યૌન શોષણના પૂરાવા માંગવા પર ભડક્યાં પહેલવાનો: સાક્ષી મલિકે આપી ચેતવણી

સાક્ષી મલિકે કહ્યું, કોઈ પણ સ્વાભિમાની સ્ત્રી જાતીય સતામણી પાણ ખોટું નિવેદન નહીં આપે, અમારી ફરિયાદો છતાં કંઇ ન થયું તો મેડલ કે પુરસ્કારનો શું મતલબ ?

દિલ્હીમાં છેલ્લા કેટલાક દિવસોથી કુસ્તીબાજોનું વિરોધ પ્રદર્શન ચાલુ છે. આ તરફ હવે સાક્ષી મલિકે એક મોટું નિવેદન આપ્યું છે. સાક્ષી મલિકે કહ્યું કે, બૃજભૂષણ જેવા મજબૂત વ્યક્તિની સામે લડવા ઘણી હિંમતની જરૂર પડે છે. આ સાથે તેમણે કહ્યું કે, ઓવરસાઈડ કમિટી પર તેમણે બિલકુલ વિશ્વાસ નથી. આ દરમિયાન તેમણે તપાસ સામે પજવણીના ફોટોગ્રાફ અને વિડીયો પુરાવા માંગવાનો પણ ઉલ્લેખ કર્યો હતો.

શું કહ્યું સાક્ષી મલિકે ?
તાજેતરના એક ઇન્ટરવ્યુંમાં ઉત્પીડન સામે અવાજ ઉઠાવવાં માટે આટલો લાંબો સમય કેમ તેના જવાબમાં કહ્યું કે, જ્યારે ખેલાડીઓમાં હિંમત આવી ત્યારે તેઓ બોલ્યા. આ સાથે કહ્યું કે, બૃજભૂષણ જએવા શક્તિશાળી વ્યક્તિ સામે બોલવા માટે ઘણી હિંમતની જરૂર પડે છે. અમે નક્કી કર્યું ક, હવે જાતીય સતામણી સામે અવાજ ઉઠાવવાનો સમય આવી ગયો છે.

સાક્ષી મલિકે શું દાવો કર્યો ?
સાક્ષી મલિકે દાવો કર્યો છે કે, ફરિયાદ કરનાર યુવતીઓને ધમકીઓ મળી રહી છે. તેમણે કહ્યું કે, સગીરના પરિવારને પણ ધમકીઓ આપવામાં આવી રહી છે. તેમની કહેવું છે કે, જે સ્કૂલમાં સગીર છોકરી અભ્યાસ કરે છે ત્યાં તે સગીર નથી નથી તે બતાવવા માટે જન્મતારીખ બદલવાનો પ્રયાસ કરવામાં આવ્યો હતો.

તપાસમાં માંગ્યા પુરાવા
સાક્ષી મલિકે કહ્યું કે, સમિતિના સભ્યોએ ફોટોગ્રાફ્સ અને વોઇસ રેકોર્ડીંગ જેવા પુરાવાની માંગ કરી છે. તેણે કહ્યું કે, પીડિતોએ કહ્યું કે, જો આ ઘટના કોઈની સાથે થાય છે, તો શું તે જાણશે કે આવું કઈ થવાનું છે ? જો કોઈ સ્ત્રીને ખબર હોય કે તેણી પર જાતીય હુમલો થવાનો છે, તો તે તે જગ્યાએ નહીં જાય. જો મહિલા એવું નિવેદન આપી રહી છે કે, તેણીનું યૌન શોષણ થયું છે, તો તે પુરાવા જ આપી રહી છે. કોઈ પણ સ્વાભિમાની સ્ત્રી જાતીય સતામણી પાણ ખોટું નિવેદન નહીં આપે. અમને ખાતરી છે કે, પોલીસ દ્વારા યોગ્ય તપાસ કરવામાં આવશે.

તો શું હવે ખેલાડીઓ મેડલ પરત કરશે ?
કુસતીબાજોએ ભારતીય રેસલિંગ ફેડરેશન પ્રમુખ બૃજભૂષણ શરણસિંહની ધરપકડ ન થાય તો મેડલ પરત આપવાના સંકેત આપ્યાં છે. સાક્ષી મલિકે કહ્યું કે, ભારત સરકારે અમને આ પુરસ્કારો આપ્યાં છે. પરંતુ જો કોઈ કાર્યવાહી કરવામાં આવતી નથી, તો તેનો અર્થ શું છે ? અમે 25 દિવસથી જંતર-મંતર પર બેઠા છીએ.. અમારી ફરિયાદો છતાં કંઇ ન થયું તો મેડલ કે પુરસ્કારનો શું મતલબ ?