દારૂ-જુગાર, ડ્રગ્સ જેવી બદીઓનું એપી સેન્ટર બન્યો ભક્તિનગર પોલીસ સ્ટેશન વિસ્તાર
ખુલ્લેઆમ ચાલે છે ધંધો: ભક્તિનગર પોલીસ સ્ટેશન વિસ્તારમાં બેરોકટોક ચાલતી ગેરકાનૂની પ્રવૃત્તિ
‘ખાસ-ખબર’ દ્વારા છેલ્લાં બે મહિના દરમિયાન દારૂ-જુગાર, ડ્રગ્સની બદી પર શ્રેણીબદ્ધ સ્ટિંગ ઓપરેશન્સ થયા છે, સજ્જડ પુરાવાઓ સાથે આ બધી જ વિગતો પ્રજા સમક્ષ અને પોલીસ સમક્ષ મૂકવામાં આવી છે. પરંતુ તેમાંથી ભાગ્યે જ કોઈની સામે પગલાં લેવાયા છે. ફળની ચિંતા કર્યા વગર ‘ખાસ-ખબર’ આજે દેશી દારૂનાં અડ્ડાનું વધુ એક સ્ટિંગ લઈને આવ્યું છે. આ સ્ટિંગ બે દિવસથી સોશ્યલ મિડીયામાં વાયરલ છે.
દેશી દારૂનો આ બાર અટિકા ફાટક પાસે (અશોક એન્જિનિયરિંગના ગેઈટ પાસે) ધમધમી રહ્યો છે. એકદમ બેરોકટોક. કશું જ છૂપાવ્યા વગર. અહીં શરાબીઓ માટે માત્ર દારૂની જ નહીં, બેસીને પીવાની, બાઈટિંગ માટે નાસ્તા વગેરેની વ્યવસ્થા છે. સવારથી સાંજ સુધી દેશી દારૂનો આ અડ્ડો ધમધમતો રહે છે.
- Advertisement -
ભક્તિનગર પોલીસ સ્ટેશનની હદમાં ચાલતાં આ દેશી બાર વિશે ભક્તિનગર પોલીસ અજાણ હોય, તેવું માનવાને કોઈ કારણ નથી. કારણ કરે, આ અડ્ડો છાનો-છપનો ચાલતો નથી, વટભેર ચાલે છે. પોલીસ સ્ટેશનનાં સ્ટાફને પૂરતી જાણ હોવા છતાં આ અડ્ડો બંધ શા માટે કરાવાતો નથી એ મુદ્દાનો જવાબ આપણે સૌ જાણીએ જ છીએ.
ભક્તિનગર પોલીસ સ્ટેશન વિસ્તાર આજે ડ્રગ્સ-જુગાર અને દેશી-વિદેશી દારૂ જેવી ગેરકાનૂની પ્રવૃત્તિઓનો ગઢ બની ચૂક્યો છે, ત્યારે આ વિસ્તારની મૂળથી સફાઈ જરૂરી છે.
- Advertisement -
વટભેર ચાલતાં આ અડ્ડા વિશે ભક્તિનગર પોલીસ (અ)જાણ?!
ભક્તિનગર પોલીસ સ્ટેશનની હદમાં ચાલતાં આ દેશી બાર વિશે ભક્તિનગર પોલીસ અજાણ હોય, તેવું માનવાને કોઈ કારણ નથી. કારણ કે, આ અડ્ડો છાનો-છપનો ચાલતો નથી, વટભેર ચાલે છે. પોલીસ સ્ટેશનનાં સ્ટાફને પૂરતી જાણ હોવા છતાં આ અડ્ડો બંધ શા માટે કરાવાતો નથી એ મુદ્દાનો જવાબ આપણે સૌ જાણીએ જ છીએ.
ભક્તિનગર પોલીસ સ્ટેશન વિસ્તાર આજે ડ્રગ્સ-જુગાર અને દેશી-વિદેશી દારૂ જેવી ગેરકાનૂની પ્રવૃત્તિઓનો ગઢ બની ચૂક્યો છે, ત્યારે આ વિસ્તારની મૂળથી સફાઈ જરૂરી છે.
