રિષભ પંતની હજુ પણ સારવાર ચાલી રહી છે એવામાં આ બધા વચ્ચે લોકોને હવે રિષભ પંતની કારકિર્દીને લઈને પણ ચિંતા સતાવી રહી છે.
ભારતીય ટીમનો સ્ટાર વિકેટકીપર બેટ્સમેન રિષભ પંત કાર અકસ્માતમાં ગંભીર રીતે ઘાયલ થયો છે. ઘટના બાદ મર્સિડીઝ કારમાં ભીષણ આગ ફાટી નીકળી હતી. આ ઘટના શુક્રવારે (30 ડિસેમ્બર) વહેલી સવારે રૂરકીના ગુરુકુલ નરસન વિસ્તારમાં બની હતી. સવારે 5:15 વાગ્યે તેમની મર્સિડીઝ બેન્ઝ કાર નરસન બોર્ડર પર રોડની રેલિંગ સાથે અથડાઈ હતી અને મીડિયા રિપોર્ટ્સ અનુસાર ટક્કર એટલી મોટી હતી કે કાર હવામાં ઉછળીને થોડે દૂર જઈને પડી હતી અને આ અકસ્માત પછી તરત જ કારમાં આગ લાગી હતી, જોતાં જોતાં જ મર્સિડીઝ બેન્ઝ થોડી વારમાં સંપૂર્ણ રીતે બળીને ખાખ થઈ ગઈ હતી.
- Advertisement -
Rishabh Pant accident | Rishabh has two cuts on his forehead, a ligament tear in right knee & has also hurt his right wrist, ankle, toe & has suffered abrasion injuries on his back. His condition remains stable & has now been shifted to Max Hospital, Dehradun: BCCI
(File pic) pic.twitter.com/da0spb3eTG
— ANI (@ANI) December 30, 2022
- Advertisement -
આ સમાચાર આવતાની સાથે જ ક્રિકેટ જગતમાં હંગામો મચી ગયો હતો અને આ ઘટનાને કારણે ક્રિકેટ જગતમાં દરેક લોકો ચિંતિત છે અને દરેક લોકો રિષભ પંતના ઝડપથી સ્વસ્થ થવાની પ્રાર્થના કરી રહ્યા છે. રિષભ પંતની હજુ પણ સારવાર ચાલી રહી છે એવામાં આ બધા વચ્ચે લોકોને હવે રિષભ પંતની કારકિર્દીને લઈને પણ ચિંતા સતાવી રહી છે.
ઋષભ પંતને શરીરના કયા હિસ્સામાં પંહોચી છે ઇજા?
ઋષભ પંત ભારત-બાંગ્લાદેશ ટેસ્ટ સીરિઝ પછી આરામ આપવામાં આવ્યો હતો, શ્રીલંકા સીરિઝ માટે પસંદગી કરવામાં આવતા તેઓ પોતાના ઘરે જઈ રહ્યા હતા અને કાર ડિવાઈડર સાથે અથડાવાને કારણે ગંભીર અકસ્માત થયો હતો. મળતી માહિતી મુજબ ઋષભ પંતની ઈજા ઘણી ગંભીર છે. સારવાર કરી રહેલા ડૉ. સુશીલ નાગરે જણાવ્યું હતું કે તેમના કપાળ અને ઘૂંટણ પર ખૂબ જ ગંભીર ઈજા પંહોચી છે. હાલ પ્રારંભિક એક્સ-રે કરવામાં આવ્યો છે તેમાં શરીર પર ફ્રેક્ચર કે દાઝવા જેવી કોઈ વસ્તુ જોવા મળી નથી પણ હવે એમઆરઆઈ અને અન્ય રિપોર્ટની રાહ જોવાઈ રહી છે. ઋષભ પંતના કપાળ પર બે કટ છે જેનમાંથી એક ડાબી આંખની ઉપર છે અને આ સાથે તેના ઘૂંટણમાં ગંભીર ઈજા થઈ છે, જ્યારે તેની પીઠ પર ઘણા સ્ક્રેચ પડ્યા છે. આવી સ્થિતિમાં ઋષભ પંતને આમાંથી સાજા થવામાં ઘણો સમય લાગી શકે છે.
