જેતપુરના કારખાનેદારને શ્રમ અધિકારીની ઓળખ આપી 10 હજાર પડાવી લેનાર ગઠિયો ઝડપાયો

ન્યુઝ ચેનલો જોઈ, ગુનાની વિગતો મેળવી જેલમાં મોકલવાની ધમકી આપવાની મોડ્સ ઓપરેન્ડી ધરાવતો

ગ્રામ્ય એલસીબી, જેતપુર ઉદ્યોગનગર પોલીસે ઇસનપુરના ગઠિયાની કરી ધરપકડ

જેતપુરમાં કારખાનેદારને શ્રમ અધિકારીની ઓળખ આપી 10 હજાર પડાવી લેનાર સામે પોલીસ ફરીયાદ નોંધાઈ છે હું ગાંધીનગર સચીવાલયમાંથી શ્રમ ઓફીસર ડી.કે.પટેલ સાહેબ બોલુ છુ, તમારો રાજકોટથી રીપોર્ટ આવેલ છે, કારખાનાનો ક્લોજર નોટીસનો રીપોર્ટ હળવો બનાવવા રૂપીયા પડાવી લીધા હતા આ અંગે પોલીસે ગુનો નોંધી આરોપીની ધરપકડ કરી વધુ તપાસ હાથ ધરી છે.

જેતપુરમાં કણકીયા પ્લોટમાં રહેતા અને જેતપુરમાં ભાદરના સામાકાઠે, નંદાણીયાનગરમાં શિવ ફીનીસીંગ નામનું સાડી ફીનીસીંગનું કારખાનું ધરાવતા મીત મનુસુખભાઈ ભુવા ઉ.25એ ગાંધીનગર સચિવાલયના શ્રમ ઓફિસર તરીકેની ઓળખ આપનાર ડી. કે.પટેલ સામે જેતપુર ઉદ્યોગનગર પોલીસમાં નોંધાવેલી ફરિયાદમાં જણાવ્યું હતું કે, ગઇ તા.22/05ના કારખાનામાં કામ કરતા 8 બાળ મજુરો મળી આવાતા જેતપુર ઉદ્યોગનગર પોલીસ મથકમાં ફરીયાદ નોંધાઈ હતી જે બાદ તા 26/05ના રોજ ફોન આવેલ કે ગાંધીનગર સચીવાલયમાંથી શ્રમ ઓફીસર ડી.કે.પટેલ સાહેબ બોલુ છુ, તમારો રાજકોટથી રીપોર્ટ આવેલ છે, તમારા કારખાનામાંથી 8 બાળ મજુરો પકડાયેલ છે, જે અંગે તમારા કારખાનાનો ક્લોજર નોટીસનો રીપોર્ટ બનાવવાનો છે, તમો કહેતા હોય તો હળવો રીપોર્ટ બનાવી આપુ, પરંતુ તમારે વહીવટ કરીને 40 હજાર આપવા પડશે. જેથી ફરીયાદીએ કહેલ કે, એટલા બધા થોડા હોય તો તેઓએ કહેલ કે, તમારા કારખાનામાં 8 બાળ મજુરોને રાખેલ હતા, તેનો હું રીપોર્ટ કરૂ તો તમારૂ કારખાનુ 90 દિવસ માટે બંધ રહેશે જેથી ફરીયાદી ગભરાઇ ગયેલ અને થોડી વારમાં ફોન કરવા માટે જણાવેલ હતું. થોડીવાર બાદ વોટ્સએપ વોઇસ કોલ આવેલ અને વાત કરેલ કે, મને રૂ.40 હજાર આપી દો, તો હું તમારો ક્લોજર રીપોર્ટ નહી બનાવુ જેથી તેને રૂપીયા આપવા માટે સંમતી આપેલ તો તેઓએ કહેલ કે, હું જેતપુર રૂબરૂ આવીને તમને મળીશ.બે દિવસ બાદ ફરી ડી.કે.પટેલનો વોટ્સઅપ કોલ આવેલ કે, હુ અહી જેતપુર ભાદરના સામાકાઠે તમારા કારખાના પાસે રોડ ઉપર ઉભેલ છુ, તમે અહીં આવો જેથી તેઓ તથા મીત્ર જીતેન્દ્રભાઇ બન્ને જણા બહાર નીકળી જોયુ તો એક આશરે 55 વર્ષની ઉંમરના એક ભાઇ વ્યવસ્થીત કપડા પહેરી ઉભેલ હોય, તેની પાસે ગયો તો તેઓએ ડી.કે. પટેલ સાહેબ હોવાની ઓળખ આપી, ગાંધીનગર સચીવાલયમાં શ્રમ વિભાગમાં ઓફીસર તરીકે નોકરી કરે છે કહીં કારખાનેદારને કડક કાર્યવાહી કરવાનું કહી ભયભીત કર્યા હતાં ફરીયાદીએ કહેલ મારે આવી રીતે હેરાન નથી થવુ આપ જેમ કહેશો તેમ હુ કરીશ તેવી કહેતા આ ડી.કે.પટેલએ રૂ.40 હજારની માંગણી કરેલ તો તેને કહેલ કે, હાલ મારી પાસે આટલા રૂપીયા તો નથી, મારી પાસે રોકડા 10 હજાર છે, તમે કહેતા હોય તો તે આપી દવ અને બાકીના રૂપીયા મારા કારખાનાનો નીલ રીપોર્ટ આપી દયો પછી આપીશ. તેમ કહેતા તેઓએ કહેલ કે, કોઇ વાંધો નહી અત્યારે 10 હજાર આપી દો બાકીના રૂપીયા તમારા કારખાનાનો નીલ રીપોર્ટ આપી દીધા પછી આગંડીયા મારફતે મોકલી આપજો જેથી ફરીયાદીએ આરોપીને રોકડા રૂ.10 આપેલ હતા. બાદ ડી.કે.પટેલને તેના વોટ્સઅપ નંબરથી અનેક વખત કોન્ટેક કરેલ પરંતુ તેઓએ ફોનના કોઇ જવાબ આપેલ નહી, જેથી ફરીયાદ નોંધાવી હતી

