ટાર બંગાળીએ શાનદાર બોલિંગ થકી DC ઈલેવન જૂનાગઢ કે જે ફાઈનલમાં વિજેતા થવાની દાવેદાર ટીમ હતી તેને માત્ર 71 રનમાં ઓલઆઉટ કરી દીધી હતી. જે બાદ LK સ્ટાર બંગાળી રાજકોટે 6.4 ઓવરમાં 74 રન ફટકારી ચેમ્પિયન બની હતી અને ‘ખાસ-ખબર’ આયોજીત જીતેન્દ્ર વરૂ મેમોરિયલ કપનો ખિતાબ પોતાના નામે કરી લીધો હતો. જ્યારે DC ઈલેવન જૂનાગઢ ટીમ રનર્સ અપ બની હતી. વિજેતા ટીમ અને રનર્સઅપ ટીમ પર લાખેણા ઈનામોની વણઝાર કરાઈ હતી.

રનર્સ અપની ટ્રોફી એનાયત કરતાં ‘આજકાલ’ના એમ.ડી. અનિલ જેઠાણી અને એડવોકેટ ભાવેશ રંગાણી

ફાઈનલ મેચમાં પૂર્વ મુખ્યમંત્રી વિજયભાઈ રૂપાણી, ડૉ. ભરત બોઘરા, નીતિનભાઈ ભારદ્વાજ, આજકાલ સાંધ્ય દૈનિકના એમ.ડી. અનિલ જેઠાણી, દેવાંગભાઈ માંકડ, એડવોકેટ ભગીરથસિંહ ડોડિયા સહિતના મહેમાનોએ ઉપસ્થિત રહી ખેલાડીઓનો ઉત્સાહ વધાર્યો

સેમી ફાઈનલ અને ફાઈનલ મેચોમાં જીમખાના ક્રિકેટ ગ્રાઉન્ડમાં હકડેઠઠ માનવમેદની

ગ્રાઉન્ડ પર પગ મૂકવાની પણ જગ્યા ન રહી : ગ્રાઉન્ડ પર ચોગ્ગા-છગ્ગાનો વરસાદ

ગ્રાઉન્ડ પરથી લાઈવ પ્રસારણ, વિશાળ એલઈડી સ્ક્રીન સહિતના આયોજનો: ‘ખાસ-ખબર’ની યુટ્યુબ ચેનલ પર 3 લાખથી વધુ લોકોએ લાઈવ મેચ નિહાળી નવો કીર્તિમાન રચ્યો

આઈ.પી.એલ. શરૂ હોવા છતાં ‘ખાસ-ખબર’ આયોજીત જીતેન્દ્ર વરૂ મેમોરિયલ કપ ક્રિકેટ ટુર્નામેન્ટમાં 14 દિવસ સુધી રોજ હજારોની સંખ્યામાં ક્રિકેટ રસિકો જીમખાના ક્રિકેટ ગ્રાઉન્ડ પર ઉમટી પડ્યા હતા જે ‘ખાસ-ખબર’ની અને આ ટૂર્નામેન્ટમાં સાથે રહેલાં તમામ ટીમ મેમ્બર્સ અને મેનેજમેન્ટની સૌથી મોટી જીત છે. જ્યારે શનિવારે રાજશક્તિ રીબડા ટજ કઊં સ્ટાર બંગાળી અને ઉઈ ઈલેવન જૂનાગઢ ટજ બાલાજી ડઈં વચ્ચે સેમિફાઈનલનો જંગ જામ્યો હતો. જેમાં કઊં સ્ટાર બંગાળી અને ઉઈ 11 જૂનાગઢની ટીમ વિજેતા બની હતી. જેમાં રવિવારે ફાઈનલ ઉઈ ઈલેવને પ્રથમ બેટીંગ કરીને 71 રનમાં ઓલઆઉટ થઈ હતી અને કઊં સ્ટાર બંગાળી રાજકોટે 6.4 ઓવરમાં 74 રન કરી વિજેતા બની હતી. શહેરના જીમખાના ક્રિકેટ ગ્રાઉન્ડમાં ‘ખાસ-ખબર’ આયોજીત ક્રિકેટ ટુર્નામેન્ટ રોમાંચક બની હતી. તા. 21થી શરૂ થયેલી આ ટુર્નામેન્ટ ગઈકાલે ભવ્ય આયોજન સાથે સંપન્ન થઈ હતી. સમગ્ર ટુર્નામેન્ટમાં કુલ 63 મેચો રમાઈ હતી. દરેક ટીમો વચ્ચે ભારે હોડ પણ જામી હતી. આમ ગ્રાઉન્ડ પર ચોગ્ગા-છગ્ગા લાગ્યા હતા જે નિહાળીને પ્રેક્ષકોને પણ ભારે મજા પડી હતી. ગઈકાલની ફાઈનલ મેચમાં હજારોની સંખ્યામાં ક્રિકેટ રસિકો મેચ જોવા માટે ઉમટી પડ્યા હતા. એટલું જ નહીં પરંતુ ટટઈંઙ લોકો માટે જાજરમાન બેઠક વ્યવસ્થા કરવામાં આવી હતી.

