દર દાયકામાં બાળક પેદા કરતો સૈફ અલી ખાન પાંચમા બાળક અંગે વિચારી રહ્યો છે? કરીનાએ આપી ચેતવણી

બોલિવૂડ અભિનેત્રી કરીના કપૂરે સૈફ અલી ખાનના વખાણ કર્યા છે કે તેણે તેના ચાર બાળકોની ખૂબ જ સારી રીતે સંભાળ રાખવાની સાથે તેમને ઘણો સમય આપ્યો છે. 

ઘણા વર્ષો સુધી એકબીજાને ડેટ કર્યા પછી, સૈફ અને કરીનાએ 2012 માં લગ્ન કર્યા અને તેમને બે બાળકો છે, તૈમુર અલી ખાન અને જહાંગીર અલી ખાન. તેમજ, સૈફ અલી ખાનને તેની પ્રથમ પત્ની અમૃતા સિંહથી બે બાળકો છે – સારા અલી ખાન અને ઈબ્રાહિમ અલી ખાન. કરીના કપૂરે સૈફ અલી ખાનને બાળકોના ઉછેરની વાત કરીએ તો તેને એક સારો પિતા ગણાવ્યો છે, પરંતુ સાથે જ એક ચેતવણી પણ આપી છે. કરીનાએ કહ્યું કે ‘સૈફને દરેક દાયકામાં એક બાળક છે. જ્યારે તે વીસનો હતો… તે ત્રીસનો હતો… તે ચાલીસનો હતો અને હવે તે તેના પચાસમા વર્ષમાં છે. મેં તેમને કહ્યું છે કે તમારા 60માં વર્ષમાં આવું ન થવું જોઈએ.

એક ફેશન મેગેઝિન ‘ને આપેલા ઈન્ટરવ્યુમાં કરીના કપૂરે કહ્યું, ‘સૈફ દર દાયકામાં એક બાળકનો પિતા બન્યો છે… તે વીસ, ત્રીસ, ચાલીસમાં… અને હવે તેની ઉંમરના 50માં વર્ષમાં પણ. . પરંતુ હવે મેં તેમને સ્પષ્ટ ચેતવણી આપી છે કે 60ના દાયકામાં આવું થવાનું નથી. હું માનું છું કે સૈફ અલી ખાન જેવો ખુલ્લા મનનો વ્યક્તિ જ તેની ઉંમરના અલગ-અલગ સમયે ચાર બાળકોનો પિતા બની શકે છે.કરીના કપૂરે વધુમાં કહ્યું, ‘સૈફ તેના તમામ બાળકોને પૂરો સમય આપે છે. અને, હવે અમે જેહ સાથે પણ સમય સંતુલિત કરવાનો પ્રયાસ કરી રહ્યા છીએ. અમારા બંને વચ્ચે એક સમજૂતી છે કે જ્યારે સૈફ કોઈ ફિલ્મનું શૂટિંગ કરશે ત્યારે હું તે સમયના શેડ્યૂલમાં શૂટિંગમાં ન રાખવાનો પ્રયત્ન કરીશ.

અત્યારે જેહને પૂરતો સમય આપવાનો પ્રયાસ કરીએ છીએ. અમે નક્કી કર્યું છે કે જેહ પાસે હું અથવા તો સૈફ અચૂકથી રહીશું. જો હું શૂટિંગ પર હોઉં તો સૈફ ઘરે હોય અને જો સૈફ શૂટિંગ પર હોય તો હું ઘરે હોઉં છું.’

નોંધનીય છે કે કરીનાએ ગયા વર્ષે તેના બીજા પુત્ર જહાંગીરને જન્મ આપ્યો હતો જ્યારે તૈમૂરનો જન્મ વર્ષ 2016માં થયો હતો.કરીનાએ ગયા વર્ષે ફેબ્રુઆરીમાં દીકરા જહાંગીરને જન્મ આપ્યો હતો. બંનેએ વર્ષ 2012માં લગ્ન કર્યાં હતાં. 2016માં કરીનાએ પહેલાં દીકરા તૈમુરને જન્મ આપ્યો હતો. સારા અલી ખાન તથા જહાંગીર વચ્ચે 25 વર્ષનું અંતર છે. કરીના માને છે કે સૈફ ખુલ્લા વિચારો ધરાવે છે અને તેથી જ તે સારો પિતા બની શક્યો છે.

તમને જણાવી દઈએ કે સૈફ અલી ખાનની દીકરી સારા અલી ખાન અને તૈમૂર વચ્ચે 25 વર્ષનો તફાવત છે. ઘણીવાર સૈફ અને કરીના પોતાના ચાર બાળકો સાથેની તસવીરો પણ સોશિયલ મીડિયા પર શેર કરે છે. જો વર્ક ફ્રન્ટની વાત કરીએ તો બહુ જલ્દી કરીના કપૂર આમિર ખાનની સામે ફિલ્મ લાલ સિંહ ચઢ્ઢામાં જોવા મળશે. તે જ સમયે, સૈફ અલી ખાનની લાઇનઅપમાં આદિપુરુષ અને વિક્રમ વેધા જેવી ફિલ્મો છે.