ઙજઈં-કછઉની 13,591 પોસ્ટની જાન્યુઆરીમાં પરીક્ષા, 23 ડિસેમ્બર સુધી ફોર્મ ભરી શકાશે

ગુજરાત પોલીસ ભરતી બોર્ડ દ્વારા જાહેરાત કરવામાં આવી

જાન્યુઆરી 2026ના ત્રીજા સપ્તાહથી ફિઝિકલ ટેસ્ટ શરૂ થવાની સંભાવના

ખાસ-ખબર ન્યૂઝ રાજકોટ

ગુજરાત પોલીસ ભરતી બોર્ડ દ્વારા જાહેરાત ક્રમાંક ૠઙછઇ/202526/1 અંતર્ગત પો.સ.ઇ. કેડર અને લોકરક્ષક કેડરની ભરતી પ્રક્રિયામાં મહત્વપૂર્ણ અપડેટ સામે આવ્યું છે. બોર્ડે સ્પષ્ટ કર્યું છે કે આ બંને કેડરની શારીરિક કસોટી (ઙઊઝ/ઙજઝ) સંભવિત રીતે જાન્યુઆરી-2026ના ત્રીજા સપ્તાહથી શરૂ કરવામાં આવશે. ઉમેદવારોને શારીરિક કસોટી સંબંધિત તારીખો, સ્થળ તથા અન્ય માર્ગદર્શિકા અંગેની વિગતવાર સૂચના ભરતી બોર્ડ દ્વારા અધિકૃત રીતે વહેલી તકે જાહેર કરવામાં આવશે. લાખો યુવાનો આ ભરતી માટે તૈયારી કરી રહ્યા હોવાથી આ નોટિફિકેશન મોટી રાહતરૂપ સાબિત થઈ છે. ઉમેદવારોને સલાહ આપવામાં આવે છે કે તેઓ નિયમિત તૈયારી સાથે ૠઙછઇની અધિકૃત વેબસાઇટ પર અપડેટ્સ ચેક કરતા રહે.

13,591 ખાલી જગ્યા પર ઓનલાઈન અરજી કરી શકાશે
ગુજરાત પોલીસ ભરતી બોર્ડ દ્વારા પોલીસ સબ-ઇન્સ્પેક્ટર (ઙજઈં) અને લોકરક્ષક (કછઉ) કેડરની 13,591 ખાલી જગ્યા પર ભરવા માટેની જાહેરાત કરવામાં આવી હતી. રાજ્યના યુવાનો માટે પોલીસ વિભાગમાં જોડાવાની આ એક મોટી તક છે. આ ભરતી માટેની ઓનલાઈન અરજી પ્રક્રિયા આગામી 3 ડિસેમ્બર, 2025થી 23 ડિસેમ્બર, 2025 સુઘી ઓનલાઈન અરજી કરી શકાશે.

ઙજઈંની 858 ખાલી જગ્યા ભરાશે
પોલીસ સબ ઇન્સ્પેકટરની 858 ખાલી જગ્યાઓ ભરવામાં આવશે, જેમાં બિન હથિયારી પોલીસ સબ ઇન્સ્પેકટર, હથિયારી પોલીસ સબ ઇન્સ્પેકટર અને જેલર ગૃપ-2નો સમાવેશ થાય છે. ગ્રેજ્યુએશન (સ્નાતક) કરેલું હશે તે ઉમેદવારો ઙજઈં માટે અરજી કરી શકશે.

કછઉની 12733 જગ્યાઓ પર ભરતી
લોકરક્ષક(કછઉ)ની 12733 ખાલી જગ્યાઓ ભરવામાં આવશે. આમાં મુખ્યત્વે બિન હથિયારી પોલીસ કોન્સ્ટેબલ, હથિયારી પોલીસ કોન્સ્ટેબલ, હથિયારી પોલીસ કોન્સ્ટેબલ (જછઙઋ) અને જેલ સિપોઈ (પુરૂષ/મહિલા)ની જગ્યાઓનો સમાવેશ થાય છે. ધો.12 પાસ કરેલું હોવું તેવા ઉમેદવારો લોકરક્ષક (કછઉ) માટે અરજી કરી શકશે.

શારીરિક કસોટી

ઉમેદવાર દોડનું અંતર સમયમર્યાદા
પુરુષ 5000 મીટર 25 મિનિટ
મહિલા 1600 મીટર 9.30 મિનિટ
માજીસૈનીક 2400 મીટર 12.30 મિનિટ