હજ્જારો પ્રેક્ષકોની વચ્ચે સેમી ફાઈનલ અને ફાઈનલમાં ખેલાડીઓનો ઉત્સાહ પણ બેવડાયો

આ ટુર્નામેન્ટમાં કુલ 64 ટીમોએ ઉત્સાહભેર ભાગ લીધો હતો. જીમખાના ગ્રાઉન્ડમાં ચોગ્ગા-છગ્ગાની રમઝટ જોવા મળી હતી. મોટી સંખ્યામાં મેચને નિહાળવા દર્શકો ઉમટી પડ્યા હતા અને ફાઈનલમાં ગ્રાઉન્ડ પ્રેક્ષકોની તાળીઓના ગડગડાટથી ગુંજી ઉઠ્યું હતું. આ સાથે સમગ્ર ટુર્નામેન્ટનું લાઈવ પ્રસારણ કરવામાં આવ્યું હતું. યુ-ટયુબ પર પણ 4 લાખથી વધુ વ્યુઅર્સે આ મેચને ઘેર બેઠા નિહાળી હતી. દરરોજ રમાયેલી મેચમાં અનેક રાજકીય, સામાજિક તેમજ મહાનુભાવો સહિત રાજકોટિયન્સો હાજર રહી મેચને નિહાળી હતી. તમામ પ્રેક્ષકો અને મહેમાનો માટે ‘ખાસ-ખબર’ દ્વારા નાસ્તો, ચા-પાણી તેમજ બેઠક વ્યવસ્થાનું સુંદર આયોજન કર્યું હતું. લોકોને મોજ પાડી દે તેવું રીફ્રેશમેન્ટ ગ્રાઉન્ડ ખાતે ઉપલબ્ધ કરવામાં આવ્યું હતું. ડ્રોન દ્વારા પૂરા ગ્રાઉન્ડનો આકાશી નજારો નિહાળી પ્રેક્ષકો આનંદમાં આવી ગયા હતા તેમજ જીમખાના ગ્રાઉન્ડમાં ભવ્ય આતશવાજી કરવામાં આવી હતી. આકાશમાં ભવ્ય આતશબાજીનો નજારો જોવા મળ્યો હતો. ‘ખાસ-ખબર’ આયોજીત જીતેન્દ્ર મેમોરીયલ ટુર્નામેન્ટમાં શનિવારના રોજ ધારાસભ્ય ડો. દર્શિતાબેન શાહ, મેયર નયનાબેન પેઢડિયા, જાણીતા શેરબ્રોકર દિપક માટલિયા અને રૂપેશ માટલિયા તેમજ ઉદ્યોગપતિ અમિત ધાબલિયા અને એડવોકેટ મંયક પંડ્યા સહિતના મહાનુભાવોએ હાજરી હતી. અને રવિવારે ફાઈનલ મેચમાં પૂર્વમુખ્યમંત્રી વિજય રૂપાણી, નીતિન ભારદ્વાજ, એડવોકેટ ભગીરથસિંહ ડોડીયા, દેવાંગ માંકડ, અનિરૂદ્ધ નકુમ, યુવરાજ ડોડીયા, રાજાભાઈ પરસાણા, એડવોકેટ મંયક પંડ્યા, હિમાંશુ કલ્યાણી, રાજ્યસભા સાંસદ રામભાઈ મોકરિયા, એડવોકેટ હિતેશ મહેતા, ભાજપ મહિલા અગ્રણી કાશ્મીરાબેન અને બકુલભાઈ નથવાણી તેમજ ગુર્જર સુથાર પ્રમુખ બદ્રકિયા તેમજ ડો. ભરત બોઘરા સહિતના મહાનુભાવોએ હાજરી આપી મેચને નિહાળી હતી.

