વિધર્મીઓનાં પ્રવેશ બાબતે ‘અબતક-સુરભી’ની સખ્તાઈની ચોતરફ પ્રશંસા

છઠ્ઠા નોરતે અબતક સુરભીમાં માનવ મહેરામણ ઉમટ્યો, યુવાનોથી લઇ મોટેરા મન મૂકીને ઝૂમ્યા

સૌરાષ્ટ્રના ઇતિહાસમાં પ્રથમ વખત ક્રિકેટ ગ્રાઉન્ડમાં દાંડિયારાસનું આયોજન

ખેલૈયાઓ રોજ તિલક કરી માઁ આદ્યશક્તિની આરાધના માટે રાસ ગરબાની રમઝટ બોલાવે છે

ગરબા કિંગ મૃદુલ ઘોષ અને માર્ગી પટેલ એકથી એક ચડિયાતા પ્રાચીન અર્વાચીન ગરબા ગાઇ ખેલૈયાઓને થીરકવા પર મજબૂર કરી રહ્યા છે

ખાસ-ખબર ન્યૂઝ રાજકોટ
રાસોત્સવના ઈતિહાસમાં પ્રથમ વખત એવું બન્યુ છે કે, આંતરરાષ્ટ્રીય ક્રિકેટ સ્ટેડિયમમાં ખેલૈયાઓ રાસ ગરબાની રમઝટ બોલાવી રહ્યા છે. ત્યારે રેસકોર્સ રીંગ રોડ પર રાત પડે ને દિવસ ઉગે તેવો માહોલ અને વાતાવરણ સર્જાઇ છે. નવરાત્રીના છઠ્ઠા નોરતે શનિવારે રેસકોર્સમાં માધવરાય સિંધિયા ક્રિકેટ ગ્રાઉન્ડમાં માનવ મહેરામણ ઉમટી પડ્યુ હતુ તેમજ યુવાનોથી લઇ મોટેરાઓ પણ મન મૂકીને ઝૂમી ઉઠ્યા હતા. અબતક સુરભી રાસોત્સવમાં દરરોજ ખેલૈયાઓ માથે તિલક કરી મા આદ્ય શક્તિની આરાધન માટે રાસ ગરબાની રમઝટ બોલાવે છે. આ ઉપરાંત ખેલૈયાઓ રંગબેરંગી ટ્રેડિશનલ ડ્રેસમાં સજ્જ થઇ અવનવા સ્ટેપ સાથે આકર્ષણ ઉભુ કરે છે તો ગરબા કિંગ મૃદુલ ઘોષ અને માર્ગી પટેલ એકથી એક ચડિયાતા પ્રાચીન અર્વાચીન ગરબા ગાઇ ખેલૈયાઓને થીરકવા પર મજબૂર કરે છે.

અબતક-સુરભીનાં આયોજકો મરદમૂછાળા

નવરાત્રી દરમિયાન અર્વાચીન દાંડિયાનાં આયોજનમાં આ વખતે વિધર્મીઓનાં પ્રવેશ બાબતે ખૂબ વિવાદ થયો છે. લવ-જેહાદની પણ ભારે ચર્ચા થઈ રહી છે. આવી સ્થિતિમાં ‘અબતક-સુરભી’એ આ બાબતે સખ્તાઈ-કાળજી રાખ્યા છે- જેની ચોતરફ પ્રશંસા થઈ રહી છે. અહીં આવનારા દરેક ખેલૈયાઓને તિલક કરવામાં આવે છે જેથી વિધર્મીઓ આયોજનથી દૂર રહે. બીજી તરફ ભાજપ-કૉંગ્રેસનાં કેટલાંક આયોજકોએ આ બાબતે હિન્દુદ્રોહ કરીને ભારે બાંધછોડ કરી છે. કેટલાંક આયોજનોમાં તો મોટી ટકાવારીમાં વિધર્મીઓ હોય છે અને ત્યાં ગુનાઈત ઈતિહાસ અને વર્તમાન ધરાવતાં વિધર્મી ક્રિમિનલોનો અડ્ડો હોય છે. આવી સ્થિતિમાં અબતક-સુરભીનાં આયોજકો હિંદુપ્રેમી અને મરદમૂછાળા જ કહેવાય.

અબતક-સુરભી રાસોત્સવમાં ખેલૈયાઓ રંગબેરંગી ટ્રેડિશનલ ડ્રેસમાં સજ્જ થઇ અવનવા સ્ટેપ સાથે આકર્ષણ ઉભુ કરે છે

ખેલૈયાઓમાં અનોખો થનગનાટ જોવા મળ્યો હતો. ખેલૈયાઓએ નવા જોશ, નવા સ્ટેપ્સ અને બમણી એનર્જી સાથે ગ્રાઉન્ડમાં શક્તિ અને ભક્તિનો રંગ જમાવ્યો હતો. તેમજ અબતક સુરભિ રાસોત્સવમાં માનવ મહેરામણ ઉમટી પડયું હતું. સુર અને તાલ સંગ રાસ રમતા ખેલૈયાઓ ગ્રાઉન્ડમાં આકર્ષણનું કેન્દ્ર બન્યા હતા. સાઉન્ડ સિસ્ટમના સથવારે ખેલૈયાઓ દિલ ખોલીને નવા નવા સ્ટેપ્સ પર ફ્રી સ્ટાઇલ ગરબા રમ્યા હતા. અબતક સુરભી રોક એન્ડ ઢોલ રાસોત્સવમાં પરંપરા અને આધુનીકતાનો અનોખો સમન્વય જોવા મળ્યો. લાઇટીંગ, સંગીતના ગુંજ અને ખેલૈયાઓના ગરબા વચ્ચે મહેમાનોની હાજરીએ સમગ્ર રાસોત્સવ દીપી ઉઠ્યો હતો. રાસોત્સવ માત્ર સંગીત અને નૃત્ય પૂરતો સીમિત રહ્યો નહીં પરંતુ તેમા ભક્તિનો પણ અહેસાસ જોવા મળ્યો હતો. આ ઉપરાંત રવિવારે વરસાદ આવતા ખેલૈયાઓમાં નિરાશા જોવા મળી હતી પરંતુ વરસાદ રોકાતા જ ખેલૈયાઓ ફરી ઉત્સાહ અને ઉમંગ સાથે રાસ રમ્યા હતા. રાજકોટના સુરભી રાસોત્સવમાં રવિવારે વરસાદને લીધે ગરબા બંધ રહ્યા હતા. ત્યારે હોલની અંદર જ ખેલૈયાઓને ઢોલના તાલે ગરબા રમાડવામાં આવ્યા હતા. તેમજ વરસાદ રોકાતા જ ખેલૈયાઓ ગરબા ગ્રાઉન્ડમાં પહોંચી ગરબે ઝૂમી ઉઠ્યા હતા.