છ વર્ષના સમયગાળામાં 27426 કરોડની GST ચોરી પકડાઇ

– તેમાંથી માત્ર 922 કરોડની રિકવર થઇ

વન નેશન વન ટેકસ અંતર્ગત લાગુ કરાયેલા જીએસટીનાં અમલને છ વર્ષ કરતાં વધુ સમય થઈ ગયો હોવા છતાં હજુ સીસ્ટમ ફુલપ્રુફ બની શકી નથી. છેલ્લા છ વર્ષમાં 27426 કરોડની જીએસટી ચોરી પકડી પાડવામાં આવી છે. છ વર્ષનાં આ સમય ગાળામાં જીએસટીનાં 5070 કૌભાંડોનો પર્દાફાશ થયો હતો.

મોટાભાગનાં કિસ્સા પાન તથા આધાર કાર્ડનો દુરૂપયોગ કરીને ગેરકાયદે રીતે ઈનપુટ ટેકસ ક્રેડીટ મેળવવાનાં હતા અને તેમાં 27426 કરોડની ટેકસચોરી પકડાઈ હતી આમાંથી રિકવરી માત્ર 922 કરોડની જ થઈ શકી હતી. જીએસટીનાં સૌથી વધુ કૌભાંડ ધરાવતાં ટોપ-3 રાજયોમાં મહારાષ્ટ્ર, દિલ્હી, તથા તામીલનાડુ છે.રસપ્રદ વાત એ, છે કે 16 મેથી 9 જુલાઈ 2023 દરમ્યાન ખાસ અભિયાનમાં 9369 બોગસ પેઢીઓનો પર્દાફાશ થયો છે અને 10902 કરોડની ટેકસ ચોરીનો ખુલાસો થયો હતો. તેમાંથી રિકવરી માત્ર 45 કરોડની જ થઈ છે.