માર્ગદર્શિકામાં તમામ શૈક્ષણિક સેટિંગ્સમાં ફરજિયાત માનસિક સ્વાસ્થ્ય પરામર્શ, કાર્યાત્મક ફરિયાદ નિવારણ પ્રણાલીઓ અને નિયમનકારી દેખરેખ જેવા પગલાં લેવાનું કહેવામાં આવ્યું છે.
શૈક્ષણિક સંસ્થાઓમાં વિદ્યાર્થીઓની આત્મહત્યાને લક્ષ્ય બનાવતી માર્ગદર્શિકા કોર્ટે જારી કરી
- Advertisement -
આ ચુકાદો શાળાઓ, કોલેજો, યુનિવર્સિટીઓ, છાત્રાલયો અને વધુને લાગુ પડે છે
વિદ્યાર્થીઓની આત્મહત્યામાં ચિંતાજનક વધારાને ધ્યાનમાં રાખીને આ પગલું લેવામાં આવ્યું છે
સુપ્રીમ કોર્ટે ભારતભરની શૈક્ષણિક સંસ્થાઓમાં વિદ્યાર્થીઓની આત્મહત્યાની વધતી સંખ્યા ઘટાડવા માટે 15 માર્ગદર્શિકાઓનો સમૂહ જારી કર્યો હતો. આમાં શાળાઓ, કોલેજો, કોચિંગ સેન્ટરો, યુનિવર્સિટીઓ, તાલીમ એકેડેમી અને છાત્રાલયોનો સમાવેશ થાય છે.
- Advertisement -
કોર્ટે નોંધ્યું હતું કે ઘણા વિદ્યાર્થીઓ શૈક્ષણિક તણાવ, પરીક્ષાના દબાણ અને સંસ્થાકીય સહાયના અભાવે આત્મહત્યા કરીને મૃત્યુ પામે છે. માર્ગદર્શિકામાં તમામ શૈક્ષણિક સેટિંગ્સમાં ફરજિયાત માનસિક સ્વાસ્થ્ય પરામર્શ, કાર્યાત્મક ફરિયાદ નિવારણ પ્રણાલીઓ અને નિયમનકારી દેખરેખ જેવા પગલાં લેવાનું કહેવામાં આવ્યું છે.
જયાં સુધી કાયદો નહીં બને, ત્યાં સુધી લાગુ રહેશે આ દિશાનિર્દેશ…
મેન્ટલ હેલ્થનીતિ બને: બધી શિક્ષણ સંસ્થાઓ યુનિફોર્મ મેન્ટલ હેલ્થ પોલિસી અપનાવશે. તેને નોટિસ બોર્ડ અને વેબસાઈટ પર જાહેર કરશે.
પ્રોફેશનલ નિયુક્ત કરે: 100થી વધુ છાત્રોવાળા સંસ્થાનોમાં મેન્ટલ હેલ્થ પ્રોફેશનલ જેવા ટ્રેઈન્ડ કાઉન્સીલર, સાઈકિયાટ્રીસ્ટ રાખવા પડશે.
સ્ટુડન્ટ-કાઉન્સીલર પ્રમાણ: નાની બેચોમાં સમર્પિત કાઉન્સીલર નિયુક્ત થવા જોઈએ, જેનાથી એકઝામમાં સહયોગ મળી શકે.
સુરક્ષા ઉપાય: હોસ્ટેલની છતો, બાલકની અને પંખા જેવી જગ્યામાં સુરક્ષાના સાધનો લગાવવા પશે.
બેચ વિભાજન નહીં: કોચિંગ સહિત બધા સંસ્થાન પ્રદર્શનના આધારે છાત્રોને અલગ બેચમાં ન મુકવા.
અત્યાચાર પર કડક વલણ: જાતિ, લિંગ, ધર્મ, દિવ્યાંગતા અને યૌન આધાર પર ઉત્પીડનની ફરિયાદનું મિકેનીજમ બનાવવું.
ઈમરજન્સી હેલ્પ: સંસ્થાનોમાં હોસ્પિટલ, હેલ્પલાઈનના નંબર સ્પષ્ટ અક્ષરોમાં દર્શાવવા જોઈએ.
સ્ટાફ ટ્રેનીંગ: કર્મચારીઓને વર્ષમાં ઓછામાં ઓછા બે વાર ટ્રેઈન્ડ મેન્ટલ હેલ્થ પ્રોફેશનલની ટ્રેનીંગ આપવામાં આવે.
પેરેન્ટસમાં જાગૃતિ: માતા-પિતા માટે જાગૃતિ સેશન (બેઠક) કરવી, તેમને બાળકો પર વધુ પ્રેસર ન નાખવાનું કહેવામાં આવે.
