ગૌરવ અજમેરા અને વિપુલ ઘોણિયાની ‘મિલ-બાંટ કે ખાયેંગે’ની નીતિ ભાગ-7
અજમેરા એજન્સીના ગૌરવ અજમેરાના બાપ ધિરેન અજમેરાની શૈતાની હરકત
અજમેરા એજન્સી વિરુદ્ધ અવાજ ઉઠાવવાની કોશિશ કરનારા મહિલા ડૉક્ટરો સાથે અમાનવીય વ્યવહાર
રાજકોટ મહાનગરપાલિકામાં મેન પાવર સપ્લાયરનો કોન્ટ્રાક્ટ ધરાવતી ‘જી. ડી. અજમેરા મેન પાવર સપ્લાય’ એજન્સીના ગૌરવ ધિરેન અજમેરા અને આરએમસી મહેકમ વિભાગના આસિ. મેનેજર વિપુલ ઘોણીયાના એકથી વધુ કૌભાંડો ખાસ-ખબરમાં પ્રકાશિત થયા બાદ કેટલાંક જાગૃત નાગરિકો તેમજ ખુદ અજમેરા એજન્સી – આરએમસીના કરાર આધારિત કર્મચારીઓએ પોતાને થતા અન્યાયનાં પુરાવા જાહેર કર્યા છે. અજમેરા એજન્સી દ્વારા મહિલાઓને કઈ રીતે ડરાવવામાં – ધમકાવવામાં આવે છે તે આ પુરાવા પરથી જાણી શકાય છે. અજમેરા એજન્સીનાં કાળાં કરતૂત છાપરે ચડીને પોકારે છે.
એક મહિલા કર્મચારીએ ધિરેન અજમેરાનો 45 મિનિટનો ઑડિયો રેકોર્ડ કરી લીધો
- Advertisement -
ધિરેન અજમેરાનો રેકોર્ડ કરેલો ઑડિયો સાંભળવા અહીં ક્લિક કરો
ગૌરવ અજમેરાથી પણ ચાર વેંત ચઢિયાતો ધિરેન અજમેરા
જી.ડી. અજમેરા એજન્સીના ગૌરવ અજમેરાથી ચાર વેંત ચઢે તેવો તેનો બાપ ધિરેન અજમેરા છે. જ્યારે 120 જેટલા આયુષ ડોક્ટરોના મહિને 5 હજાર રૂપિયા ચાઉં કરવાના અજમેરા એજન્સીએ શરૂ કર્યા ત્યારે આયુષ ડોક્ટર તરીકે ફરજ બજાવતી 13 જેટલી મહિલા ડોક્ટરોએ આ અંગે હિંમતપૂર્વક મેયરથી લઈ મુખ્યમંત્રી સુધી ફરિયાદ કરી હતી. મહિલા ડોક્ટરોએ કરેલી આ ફરિયાદની જાણ અજમેરા એજન્સીના ગૌરવ અજમેરાના બાપ ધિરેનને થતા ધિરેન અજમેરાએ ત્રણ જેટલી ફરિયાદી મહિલા ડોક્ટરોને પોતાની કેબિનમાં એકલી બોલાવી 45 મિનિટ સુધી ડરાવી-ધમકાવી હતી. ધિરેન અજમેરાના આ કૃત્યથી ગભરાઈ મહિલા ડોક્ટરોએ અજમેરા એજન્સી વિરુદ્ધ પાછીપાની કરી લીધી હતી પરંતુ ખાસ-ખબરમાં પ્રકાશિત થયેલા અજમેરા એજન્સીનાં કૌભાંડો બાદ ફરી એકવખત આયુષ ડોક્ટરો અજમેરા એજન્સી વિરુદ્ધમાં બહાર આવ્યા છે.
- Advertisement -
બેટા નંબરી તો બાપ દસ નંબરી: બાપ-દીકરાની જોડીએ મહિલા ડૉક્ટરોને ત્રાસ આપ્યો
અજમેરા અને ઘોણિયા સામે આવકથી વધુ સંપત્તિ મામલે ફરિયાદ
રાજકોટ મ્યુનિસિપલ કોર્પોરેશનમાં મેનપાવરનો કોન્ટ્રાક્ટ ધરાવતી જી.ડી. અજમેરા એજન્સીના ગૌરવ ધિરેન અજમેરા અને આરએમસી મહેકમ વિભાગના આસિ. મેનેજર વિપુલ ઘોણીયા વિરુદ્ધ આવકથી વધુ સંપત્તિ હોવાની ફરિયાદ એક જાગૃત મહિલા કાર્યકરે કરેલી છે. આ ફરિયાદ મુજબ અજમેરા એજન્સી અને ગૌરવ ધિરેન અજમેરા તથા વિપુલ ઘોણીયાના વિવિધ બેંક એકાઉન્ટની અને અન્ય સંપત્તિની તપાસ હાથ ધરાશે કે કેમ તે તો જોવું રહ્યું પરંતુ એ હકિકત છે કે, રાજકોટ મ્યુનિસિપલ કોર્પોરેશનમાં કરોડો રૂપિયાના કૌભાંડો આચરી ગૌરવ અને વિપુલે કરોડો રૂપિયા બનાવ્યા છે તેમજ આ બંને નામે ઘણી બેનામી સંપત્તિ હોવાના સમાચાર છે. આ ઉપરાંત જાગૃત મહિલા કાર્યકર દ્વારા આવતીકાલે અજમેરા એજન્સી – ગૌરવ ધિરેન અજમેરા અને વિપુલ ઘોણિયાનાં સમગ્ર કૌભાંડો અંગે મુખ્યમંત્રી ભૂપેન્દ્ર પટેલ અને ભાજપ પ્રદેશ અધ્યક્ષ સી. આર. પાટીલ સહિત શહેરી વિકાસ મંત્રાલય તથા આરોગ્ય વિભાગમાં રૂબરૂ મુલાકાત કરી ફરિયાદ કરવામાં આવશે એવું જાણવા મળી રહ્યું છે.