વિજેતા ટીમનું મહેમાનોના હસ્તે ઈનામ આપી સન્માન કરાયું
‘ખાસ-ખબર’ આયોજીત જીતેન્દ્ર વરૂ મેમોરિયલ કપ ક્રિકેટ ટુર્નામેન્ટમાં વિજેતા ટીમોને ઉપસ્થિત મહેમાનોના હસ્તે ઈનામ આપી સન્માનીત કરવામાં આવ્યા હતા. જેમાં મેન ઓફ ધ સીરીઝને દેવાંગભાઈ માંકડના હસ્તે, રનર્સ અપને ‘આજકાલ’ ડેઈલી ન્યુઝ પેપરના ઓનર અનીલ જેઠાણીના હસ્તે, વિનરને પરેશ ડોડીયા, ક્ધિનર આચાર્ય અને ભરતભાઈ વરૂ તેમજ ડી.કે.ના હસ્તે ઈનામ આપવામાં આવ્યા હતા. ઉપરાંત ઓલ પ્લેયર્સ વિનર અને રનર અને વિવેકભાઈ તલસાણીયા અને બ્રીજેશભાઈ ગજ્જરના હસ્તે ઈનામ આપવામાં આવ્યા હતા.
બેસ્ટ બોલરને એડવોકેટ ભગીરથ ડોડીયા દ્વારા, બેસ્ટ બેટ્સમેનને જે.ડી.ભાઈ અને રજનીભાઈ પટેલ દ્વારા અને મેન ઓફ ધ મેચને કાશ્મીરાબેન નથવાણી તેમજ બકુલભાઈ નથવાણીના હસ્તે ઈનામ આપવામાં આવ્યા હતા અને તમામ ખેલાડીઓને જીત બદલ શુભેચ્છા પાઠવી હતી.

