ત્રણ દિવસ કેમ્પમાં 86 દર્દીઓએ લાભ લીધો
ખાસ-ખબર ન્યૂઝ રાજકોટ
સરગમ ક્લબ અને જયશ્રીબેન તનસુખભાઈ સંઘવીના સંયુક્ત ઉપક્રમે તા. 1-7થી 3-7-25ના રોજ જયપુર કેમ્પ યોજાયો હતો. આ કેમ્પમાં કુલ 86 દર્દીઓએ લાભ લીધો હતો. જેમાં કેલિપર્સના દર્દી 34, પગના દર્દી 39 અને રિપેરીંગ 13 દર્દીઓએ વિનામૂલ્યે લાભ લીધો હતો. આગામી કેમ્પ તા. 1-8ના રોજ 3 દિવસ માટે યોજાશે.
- Advertisement -
સરગમ ક્લબના પ્રમુખ ગુણવંતભાઈ ડેલાવાળા અને જયશ્રીબેન તનસુખભાઈ સંઘવીએ જણાવ્યા અનુસાર આ કેમ્પમાં જરૂરતમંદોને વિનામૂલ્યે કૃત્રિમ પગ બેસાડવામાં આવે છે. આ કેમ્પમાં મુખ્ય સહયોગ જયશ્રીબેન તનસુખભાઈ સંઘવી, દુબઈ તેમજ તેના પરિવારજનો તેજસભાઈ સંઘવીના પરિવારનો સહયોગ મળ્યો હતો. દર વર્ષે 1 જૂલાઈના રોજ જયશ્રીબેન તનસુખભાઈ સંઘવી દુબઈ દ્વારા જયપુર ફૂટ કેમ્પ યોજાશે.
આ કેમ્પને સફળ બનાવવા માટે દીપકભાઈ કમાણી, રશ્મિભાઈ કમાણી, કિશોરભાઈ પરમાર, જે.કે. સરાઠે તથા સરગમ ક્લબના કમિટી મેમ્બર પ્રફુલભાઈ મિરાણી, અનવરભાઈ ઠેબા તેમજ ચેતનાબેન સવજાણી, ભાવનાબેન મહેતા, કૈલાસબા વાળા, જયશ્રીબેન વ્યાસ, હર્ષાબેન પીઠડીયા, હર્ષાબેન કથ્રેચા, નિશાબેન વડગામા, મિતલબેન ચગ, શોભનાબેન સોમૈયા, આશાબેન ભુછડા, દિવ્યાબેન ઉમરાણીયા, ગીતાબેન ઉનાગર વગેરેએ જહેમત ઉઠાવી હતી.
