દેશના વડાપ્રધાન નરેન્દ્ર મોદી બે દિવસથી ગુજરાતના પ્રવાસે છે. ગઈકાલે રાજકોટમાં 2033 કરોડના વિકાસ કામોનું લોકાર્પણ કરી સભા સંબોધી હતી. આજે નરેન્દ્ર મોદી ગાંધીનગરમાં મહાત્મા ગાંધી મંદિર ખાતે પહોંચ્યા છે અને સેમિકોન ઈન્ડિયા 2023નું ઉદઘાટન કર્યું છે. આ તકે નરેન્દ્ર મોદીએ જણાવ્યું હતું કે, ભારત સેમિ કન્ડક્ટર ઈન્ડસ્ટ્રીઝ માટે રેડ કાર્પેટ પાથરી રહ્યું છે. જે સેક્ટરે અમારી સાથે કામ કર્યું છે તેઓને ઊંચાઈ મળી જ છે.
સેમિકોન ઇન્ડિયામાં દેશ વિદેશની ઘણી કંપનીઓ આવી છે
- Advertisement -
મેં હમણાં પ્રદર્શન જોયુ છે. આ ક્ષેત્રમાં ઘણી પ્રગતિ થઇ છે, નવા પ્રોડક્ટ્સ આવ્યા છે. ઓછા લોકોને મળ્યો, પણ શાનદાર અનુભવ રહ્યો છે. ગુજરાતના યુવાનોને આગ્રહ કે પ્રદર્શન નિહાળો. દુનિયામાં આ ક્ષેત્રે કેવી પ્રગતિ થઇ રહી છે તે જુઓ, સમજો. ભારતમાં સેમિકન્ડક્ટર ક્ષેત્રમાં કેમ રોકાણ કરવું તે સવાલ કરાતો હતો. હવે એક વર્ષ પછી સવાલ બદલાઇ ગયો છે. હવે પૂછાય છે કે ભારતમાં રોકાણ કેમ ન કરવુ. માત્ર સવાલ નહીં રૂખ પણ બદલાયો છેઃ અને આ રૂખ બદલવામાં ભારતની કંપનીઓએ ભૂમિકા ભજવી છે. ભારત હવે કોઇને નિરાશ નથી કરતુ. 21મી સદીના ભારતમાં તમારા માટે અવસર જ અવસર. ભારતની લોકશાહી, ભૂગોળ ઉદ્યોગોને બે – ત્રણ ગણા કરશે. સેમિકન્ડક્ટર ક્ષેત્રમાં ખૂબ વિશાળ તકો રહેલી છે.
#WATCH | At SemiconIndia Conference 2023, PM Narendra Modi says, "Today, the world is becoming a witness to Industry 4.0. Whenever the world has undergone any industrial revolution, its foundation has been the aspirations of the people of any region. This was the relation between… pic.twitter.com/cCeLLHwIGb
— ANI (@ANI) July 28, 2023
- Advertisement -
વિશ્વ ગ્લોબલ પેન્ડેમિક, રશિયા – યુક્રેન યુદ્ધમાંથી બહાર નીકળ્યુ
ભારત આ ક્ષેત્રમાં એક વિકસી રહેલો દેશ હતો. 2014માં ભારતનું ઇલેટ્રોનિક ઉત્પાદન 30 અબજ ડોલરથી પણ ઓછું અને આજે તે વધીને 100 અબજ ડોલરને પાર થયુ છે. ભારતમાં બનેલા મોબાઇલ ફોનની નિકાસ બમણી થઇ છે. એક સમયે ભારત મોબાઇલ ફોનનું આયાતકાર હતુ. ભારત વિશ્વના શ્રેષ્ઠ મોબાઇલ બનાવે છે અને નિકાસ કરે છે. 2014 પહેલા ભારતમાં માત્ર 2 મોબાઇલ ઉત્પાદન યુનિટ હતા. આજે તેની સંખ્યા વધીને 200થી વધુ થઇ છે. બ્રોડબેન્ડ યુઝર્સની સંખ્યા પણ વધીને 80 કરોડને પાર છે. 2014માં 25 કરોડ ઇન્ટરનેટ કનેક્શન હતા. આજે 85 કરોડથી વધુ ઇન્ટરનેટ કનેક્શન છે. આ આંકડા ભારતની સફળતા તો દર્શાવે જ છે. આંકડા સેમિકોન ઇન્ડસ્ટ્રી માટે વિકાસની રૂપરેખા છે.
#WATCH | At SemiconIndia Conference 2023, PM Narendra Modi says, "We are seeing exponential growth in India's digital sector and electronic manufacturing. A few years back India was a rising player in this sector and today, our share in global electronics manufacturing has… pic.twitter.com/KpQsIG63ke
— ANI (@ANI) July 28, 2023
આજે વિશ્વ ચોથી ઔદ્યોગિક ક્રાંતિનું સાક્ષી બની રહ્યું છે
ચોથી ઔદ્યોગિક ક્રાંતિ અને ભારતીય એસ્પિરેશનમાં સંબંધ. ભારતમાં અત્યંત ગરીબી ઝડપથી ઘટી રહી છે. ભારતના લોકો ટેક ફ્રેન્ડલી, ટેકનોલોજી ઝડપથી અપનાવે છે. ભારતમાં ડેટા ગામ ગામ સુધી પહોંચી રહ્યો છે. ભારતના લોકો સ્માર્ટ ઇલેક્ટ્રિક મોબિલિટી તરફ આગળ વધે છે. ભારતનો વધતો નીયો મિડલ ક્લાસ અનેક તકો આપે છે. ચિપ મેકિંગમાં પણ ભારત પદાર્પણ કરી રહ્યું છે. જે આ ક્ષેત્રે આગળ વધશે તેને પહેલા હોવાનો લાભ મળશે. વિશ્વ ગ્લોબલ પેન્ડેમિક, રશિયા – યુક્રેન યુદ્ધમાંથી બહાર નીકળ્યુ છે.
ભારતની સ્કીલ, કેપેબિલિટીનો પૂરી દુનિયાને લાભ મળશે
મોદીએ વધુમાં જણાવ્યું હતું કે, ભારતની સ્કીલ, કેપેબિલિટીનો પૂરી દુનિયાને લાભ મળશે. અમે બેટર વર્લ્ડ માટે ભારતનું સામર્થ્ય વધારવા માગીએ છીએ. જેમાં તમારો ભાગ છે તેના માટે ખૂબ ખૂબ શુભેચ્છાઓ. હું ઈચ્છું છે કે, મોકો છે. મેં લાલા કિલ્લા પરથી કહ્યું હતું કે, આ જ સમય સાચો છે. દુનિયા માટે તો છે પણ દેશ માટે પણ છે.
