-મુખ્યમંત્રીએ શોક વ્યકત કરી મૃતકોના પરિવાર માટે ચાર-ચાર લાખની સહાય જાહેર કરી
નાગાલેન્ડના દીમાપુર જિલ્લાના ચુમુકેડિમા ખાતે મંગળવારે 4 જુલાઈના રોજ ભૂસ્ખલનને કારણે પર્વત પરથી પડેલા વિશાળ ખડકથી રસ્તા પર પાર્ક કરેલી એક કાર લગભગ સંપૂર્ણપણે કચડાઈ ગઈ હતી. નજીકમાં પાર્ક કરેલી અન્ય એક કાર પણ તેની લપેટમાં આવી ગઈ હતી. આંખના પલકારામાં, સામે ઉભેલી વધુ એક કાર મોટા પથ્થર નીચે કચડાઈ ગઈ હતી. જે કાર પર પહેલા પથ્થર પડ્યો હતો,
- Advertisement -
તેમાં બે લોકોના મોત થયા હતા. આ ઘટનામાં ત્રણ લોકો ગંભીર રીતે ઘાયલ થયા છે. આ સમગ્ર ઘટનાનો પાંચ સેક્ધડનો વીડિયો વાયરલ થઈ રહ્યો છે. પોલીસે આ વાયરલ વીડિયોની પુષ્ટિ કરી છે. આ ભયાનક ઘટના રોડ પર પાછળ ઉભેલા અન્ય વાહનના ડેશબોર્ડ કેમેરામાં કેદ થઈ ગઈ હતી. નાગાલેન્ડના મુખ્યમંત્રી નેફ્યૂ રિયોએ આ દુર્ઘટના પર શોક વ્યક્ત કર્યો છે. એક ટ્વીટમાં તેમણે કહ્યું કે, આજે સાંજે લગભગ 5 વાગ્યે દીમાપુર અને કોહિમા વચ્ચે નેશનલ હાઈવે પર ખડકો પડતાં ગંભીર નુકસાન થયું હતું,જેમાં 2 લોકોના મોત થયા હતા અને 3 લોકો ગંભીર રીતે ઘાયલ થયા હતા. આ સ્થળ હંમેશા ‘પાકાલા પહાર’ તરીકે ઓળખાય છે.
#WATCH | A massive rock smashed a car leaving two people dead and three seriously injured in Dimapur's Chumoukedima, Nagaland, earlier today
(Viral video confirmed by police) pic.twitter.com/0rVUYZLZFN
- Advertisement -
— ANI (@ANI) July 4, 2023
જે ભૂસ્ખલન અને ખડકોના પડવા માટે જાણીતું છે. અન્ય એક ટ્વિટમાં, મુખ્ય પ્રધાન રિયોએ કહ્યું, રાજ્ય સરકાર કટોકટી સેવાઓ પ્રદાન કરવા માટે તમામ પગલાં લઈ રહી છે. દરેક મૃતકના નજીકના સંબંધીઓને 4-4 લાખ રૂપિયાની રકમ આપવામાં આવશે અને ઘાયલોને જરૂરી તબીબી સહાય અને મદદ પૂરી પાડવામાં આવશે. આ સાથે મુખ્યમંત્રીએ જણાવ્યું હતું કે સમગ્ર હાઇવે પર જ્યાં પણ જોખમી સ્થળો છે ત્યાં સુરક્ષા માળખામાં સુધારો કરવા માટે રાજ્ય સરકાર કેન્દ્ર અને નેશનલ હાઇવેઝ એન્ડ ઇન્ફ્રાસ્ટ્રક્ચર ડેવલપર કોર્પોરેશન લિમિટેડ સાથે મળીને પ્રયાસો ચાલુ રાખશે. નાગરિકોની સલામતી સુનિશ્ચિત કરવામાં કોઈ બાંધછોડ કરવામાં આવશે નહીં.
