– મારી કહાની હવે ખતમ, આગામી સમયમાં ફ્રાન્સના અન્ય ખેલાડીઓ પણ કહી શકે છે અલવિદા
ફ્રાન્સ ફૂટબોલ ટીમના ફોરવર્ડ ખેલાડી કરીમ બેન્જેમાએ વર્લ્ડકપ ફાઈનલમાં ટીમની હાર બાદ આંતરરાષ્ટ્રીય ફૂટબોલમાંથી સંન્યાસનું એલાન કરી દીધું છે. બેન્જેમાએ ટવીટ કરીને કહ્યું કે હું જ્યાં છું ત્યાં સુધી પહોંચવામાં મેં ઘણા જ પ્રયાસો કર્યા છે અને ભૂલ પણ કરી છે. મને એ વાત પર ગર્વ છે. મેં મારી કહાની લખી છે જે આજે પૂર્ણ થઈ રહી છે. આ સાથે જ બેન્ઝેમાએ ફ્રાન્સની જર્સીમાં પોતાની તસવીર પણ શેયર કરી છે.
- Advertisement -
બેન્ઝેમાએ ફ્રાન્સ વતી 97 મુકાબલા રમ્યા છે અને 37 ગોલ કર્યા છે. બેન્ઝેમા આ વિશ્વકપમાં ફ્રાન્સની ટીમનો હિસ્સો હતો પરંતુ ટૂર્નામેન્ટ શરૂ થતાં પહેલાં જ તે ઈજાગ્રસ્ત થઈને વિશ્વકપમાંથી બહાર થઈ ગયો હતો. બેન્ઝેમા 2014 વિશ્વકપમાં ફ્રાન્સ વતી સૌથી વધુ ગોલ કરનારો ખેલાડી હતો પરંતુ 2018 વિશ્વકપમાં તે રમી શક્યો નહોતો. 2015માં એક કૌભાંડમાં તેનું નામ આવ્યા બાદ પાંચ વર્ષ માટે સસ્પેન્ડ કરી દેવાયો હતો.
J’ai fait les efforts et les erreurs qu’il fallait pour être là où je suis aujourd’hui et j’en suis fier !
J’ai écrit mon histoire et la nôtre prend fin. #Nueve pic.twitter.com/7LYEzbpHEs
— Karim Benzema (@Benzema) December 19, 2022
- Advertisement -
ફ્રાન્સના સ્ટાર ખેલાડી બેન્ઝેમાએ 2007માં પોતાનું ડેબ્યુ કર્યું હતું. ડેબ્યુ મેચમાં જ તેણે ઓસ્ટ્રિયા વિરુદ્ધ ગોલ કર્યો હતો. વર્ષ 2008માં પણ યૂરો કપમાં બેન્ઝેમા ફ્રાન્સની ટીમનો હિસ્સો હતો. 2010 વિશ્વકપના ક્વોલિફાઈંગ રાઉન્ડમાં તેણે અને મુકાબલા રમ્યા પરંતુ વિશ્વ કપ ટીમમાં જગ્યા બનાવી શક્યો નહોતો.