અગાઉ પણ ભક્તિનગર પોલીસની નિષ્ક્રિયતાને કારણે વિજિલન્સે રેઈડ કરવી પડી હતી
ભક્તિનગર પોલીસ સ્ટેશન વિસ્તારમાં ધમધમી રહેલાં, મહિલા બૂટલેગર ઝિન્નતનાં અડ્ડા વિશે ‘ખાસ-ખબર’ દ્વારા પુરાવા સહિત અહેવાલ રજૂ કરાયા બાદ પણ ભક્તિનગર પોલીસે નોંધપાત્ર પગલાં નહીં લેતાં ગાંધીનગરથી વિજિલન્સ સ્કવોડની રેઈડ આવી હતી અને સ્થાનિક પોલીસનું નાક કાપી ગઈ હતી. જે રેઈડમાં આખું જુગારખાનું પકડાયું હતું અને સ્થાનિક પોલીસની નિષ્ફળતા પુરવાર થઈ હતી.‘ખાસ-ખબર’એ વિદેશી દારૂનાં કટિંગની ટિપ આપી, પોલીસે ‘વહિવટ’ કરી લીધો!
ભક્તિનગર પોલીસ સ્ટેશનનાં તાબામાં આવતા સહકાર મેઈન રોડ (જમુનાનગર, શાંતિ નિકેતન સ્કૂલ પાસે) પર ભૂરો નામનો એક નામચીન શખ્સ ઈંગ્લિશ દારૂનું ધૂમ કટિંગ કરે છે. આ અંગેના સ્ટિંગ વિડીયોનાં આધારે ‘ખાસ-ખબર’એ ભક્તિનગર પોલીસને ટિપ આપી હતી. પરંતુ ફૂટેલાં સ્ટાફે આ માહિતી ભૂરાને આપી દીધી હતી. રેડ કરવાને બદલે પોલીસે તેને ધંધો શિફટ કરવાની તક આપી હતી. હવે ભૂરો પોતાનો ધંધો આજી ડેમ પોલીસ સ્ટેશનનાં વિસ્તારમાં લઈ ગયો છે.
અડ્ડાની અંદર પીવાની વ્યવસ્થા
દરેક કાળાં કારોબારના મુખ્ય મથક બન્યો ભક્તિનગર પોલીસ સ્ટેશન વિસ્તાર જંગલેશ્ર્વરમાં પાંચ-દસ રૂપિયામાં ભાંગની ગોળીઓ મળી રહે છે. દેશી-ઇંગ્લિશ દારૂ આસાનીથી મળે છે, એમ.ડી. અને બ્રાઉન સ્યુગર પણ ઉપલબ્ધ છે. રાજકોટનાં કોઈપણ ખૂણે ગાંજો વેંચાતો હોય, સપ્લાય અહીંથી જ થાય છે. આ ઉપરાંત પણ આ પોલીસ સ્ટેશન વિસ્તારમાં બેફામ કાળાં ધંધા ચાલે છે.
આ બધી બદીઓને ડામવા ભક્તિનગર પોલીસ સ્ટેશનમાં કોઈ અત્યંત કડક અધિકારી મૂકવાની તાતી જરૂરિયાત છે. જ્યાં સુધી અહીં ખાઉધરા અને પપલુ જેવા અધિકારીઓ આવતા રહેશે ત્યાં લગી ગેરકાનૂની પ્રવૃત્તિ પર અંકૂશ નહીં આવે.
પવલા કોળીનો ધંધો મંજૂરી સાથે ચાલું!
દેશી દારૂ વેચતો શખ્સ
સંત કબિર રોડ પર ચાલતાં દેશી દારૂનાં બાર અંગે ‘ખાસ-ખબર’એ તસવીરો અને વિડીયો સાથે અહેવાલ પ્રકાશિત કર્યો હતો. આ બધાં પુરાવા ડીસીપી ઝોન-1 મીણાને પણ સોંપાયા હતાં.
દેશી દારૂનો જથ્થો
પરંતુ કોઈ ગેબી કારણોસર પવલા પર કશાં જ પગલાં લેવાયાં નહીં. હવે પવલાએ એક શેરી દૂર પોતાનો કાળો કારોબાર ફરી શરૂ કરી દીધો છે અને કહેવાય છે કે, પોલીસ સાથે પણ તેણે મીઠા સંબંધો બાંધી લીધા છે. કિશોરકુમારે ગાયું જ હતું: ‘… જો બાગ બહાર મેં ઉજડે, ઉસે કૌન ખીલાયેં…!’