દરમિયાન ઉપરોક્ત ગુનાનો ભેદ ઉકેલવા એસપી વિજયસિંહ ગુર્જરની સૂચના અન્વયે એલસીબી પીઆઇ જે પી રાવ, જેતપુર ઉદ્યોગનગર પીઆઇ એસ એચ શર્મા અને ટીમે તપાસ હાથ ધરી નકલી અધિકારીની ઓળખ આપનાર અમદાવાદ ઇસનપુરના રાજેશ ઉર્ફે રાજુ ઉર્ફે ચકો નરેન્દ્રભાઈ ત્રિવેદીની ધરપકડ કરી ગુનાનો ભેદ ઉકેલી નાખ્યો હતો પ્રાથમિક પૂછતાછમાં તેણે ચોંકાવનારી કબૂલાત આપતા કહ્યું હતું કે પોતે અલગ-અલગ ન્યઝુ ચેનલમાં પ્રસારીત થતા ક્રાઇમને લગતા, એપીસોડ ટી.વી.મારફતે જોઇ તેમાંથી બનવાની વીગત, આરોપીઓના નામ સરનામા, પોલીસ સ્ટેશનના નામ તથા ગુનાની વીગત
મેળવી, JUST DIAL મારફતે કચેરીઓના નંબર મેળવી, ગુના મુજબ અલગ અલગ કચેરીમાથી અધિકારીની ઓળખ આપી, ધાક ધમકીઓ આપી જેલમાં મોકલવાની ધમકી આપવાની મોડ્સ ઓપરેન્ડી ધરાવે છે.

અગાઉ નકલી જેલર, આઇટી ઓફિસર, મામલતદાર, પોલીસ સહીત 9 ગુનામાં સંડોવણી

રાજકોટ ગ્રામ્ય પોલીસમાં પકડાયેલા ઇસનપુરના રાજેશ ત્રિવેદી સામે અગાઉ 9 ગુના નોંધાઈ ચુક્યા છે રાજેશે અગાઉ નકલી જેલર, નકલી ઈન્ક્મટેક્ષ ઓફિસર, નકલી મામલતદાર, નકલી પોલીસ અને નકલી ફૂડ સેફટી ઓફિસર બનીને ગુના આચર્યા છે આ નકલી ઓફિસર તરીકે ઓળખ આપી ઠગાઈ કરવી ઉપરાંત દારૂ, જુગાર સહીતના 9 ગુના આચરવા અંગે અમદાવાદ, ગાંધીનગર, અમરેલી, રામોલ, બાપુનગર, કાલુપુર, સુરતમાં ફરિયાદ નોંધાઈ ચુકી છે.