‘ખાસ-ખબર’નું ખાસમખાસ આયોજન, 15 દિવસ સુધી ક્રિકેટપ્રેમીઓને જલસો કરાવ્યો

‘ખાસ-ખબર’ દ્વારા રાત્રિ પ્રકાશ ક્રિકેટ ટુર્નામેન્ટનું આયોજન તા. 21 એપ્રિલથી 4 મે દરમિયાન ઝીમખાના ક્રિકેટ ગ્રાઉન્ડ શાસ્ત્રીમેદાન ખાતે કરવામાં આવ્યું હતું. આ રાત્રિ પ્રકાશ ક્રિકેટ ટુર્નામેન્ટમાં ક્રિકેટ પ્રેમીઓને જલસો પડી ગયો હતો જેનું કારણ હતું, ’ખાસ-ખબર’નું ખાસમખાસ આયોજન. આઠ લાઈટીંગ ટાવર અને એલઈડી સ્ક્રીન હેઠળ રમાતી દિલધડક મેચ જોવા હજારોની સંખ્યામાં ક્રિકેટરસિકો ઉમટી પડ્યા હતા તો બીજી તરફ યુટ્યુબ-ફેસબૂક પર હજારો લોકોએ મેચનું લાઈવ પ્રસારણ નિહાળ્યું હતું. દરરોજ મોડી સાંજ પડેને અસંખ્ય લોકો મેચ નિહાળવા ગ્રાઉન્ડ પર પહોંચી જતા હતા અને મોડી રાત સુધી રોકાઈ મેચનો આનંદ માણતા હતા. ક્રિકેટ પ્રેમીઓ ઉપરાંત રાજકોટિયનોએ ’ખાસ-ખબર’ની ક્રિકેટ ટુર્નામેન્ટને વધાવી અને વખાણી હતી.

‘ખાસ-ખબર’ પરિવારના સ્ટાફથી લઈ શુભેચ્છકો ક્રિકેટ ટુર્નામેન્ટમાં બન્યા સિતારા

’ખાસ-ખબર’ દ્વારા આયોજિત જીતેન્દ્ર વરુ રાત્રિ પ્રકાશ ક્રિકેટ ટુર્નામેન્ટની સફળતા પાછળ ’ખાસ-ખબર’ પરિવારના સ્ટાફથી લઈ શુભેચ્છકોનો ફાળો સવિશેષ રહ્યો. ક્રિકેટ ટુર્નામેન્ટ શરૂઆતના મહિનાઓ અગાઉથી તૈયારીઓ શરૂ કરી દેવામાં આવી હતી અને દિવસ-રાત સ્ટાફ તથા શુભેચ્છકોએ ખડેપગે રહી સમગ્ર આયોજનને સફળ બનાવવા મહેનત કરી હતી. આ ક્રિકેટ ટુર્નામેન્ટમાં વિજેતા થનાર ટિમ ઉપરાંત રનરઅપ ટિમને મોંઘેરા ઈનામ આપવામાં આવ્યા હતો તો દરેક મેચના મેન ઓફ ધી મેચ, મેન ઓફ ધી સિરીઝ, બેસ્ટ બોલર, બેસ્ટ બેટરને પણ આકર્ષક ઈનામ આપવામાં આવ્યા હતા ત્યારે ’ખાસ-ખબર’ના સ્ટાફથી લઈ શુભેચ્છકો ક્રિકેટ ટુર્નામેન્ટના ખરા સિતારા હોય સૌ કોઈએ તેમના આયોજન અને ઉપસ્થિતિને બિરદાવ્યા હતા.

ક્રિકેટ ટુર્નામેન્ટમાં સુંદર કામગીરી કરવા બદલ કાર્યકરોને શિલ્ડ આપીને સન્માનિત કરાયા

સામાન્યથી લઈ સેલિબ્રિટીઓએ જીતેન્દ્ર વરુ મેમોરિયલ કપ ક્રિકેટ ટુર્નામેન્ટમાં આપી હાજરી
’ખાસ-ખબર’ આયોજિત જીતેન્દ્ર વરુ મેમોરિયલ કપ ક્રિકેટ ટુર્નામેન્ટમાં સતત 15 દિવસ સુધી મેચ નિહાળવા માટે રાજકોટીયન્સ સાથે સાથે શહેરના શ્રેષ્ઠી અને અતિથિ મહાનુભાવો ઉપસ્થિત રહ્યા હતા અને ખેલાડીઓનું પ્રદર્શન નિહાળ્યું તેમજ વખાણ્યું હતું. સામાન્યથી લઈ સેલિબ્રિટીઓએ જીતેન્દ્ર વરુ મેમોરિયલ કપ ક્રિકેટ ટુર્નામેન્ટમાં હાજરી આપી ખેલાડીઓને પ્રોત્સાહન પૂરું પાડ્યું હતું.