મોરબી કલેક્ટર કચેરી ખાતે જિલ્લા સંકલન સહ ફરિયાદ સમિતીની બેઠક યોજાઈ

ખાસ-ખબર સંવાદદાતા
મોરબી જીલ્લા કલેક્ટર કચેરીના સભાખંડ ખાતે જીલ્લા પોલીસ અધિક્ષક રાહુલ ત્રિપાઠી અને નિવાસી અધિક કલેક્ટર એન. કે. મુછારની હાજરીમાં જિલ્લા સંકલન સહ ફરિયાદ સમિતીની બેઠક યોજાઈ હતી જેમાં જીલ્લાના વિવિધ પ્રશ્નોની સમીક્ષા કરવામાં આવી હતી.
આ બેઠક અન્વયે આંગણવાડીના મકાનની ફાળવણી, ખેડૂતોને વળતર ચુકવણી, જમીન દબાણ, વૃદ્ધ નિરાધાર પેન્શન સહાય, વિચરતી જાતીને જમીન વહેંચણી, સ્ટ્રીટ લાઈટ અને હિરાસર એરપોર્ટ જવા માટે એ.સી. બસ શરૂ કરવી વગેરેને લગતા પ્રશ્નોની સમીક્ષા કરી સમયમર્યાદામાં જરૂરી કાર્યવાહી કરવા માટે જણાવ્યું હતું.
આ બેઠકમાં મોરબી-માળિયાના ધારાસભ્ય કાંતિભાઈ અમૃતિયા, જિલ્લા પોલીસ અધિક્ષક રાહુલ ત્રિપાઠી, મોરબી જીલ્લા નિવાસી અધિક કલેક્ટર એન.કે. મુછાર અને પ્રાંત અધિકારીઓ સહિતના જીલ્લાના ઉચ્ચ અધિકારીઓ ઉપસ્થિત રહ્યા હતા.