‘સિંઘમ અગેઈન’માં દીપિકા પદુકોણ અજય દેવગનની બહેનની ભૂમિકામાં: એકશન સીન્સ કરશે

શાહરૂખ ખાન સાથે પઠાણ ફિલ્મમાં દિલધડક એકશન સ્ટન્ટ કરનારી દીપિકાએ જવાનમાં પણ કમાલ કર્યો છે. જવાનના ટ્રેલરમાં દીપિકાને દુશ્મનો સાથે ટકકર લેતાં જોઈ શકાય છે. આગામી વર્ષમાં રોહિત શેટ્ટીની કોપ યુનિવર્સ ફિલ્મ સિંઘમ અગેઈન આવી રહી છે.

આ ફિલ્મમાં પણ દીપિકા પાદુકોણે બહાદુર પોલીસ ઓફિસરનો રોલ કર્યો છે. આ ફિલ્મમાં દીપિકાએ એકશનની સાથે ઈમોશનલ સીન્સ પણ કરશે. પોલીસ ઓફિસર ઉપરાંત અજય દેવગનની બહેનના રોલમાં પણ તે જોવા મળશે.

પાછલા બે-ત્રણ વર્ષથી ધીમી પડેલી દીપિકા પાદુકોણની કેરિયરને પઠાણની સફળતાએ બુસ્ટર ડોઝ આપ્યો છે. શાહરુખની જવાનમાં પણ દીપિકાનો કેમિયો છે. આ ઉપરાંત બાહુબલી ફેમ પ્રભાસ સાથેની ફિલ્મ કલ્કિમાં પણ તેનો મહત્વનો રોલ છે.

દીપિકાએ એકશન રોલની આ સફરને સિંઘમ અગેઈનમાં પણ જાળવી રાખી છે. આ ફિલ્મમાં અજય દેવગનની સાથે અક્ષયકુમાર અને રણવીરસિંહ પણ મહત્વના રોલમાં છે. રોહિત શેટ્ટીના કોપ યુનિવર્સમાં દીપિકા પહેલીવાર કામ કરવાની છે. આ ફિલ્મમાં દીપિકા પાદુકોણ અજય દેવગનની બહેનના રોલમાં જોવા મળશે.

રોહિત શેટ્ટીના કોપ યુનિવર્સમાં પહેલી વખત મહિલા પોલીસ ઓફિસર જોવા મળશે અને લેડી સિંઘમના રોલ માટે આજના જમાનાની એકશન સ્ટાર દીપિકાની પસંદગી કરવામાં આવી છે. સિંઘમ અગેઈનમાં અગાઉ વિકી કૌશલને પણ રોલ ઓફર થયો હતો. જો કે ડાયરેકટર લક્ષ્મણ ઉતેકરની ફિલ્મ છાવાના શુટીંગની તારીખો સાથે ટકરાવ થતો હોવાથી તેમણે સિંઘમ અગેઈનમાંથી વિદાય લેવાનું પસંદ કર્યું છે.

સિંઘમ અગેઈનમાં ટાઈગર શ્રોફનો કેમીયો નકકી થયો છે, જેથી રોહિતની આગામી ફિલ્મમાં ટાઈગર શ્રોફ પણ મોટા રોલમાં આવે તેવી શકયતા છે. સિંઘમ અગેઈનનું શુટીંગ સપ્ટેમ્બર મહિનામાં શરુ થવાનું છે અને ઓગષ્ટ 2024માં આ ફિલ્મ રિલીઝ થવાની છે. દીપિકા પાદુકોણ આ ફિલ્મ માટે 35-40 દિવસના શીડયુલમાં શુટીંગ કરવાની છે.