ડેબ્યૂ કરી રહેલા યશસ્વી જયસ્વાલે પોતાની પહેલી જ ઇનિંગમાં સદી ફટકારીને ઇતિહાસ રચ્યો હતો. આ સદી સાથે તેનું નામ વિશેષ યાદીમાં જોડાઈ ગયું.
ભારત અને વેસ્ટ ઈન્ડિઝ વચ્ચે 2 મેચોની ટેસ્ટ સીરિઝની પ્રથમ મેચ ડોમિનિકાના મેદાન પર રમાઈ રહી છે. આ ટેસ્ટના બીજા દિવસની રમતમાં ભારત તરફથી ડેબ્યૂ કરી રહેલા 21 વર્ષના યશસ્વી જયસ્વાલના બેટમાંથી શાનદાર સદીની ઇનિંગ જોવા મળી છે. યશસ્વી પોતાની ડેબ્યૂ ટેસ્ટમાં સદી ફટકારનાર પ્રથમ ભારતીય ઓપનિંગ બેટ્સમેન બની ગયો છે, જેણે વિદેશ પ્રવાસ પર આવું કરવામાં સફળ રહ્યો છે.
- Advertisement -
ભારતીય ટીમનો દબદબો જોવા મળ્યો
પ્રથમ ટેસ્ટમાં ભારતીય ટીમનો દબદબો સંપૂર્ણ રીતે જોવા મળી રહ્યો છે. બોલિંગની સાથે ભારતીય ટીમે બેટિંગમાં પણ પૂરી તાકાત દેખાડી હતી. વેસ્ટ ઈન્ડિઝ 150 રનમાં ઓલઆઉટ થયા બાદ ટીમ ઈન્ડિયાના ઓપનરોનો કેરેબિયન બોલરો પર ખૂબ દબદબો જોવા મળ્યો હતો. ડેબ્યૂ કરી રહેલા યશસ્વી જયસ્વાલે પોતાની પહેલી જ ઇનિંગમાં સદી ફટકારીને ઇતિહાસ રચ્યો હતો. આ સદી સાથે તેનું નામ વિશેષ યાદીમાં જોડાઈ ગયું.
What a sensational debut for @ybj_19! A true marvel to watch as he becomes the youngest Indian to score a century on debut against West Indies. 🇮🇳 An innings filled with sheer talent, determination, and promise for the future. Congratulations to the youngster! @BCCI pic.twitter.com/zRhooU8Dbm
— Jay Shah (@JayShah) July 13, 2023
- Advertisement -
યશસ્વી જયસ્વાલે સદી ફટકારીને ઈતિહાસ રચ્યો
21 વર્ષીય યુવા ઓપનર યશસ્વી જયસ્વાલે પોતાની ટેસ્ટ ઇનિંગ્સમાં જ સદી ફટકારીને ઈતિહાસ રચ્યો હતો. અત્યાર સુધી કોઈ ભારતીય ઓપનરે ભારતની બહાર ટેસ્ટ ડેબ્યૂ કરતી વખતે સદી ફટકારી ન હતી. ભારતે 1932માં ટેસ્ટ મેચ રમવાની શરૂઆત કરી હતી પરંતુ આવી તક 91 વર્ષમાં ક્યારેય મળી નથી. યશસ્વી જયસ્વાલ ભારતીય ટેસ્ટ ઈતિહાસમાં પ્રથમ ઓપનર છે જેણે વિદેશમાં ડેબ્યૂ કરતી વખતે સદી ફટકારી છે. વિદેશની ધરતીમાં શતક લગાવનાર જયસ્વાલ પહેલા આ કામ સૌરવ ગાંગુલી, વીરેન્દ્ર સેહવાગ, સુરેશ રૈના, અબ્બાસ અલી બેગ, પ્રવીણ આમરે અને સુરિન્દર અમરનાથ કરી ચુક્યા છે. હવે જયસ્વાલ પણ આવું કરનાર સાતમો ખેલાડી બની ગયો છે.
Stumps on Day 2 of the opening #WIvIND Test!
A solid show with the bat from #TeamIndia! 💪 💪
1️⃣4️⃣3️⃣* for @ybj_19
1️⃣0️⃣3️⃣ for Captain @ImRo45
3️⃣6️⃣* for @imVkohli
We will be back for Day 3 action tomorrow 👍 👍
Scorecard ▶️ https://t.co/FWI05P4Bnd pic.twitter.com/6bhG1klod0
— BCCI (@BCCI) July 14, 2023
જયસ્વાલે 215 બોલમાં ફટકારી સદી
મુંબઈના યશસ્વી જયસ્વાલે વેસ્ટ ઈન્ડિઝ સામે 215 બોલમાં પોતાની ટેસ્ટ કારકિર્દીની પ્રથમ સદી ફટકારી છે. આ ઇનિંગમાં તેના બેટમાંથી અત્યાર સુધીમાં 11 ચોગ્ગા નીકળી ચૂક્યા છે. જયસ્વાલ આઈપીએલમાં તેની તોફાની બેટિંગ માટે જાણીતો છે પણ તેણે ટેસ્ટ રમતી વખતે ઘણી ધીરજ સાથે બેટિંગ કરી હતી. તેણે પોતાની ઇનિંગ્સમાં ભાગ્યે જ ખરાબ શોટ રમ્યો હતો. આ સાથે 21 વર્ષીય યશસ્વી ભારતની બહાર પોતાની ડેબ્યૂ ટેસ્ટમાં સદી ફટકારનાર પ્રથમ ઓપનર બની ગયો છે.
A special dedication after a special start in international cricket! 😊#TeamIndia | #WIvIND | @ybj_19 pic.twitter.com/Dsiwln3rwt
— BCCI (@BCCI) July 14, 2023
જયસ્વાલે 69.1 ઓવરમાં પોતાની સદી પૂરી કરી હતી. તેણે પોતાની ડેબ્યૂ ટેસ્ટ મેચમાં 215 બોલમાં 11 ચોગ્ગાની મદદથી સદી ફટકારી હતી. જયસ્વાલે મેચના બીજા દિવસે તેના પ્રથમ દિવસના 40 રનના સ્કોરથી આગળ રમવાનું શરૂ કર્યું અને જયસ્વાલ વેસ્ટ ઈન્ડિઝમાં ડેબ્યૂમાં અર્ધશતક ફટકારનાર બીજો ભારતીય બેટ્સમેન બન્યો. આ પહેલા સુનીલ ગાવસ્કરે 1971માં ડેબ્યૂ ટેસ્ટમાં આ કારનામું કર્યું હતું. ગાવસ્કરે ડેબ્યૂ ટેસ્ટની બંને ઇનિંગ્સમાં અડધી સદી ફટકારી હતી.
આ સિવાય જયસ્વાલની આઈપીએલની વાત કરીએ તો આઈપીએલ 2023માં જયસ્વાલે 165ની ધમાકેદાર સ્ટ્રાઈક રેટથી બેટિંગ કરતા 428 રન બનાવ્યા. જયસ્વાલને આઈપીએલની આ સિઝનના કારણે જ ભારતીય ટીમમાં રમવાની તક મળી. ટેસ્ટ ઉપરાંત યશસ્વી વેસ્ટ ઈન્ડિઝ સામેની ટી20 ટીમમાં પણ છે.