યંગ ઇન્ડિયા ગ્રુપ દ્વારા આયોજિત સંકલ્પ નવરાત્રીમાં ખેલૈયાઓ પર ઇનામોની વણઝાર

ફાઇનલના અંતિમ દિવસે પ્રિન્સ-પ્રિન્સેસને ઇ-બાઇક અને લિટલ પ્રિન્સ-પ્રિન્સેસને બાયસિકલથી નવાજવામાં આવશે

ખાસ-ખબર ન્યૂઝ  મોરબી

મોરબીમાં યંગ ઇન્ડિયા ગ્રુપ દ્વારા સતત 16માં વર્ષે આયોજિત ‘સંકલ્પ નવરાત્રી મહોત્સવ’માં ખેલૈયાઓ ભારે ઉત્સાહભેર ગરબે ઘૂમીને માતાજીની આરાધના કરી રહ્યા છે. રવાપર-ઘુનડા રોડ પર આવેલા પ્લેટિનિયમ પાર્ટી પ્લોટ ખાતે યોજાયેલા આ મહોત્સવમાં બહેનો માટે નિ:શુલ્ક એન્ટ્રી રાખવામાં આવી છે.

યંગ ઇન્ડિયા ગ્રુપના મેન્ટોર ડો. દેવેનભાઈ રબારીએ જણાવ્યું હતું કે, સંકલ્પ નવરાત્રી મહોત્સવમાં દરેક વર્ગના લોકો ઉત્સાહથી ગરબે રમી રહ્યા છે. આ મહોત્સવમાં ખેલૈયાઓના આકર્ષણનું કેન્દ્ર બની રહેલા રાત્રીના મોડે સુધીના મંડળી ગરબા પણ રમાડવામાં આવી રહ્યા છે. આ ઉપરાંત, અહીં દરરોજ વિશેષ લોકોને આમંત્રિત કરી ગરબે રમાડવામાં આવે છે અને સામાજિક ક્ષેત્રના મહાનુભાવોનું ખાસ સન્માન પણ કરવામાં આવે છે. મહોત્સવના આકર્ષક ઇનામોની વાત કરતા તેમણે કહ્યું કે, ફાઇનલના અંતિમ દિવસે વિજેતા ખેલૈયાઓ પર ઇનામોની વણઝાર થવાની છે. જેમાં: પ્રિન્સ અને પ્રિન્સેસને ઇ-બાઇક.,લિટલ પ્રિન્સ અને પ્રિન્સેસને બાયસિકલ સહિતના અનેક આકર્ષક ઇનામોથી નવાઝવામાં આવશે.