My thoughts and prayers are with Rishabh Pant as he fights his way back to recovery. I have spoken to his family and the doctors treating him. Rishabh is stable and undergoing scans. We are closely monitoring his progress and will provide him with all the necessary support.
— Jay Shah (@JayShah) December 30, 2022
BCCIએ શું આપ્યું નિવેદન?
રિષભ પંતના અકસ્માત પર ભારતીય ક્રિકેટ કંટ્રોલ બોર્ડ (BCCI)ના સચિવ જય શાહ દ્વારા નિવેદન જારી કરવામાં આવ્યું છે. બીસીસીઆઈએ પોતાના નિવેદનમાં જણાવ્યું હતું કે અકસ્માત બાદ રિષભ પંતને હોસ્પિટલમાં દાખલ કરવામાં આવ્યો છે, બોર્ડ એમના પરિવાર અને હોસ્પિટલના સંપૂર્ણ સંપર્કમાં છે અને તેને શ્રેષ્ઠ સારવાર આપવાના પ્રયાસો ચાલુ છે. BCCI અનુસાર રિષભ પંતના કપાળ પર બે કટ છે અને તેના ઘૂંટણમાં ઈજા થઈ છે. ઋષભ પંતને અંગૂઠા, એડી, કાંડા અને પીઠ પર ઈજા પંહોચી છે અને રિષભ પંતની હાલત હાલ સ્થિર છે. તેને દેહરાદૂનની મેક્સ હોસ્પિટલમાં ખસેડવામાં આવ્યો છે.
ડૉક્ટરે શું કહ્યું?
પંતની સારવાર કરનારા ડૉ. સુશીલ નાગરે જણાવ્યું હતું કે પંતને માથા અને ઘૂંટણમાં ઈજા થઈ છે અને તેની વધુ તપાસ કરવી પડશે. જ્યારે તેને અમારી હોસ્પિટલમાં લાવવામાં આવ્યો ત્યારે તે સંપૂર્ણ હોશમાં હતો અને મેં તેની સાથે પણ વાત કરી અને તે ઘરે જઈને તેની માતાને સરપ્રાઈઝ આપવા માંગતો હતો. હાલ તેને માથામાં ઈજા છે, પરંતુ મેં ટાંકા નથી લગાવ્યા. મેં તેને મેક્સ હોસ્પિટલમાં લઈ જવાનું કહ્યું જ્યાં પ્લાસ્ટિક સર્જન તેનો ઈલાજ કરે અને એક્સ-રે દર્શાવે છે કે કોઈ હાડકું તૂટ્યું નથી. જમણા ઘૂંટણમાં ઈજા છે અને તે કેટલી ગંભીર છે તે એમઆરઆઈ દ્વારા વધુ તપાસ પછી જાણી શકાશે. પંતની પીઠ પર મોટો ઘા છે અને સોશિયલ મીડિયા પર જે તસવીરો વાયરલ થઈ છે તે આગથી થયેલી ઈજા નથી. આ ઈજા એટલા માટે થઈ કારણ કે ગાડીમાં આગ લગતની સાથે જ તે બારી તોડી અને કૂદી ગયો હતો. તેની પીઠ પર પડવાથી તેની ચામડી છોલાઈ ગઈ હતી.
Media Statement – Rishabh Pant
The BCCI will see to it that Rishabh receives the best possible medical care and gets all the support he needs to come out of this traumatic phase.
Details here 👇👇https://t.co/NFv6QbdwBD
— BCCI (@BCCI) December 30, 2022
શું પંતનું કરિયર ખતરામાં?
રિષભ પંતની ઈજાઓ હજુ પણ ઘણી ગંભીર દેખાઈ રહી છે અને હોસ્પિટલના ડૉક્ટરનું કહેવું છે કે પંતને સાજા થવામાં 6 મહિનાનો સમય લાગી શકે છે પણ જો ટીમ ઈન્ડિયાના શેડ્યૂલ પર નજર કરીએ તો રિષભ પંત આવનારા દિવસોમાં ઘણી મોટી અને મહત્વની સિરિઝને ચૂકી શકે છે.
