નેતાઓ વડાપ્રધાન મોદીથી ઈર્ષ્યા કરે છે: ઑસ્ટ્રેલિયાની સંસદમાં વિપક્ષ નેતાનું મોટું નિવેદન

ઓસ્ટ્રેલિયામાં વિપક્ષના નેતા પીટર ડટને કહ્યું કે, આપણા રાજનેતાઓ વડાપ્રધાન મોદીથી ઈર્ષ્યા કરે છે કે, તેમાંથી કોઈ પણ 20,000 લોકોને એકત્ર કરી શક્યું નથી

ઓસ્ટ્રેલિયામાં વિપક્ષના નેતા પીટર ડટને વડાપ્રધાન નરેન્દ્ર મોદીનું નામ લઈને શાસક નેતાઓ પર નિશાન સાધ્યું હતું વાત જાણે એમ છે કે, તાજેતરમાં જ વડાપ્રધાન ઓસ્ટ્રેલિયાનાં પ્રવાસે હતા. આ પછી હવે ઓસ્ટ્રેલિયામાં વિપક્ષના નેતા પીટર ડટને કહ્યું કે, ઓસ્ટ્રેલિયાના રાજનેતાઓ પીએમ મોદીથી ઈર્ષ્યા કરે છે. તેમણે કહ્યું કે તેઓ ઈર્ષ્યા કરે છે કે, તેમાંથી કોઈ પણ 20,000 લોકોને એકત્ર કરી શક્યું નથી અને તેમને ‘મોદી-મોદી’ જેવા નારા લગાવી શક્યા નથી. પીએમ મોદીની પ્રશંસા કરતા તેમણે ભારતીય સમુદાયના કામની પ્રશંસા કરી હતી.

પીટર ડટને પીએમ મોદીના કર્યા વખાણ
ઓસ્ટ્રેલિયન સંસદને સંબોધતા વિપક્ષના નેતા ડટને કહ્યું કે, બુધવારે એક અસાધારણ ઘટના બની. તેમણે કહ્યું કે,રાજનીતિની બંને બાજુથી ઘણા લોકો હાજર હતા. પરંતુ મેં આજે વડા પ્રધાનને કહ્યું હતું કે, ગઈ કાલે રાત્રે ત્યાંના દરેક રાજકારણી એ હકીકતથી ઈર્ષ્યા કરી રહ્યા હતા કે, તેઓ (પીએમ મોદી) વિશ્વના અન્ય ખૂણામાં પણ 20,000 લોકોને એકઠા કરવામાં અને તેમનું ઉપનામના નારા લગાવવામાં માટે સક્ષમ હતા. ખાસ કરીને આ ઈર્ષ્યા લેબર પાર્ટીના નેતાઓમાં હતી.

Wonderful to catch up again with a great friend of Australia, @narendramodi.

Proud of the special and growing relationship Australia has with India and may it go from strength to strength in the years ahead  🇦🇺🇮🇳 pic.twitter.com/yavjd4XR4x

- Advertisement -

— Peter Dutton (@PeterDutton_MP) May 24, 2023

શું કહ્યું પીટર ડટને ?
વિપક્ષના નેતા ડટને કહ્યું કે, મને લાગ્યું કે આ એક અસાધારણ ઘટના છે અને હું વડાપ્રધાન મોદીની યજમાનીમાં ભારતીય સમુદાયના કામની ખરેખર પ્રશંસા કરું છું. તેમણે કહ્યું કે, તેઓ ઓસ્ટ્રેલિયાના વડાપ્રધાન સાથેના સંબંધોનું સન્માન કરવા ઓસ્ટ્રેલિયાની મુલાકાત લેવા બદલ વડાપ્રધાન મોદી અને તેમના પ્રતિનિધિમંડળનો આભાર માનવા માટે જોડાયા હતા.હકીકતમાં 23 મેના રોજ પીએમ મોદીએ સિડનીના કુડોસ બેંક એરેનામાં 20,000 થી વધુ લોકોને સંબોધિત કર્યા હતા. આ દરમિયાન લોકો મોદી-મોદીના નારા લગાવતા જોવા મળ્યા હતા.

ડટ્ટને ભારત-ઓસ્ટ્રેલિયા સંબંધોને શું કહ્યું ?
ભારત સાથેના સંબંધો પર બોલતા તેમણે કહ્યું કે, જ્યારે તેમની સરકાર સત્તામાં હતી ત્યારે ભારત અને ઓસ્ટ્રેલિયા વચ્ચેના સંબંધો અસાધારણ અને મજબૂત હતા. તેમણે ભૂતપૂર્વ વડાપ્રધાનો સ્કોટ મોરિસન અને ડેન ટીન સહિત ફ્રન્ટ બેન્ચ પર ઘણા લોકોના કામને પણ સ્વીકાર્યું. તેમણે કહ્યું કે, આ નેતાઓએ ભારત સાથે વેપાર પર ખૂબ સારું કામ કર્યું છે. આ માટે તેમણે અગાઉની સરકારોનો પણ આભાર માન્યો હતો. તેમણે કહ્યું કે, હું ગુરુવારે સિડનીમાં PM મોદીને મળ્યો હતો. તે ખૂબ જ સૌહાર્દપૂર્ણ અને આકર્ષક ચર્ચા હતી અને અમે ચર્ચા કરેલ વિષયોની વ્યાપક શ્રેણી સંબંધો માટે દ્વિપક્ષીય સમર્થન સૂચવે છે.