બોસ્ટન કન્સલ્ટિંગ ગ્રુપના ‘ઇન્ટેલિજન્ટ સિટીઝ ઇન્ડેક્સ 2026’નો રિપોર્ટ
દુનિયાનાં 61 મુખ્ય શહેરોમાં દિલ્હી 43મા અને મુંબઈ 51મા સ્થાને
- Advertisement -
દુનિયાનાં ટોપ ‘ઇન્ટેલિજન્ટ’ શહેરોમાં ભારતમાંથી દિલ્હી અને મુંબઈએ પણ પોતાની જગ્યા બનાવી છે, જો કે બંને શહેરો હજુ ઉભરતા શહેરોની કેટેગરીમાં સામેલ છે. બોસ્ટન કન્સલ્ટિંગ ગ્રુપના ‘ઇન્ટેલિજન્ટ સિટીઝ ઇન્ડેક્સ 2026’ અનુસાર, દુનિયાનાં 61 મુખ્ય શહેરોમાં દિલ્હી 43મા અને મુંબઈ 51મા સ્થાને છે. આ પોતાનાં પ્રકારનો પહેલો વૈશ્વિક અભ્યાસ છે. જેમાં 39 દેશોનાં 61 મોટા શહેરોમાં નાગરિકો અને વ્યવસાયોની સુવિધા માટે ટેકનોલોજીનાં ઉપયોગનું મૂલ્યાંકન કરવામાં આવ્યું છે. ઇન્ડેક્સ અનુસાર, લંડન, દુબઈ, ન્યૂયોર્ક, વોશિંગ્ટન ડીસી અને એમ્સ્ટરડેમ દુનિયાનાં પાંચ સૌથી ‘ઇન્ટેલિજન્ટ’ શહેરો તરીકે ઉભરી આવ્યાં છે. આ શહેરોને પાંચ અલગ-અલગ માપદંડો પર તપાસવામાં આવ્યાં છે. જો કે, આમાંથી કોઈ પણ શહેર દરેક ક્ષેત્રમાં અગ્રેસર નથી. AI જેવી ઝડપથી બદલાતી ટેકનોલોજી સાથે નાગરિકોની અપેક્ષાઓ પણ વધી રહી છે, જેને જોતાં આ ટોપ શહેરોની પાસે પણ ઘણાં મામલામાં સુધાર અને આગળ વધવાની ઘણી તકો છે.
રિપોર્ટમાં શહેરોનું આંકલન પાંચ મુખ્ય માપદંડો પર કરવામાં આવ્યું છે. ટેકનોલોજીથી જીવનને વધુ સારું બનાવવાનું પરિણામ, તેને લાગું કરવાની રણનીતિ, ટેકનોલોજીને અપનાવવી, કામ કરવાની રીત અને મદદરૂપ માળખું તૈયાર કરવું. શહેરોને ચાર કેટેગરીમાં વહેંચવામાં આવ્યાં છે: અગ્રણી, ઝડપથી વધતાં, ઉભરતાં અને વિકાસશીલ. રિપોર્ટનો નિષ્કર્ષ એ પણ છે કે ,જીવનની ગુણવત્તા સુધારવા માટે શહેરોને શરૂઆતમાં જ અબજોના બજેટ કે વિશ્વસ્તરીય ઇન્ફ્રાસ્ટ્રક્ચરની જરૂર નથી. શહેર પોતાની હાલની સ્થિતિથી જ AI આધારિત સ્માર્ટ સેવાઓની શરૂઆત કરીને નાગરિકોનાં જીવનસ્તરમાં મોટો બદલાવ લાવી શકે છે અને ‘ઇન્ટેલિજન્ટ સિટી’ બનવાની દિશામાં આગળ વધી શકે છે.
રિપોર્ટના મુખ્ય મુદ્દા
નાગરિકોની જીવનશૈલીને વધુ સારી બનાવવામાં લંડન સૌથી આગળ.
AI અને સ્માર્ટ ટેકનિકને લાગું કરવા માટે સૌથી સારી રણનીતિક રૂપરેખા મેઇડ કરી.
ટેકનિકને અપનાવવામાં દુબઈ અને મુંબઈ આગળ.
કામ કરવાની રીતમાં ન્યૂયોર્ક શહેર સૌથી આગળ.
ટેકનિક લાગું કરવામાં મદદ કરનારા કાર્યો માટે એમ્સ્ટરડેમ સૌથી ઉપર છે.