‘ખાસ-ખબર’માં પ્રકાશિત અહેવાલોનો પડઘો :
અજમેરા એજન્સી સાથે સંકળાયેલા કૌભાંડીઓનું આવી બનશે. જી. ડી. અજમેરા એજન્સીના ગૌરવ ધિરેન અજમેરા અને રાજકોટ મ્યુનિસિપલ કોર્પોરેશન મહેકમ વિભાગના આસિ. મેનેજર વિપુલ ઘોણીયા દ્વારા 400 જેટલા કર્મચારીઓની PF, GST, CGST, ESICની રકમમાં આશરે 15 કરોડ રૂપિયાનું કૌભાંડ આચર્યા બાદ કોવિડ-19માં કોન્ટ્રાક્ટ પર ફરજ બજાવતા 120 આયુષ ડોક્ટરો પૈકી એક આયુષ ડોક્ટર દીઠ અંદાજે રૂ. 5 હજાર તફડાવી 5 કરોડ રૂપિયાના કૌભાંડ કર્યા અંગે ખાસ-ખબરમાં તબક્કાવાર પ્રકાશિત થયેલા અહેવાલોનો પડઘો એવો જોરદાર પડ્યો છે કે હવે અજમેરા એજન્સીનું આવી બનવાનું નક્કી છે. પક્ષ-વિપક્ષથી લઈ રાજ્ય સરકાર અને કેન્દ્ર સરકારનાં ઈમાનદાર અધિકારી-પદાધિકારીઓ સુધી સમગ્ર મામલો પહોંચી ગયા બાદ આ કૌભાંડ સાથે સંકળાયેલા તમામ કૌભાંડીઓ પર કડક કાર્યવાહીની શરૂઆત થઈ ચૂકી છે. આ કૌભાંડના દોષીતોને કડક સજા થાય અને પીડિતોને ન્યાય મળે એ માટેની ખાતરી પણ કેટલાંક અધિકારી-પદાધિકારીઓએ આપી છે.
છેલ્લા બે વર્ષથી ગૌરવ ધિરેન અજમેરા અને વિપુલ ઘોણીયાની મિલીભગતથી 500થી વધુ કર્મચારીઓના PF, GST, CGST, ESIC ઉપરાંત પગારના રકમમાં મોટી ઘાલમેલ કર્યા બાદ થોડા મહિનાઓ અગાઉ જ્યારે કરાર આધારિત કર્મચારીઓએ કમિશનર, મેયર અને સંબંધિત અધિકારી-પદાધિકારીઓને આ અંગે ફરિયાદ કરી હતી ત્યારે અજમેરા એજન્સીના ધિરેન અજમેરા અને તેના એક માણસે પોતાની એજન્સીના કરાર આધારિત કર્મચારીઓને પોતાની પાસે બોલાવી ધમકાવ્યા હતા. જોકે એક મહિલા કર્મચારીઓએ ધિરેન અજમેરાએ આપેલી ધમકીઓનો ઑડિયો રેકોર્ડ કરી લીધો હતો અને એ 45 મિનિટની ઓડિયો ક્લિપ હવે ‘ખાસ-ખબર’ના માધ્યમથી જગજાહેર કરી અજમેરા એજન્સીના ગૌરવ અજમેરાનાં બાપ ધિરેન અજમેરાનો વરવો ચહેરો ઉઘાડો પાડવામાં આવી રહ્યો છે.
RMCમાં કરોડો રૂપિયાનાં કૌભાંડોનું કેન્દ્રબિંદુ જી.ડી. અજેમરા એજન્સી
અજમેરા એજન્સીએ કોન્ટ્રાક્ટ પર રાખેલા કરાર આધારિત કર્મચારીઓએ જ અજમેરા એજન્સી વિરુદ્ધ લેખિતમાં ફરિયાદ કરી છે
આયુષ ડૉક્ટરોએ અજમેરા એજન્સી વિરુદ્ધ મેયરથી લઈ પ્રધાનમંત્રી સુધી કરેલી ફરિયાદો
આયુષ ડૉક્ટરોએ પોતાને થઈ રહેલા અન્યાય વિશે ત્રણ-ત્રણ મહિના સુધી અધિકારી-પદાધિકારીઓને લેખિતમાં જણાવ્યું છે
અજમેરા એજન્સી વિરુદ્ધ કરવામાં આવેલી ઢગલાબંધ ફરિયાદો છતાં અધિકારી-પદાધિકારીઓએ તપાસ કરવાની પણ તસ્દી નથી લીધી!
સંજીવની રથ, ULC, આરોગ્ય કેન્દ્ર અને ધનવંતરી રથમાં કામ કરતા મેડિકલ ઓફિસર- આયુષ ડોક્ટરોનાં માસિક વેતનનાં કરોડો રૂપિયા અજમેરા એજન્સી ચાઉં કરી ગઈ તેના બોલતાં પુરાવા
