સોમનાથની મનીષા વાળાએ થાઈલેન્ડમાં બે બ્રોન્ઝ મેડલ જીત્યા

ખાસ-ખબર સંવાદદાતા
કિક બોક્સિંગમાં સારી એવી નામના મેળવનાર અને આંતરરાષ્ટ્રીય સ્તરે કિક બોક્સિંગમાં ગુજરાત તરફથી પ્રથમ દિકરી તરીકે પ્રતિનિધિત્વ કરેલ મૂળ મનીષા વાળા મૂળ ગીર સોમનાથ જિલ્લાના કોડીનાર તાલુકાની વતની છે. મનીષાએ તાજેતરમાં થાઈલેન્ડના બેંગકોકમાં એશિયન ચેમ્પિયનશિપમાં ભારતનું પ્રતિનિધિત્વ કર્યું હતું. આ સ્પોર્ટ્સ ઈવેન્ટનું આયોજન 10 થી 19 ડિસેમ્બર 2022 દરમિયાન કરવામાં આવ્યું હતું. આ ઈવેન્ટમાં 20 દેશોના 500 ખેલાડીઓએ ભાગ લીધો હતો. મનીષાએ ઉઝબેકિસ્તાન, ઈરાન અને થાઈલેન્ડ સામે રમીને 2 બ્રોન્ઝ મેડલ મેળવ્યા હતા.
તાજેતરમાં તેણીએ 2જી ઇન્ડિયન ઓપન ઇન્ટરનેશનલમાં ભારતનું પ્રતિનિધિત્વ કર્યું હતું જે 2 થી 6 નવેમ્બર, 2022 દરમિયાન દિલ્હીના તાલકટોરા ઇન્ડોર સ્ટેડિયમમાં યોજાઇ હતી અને તેમાં ગોલ્ડ મેડલ મેળવ્યો હતો. આ સ્પર્ધામાં ભારતની સાથે દક્ષિણ કોરિયા, ઉઝબેકિસ્તાન, જોર્ડન વગેરે જેવા ઘણા દેશોના ખેલાડીઓએ ભાગ લીધો હતો. મનીષાને તાજેતરના ભૂતકાળમાં ગુજરાત માનવ રત્ન એવોર્ડ એનાયત કરવામાં આવ્યો છે. તે હવે વિશ્વ ઓલિમ્પિક રમતોની તૈયારી કરી રહી છે.
આ અગાઉ મનીષા વાળાને સ્પોર્ટ ક્ષેત્રે માનવ રત્ન ઓફ ગુજરાત એવોર્ડથી પણ સન્માનિત કરાયા છે. નાની વયે મોટી સિધ્ધિ મેળવી ગુજરાત તેમજ ગીર સોમનાથ જિલ્લાનું ગૌરવ વધાર્યું હતું.