સુરેન્દ્રનગરમાં આહીર સમાજ દ્વારા સ્નેહમિલનનું આયોજન કરાયું

બેઠકમાં સંગઠનની ચર્ચા તેમજ સમાજ લક્ષી કાર્યો કરવાની ચર્ચાઓ કરવામાં આવી

સુરેન્દ્રનગરમાં આહીર સમાજ દ્વારા મર્યાદિત સંખ્યા સ્નેહમિલનમાં આહીર સમાજનું સંગઠન જાહેર કરવામાં આવ્યું હતું. આ સ્નેહ મિલનમાં જિલ્લાના જુદા જુદા તાલુકા મથકો સહિત વિસ્તારમાંથી સમાજના આગેવાનો, કર્મચારીઓ ઉપસ્થિત રહ્યા હતા. આ પ્રસંગે ભગવાન મુરલીધર સમક્ષ દીપ પ્રાગટ્ય કરી સમાજના વક્તાઓ દ્વારા પ્રસંગોચિત ઉદ્બોધન આપવામાં આવ્યું હતું. આ પ્રસંગે પ્રમુખ તરીકે જગદીશભાઈ આહીર, મંત્રી તરીકે મહેશભાઈ ચાવડા, સહમંત્રી તરીકે રાજુભાઈ વરુ, અમરશીભાઈ, ધનાભાઈ, પ્રશાંતભાઈ, મયુરભાઈ ની નિમણુંક કરવામાં આવી હતી. ઉપરાંત આ બેઠકમાં સંગઠનની ચર્ચા તેમજ સમાજ લક્ષી કાર્યો કરવાની ચર્ચાઓ કરવામાં આવી હતી. આ ઉપરાંત આહીર સમાજ વૈચારિક ક્રાંતિ ગ્રુપમાં જોડાવા માટે સૌને આહવાન કરવામાં આવ્યું હતું.

દિપકસિંહ વાઘેલા, (સુરેન્દ્રનગર)