વધુ એક મસ્જિદ વિવાદમાં આવી
ખાસ-ખબર ન્યૂઝ નવી દિલ્હી
- Advertisement -
ઉત્તર પ્રદેશના મુઝફ્ફરનગરમાં એક મસ્જિદને લઈને વિવાદ સામે આવ્યો છે. અહીં પાકિસ્તાનના પહેલા વડાપ્રધાન લિયાકત અલી ખાનના ભાઈ સજ્જાદ અલી ખાનની જમીન મળી છે. ગૃહ મંત્રાલય હેઠળના શત્રુ સંપત્તિ સંરક્ષણ કાર્યાલયે મુઝફ્ફરનગરમાં એક મસ્જિદ અને તેના પર આવેલી કેટલીક દુકાનોની જમીનને ‘શત્રુ સંપત્તિ’ તરીકે જાહેર કરી છે.
એક સત્તાવાર દસ્તાવેજ અનુસાર, આ જમીન પાકિસ્તાનના પહેલા વડાપ્રધાન લિયાકત અલી ખાનના ભાઈ સજ્જાદ અલી ખાનની છે. આ જમીનો વકફ પ્રોપર્ટી હોવાના દાવાઓ વચ્ચે સ્થાનિક વહીવટીતંત્ર દ્વારા હાથ ધરવામાં આવેલી તપાસ અને ત્યારબાદ શત્રુ સંપત્તિ સંરક્ષણ કાર્યાલયની ટીમે જણાવ્યું હતું કે, ‘મુઝફ્ફરનગર રેલવે સ્ટેશનની સામે સ્થિત 0.082 હેક્ટર જમીન સજ્જાદ અલીના નામે છે. તે રૂસ્તમ અલીનો પુત્ર અને લિયાકત અલી ખાનનો ભાઈ હતો.’ પાંચમી ડિસેમ્બરે શત્રુ સંપત્તિ સંરક્ષણ કાર્યાલયના અધિકારી રાજેન્દ્ર કુમારે હસ્તાક્ષર કરાયેલ પ્રમાણપત્ર લખ્યું કે, ‘પાકિસ્તાની નાગરિક સજ્જાદ અલી ખાનની જે જમીન છે તે શત્રુ સંપત્તિ છે. શત્રુ સંપત્તિ અધિનિયમ 1968 અને શત્રુ સંપત્તિ અધિનિયમ 2015 હેઠળ ભારતની શત્રુ સંપત્તિ હેઠળ છે.’ ઉલ્લેખનીય છે કે, આ જમીન અગાઉ રૂસ્તમ અલીના નામે નોંધાયેલી હતી. વિભાજન પછી જ્યારે રૂસ્તમ અલીનો પરિવાર પાકિસ્તાન ગયો ત્યારે તેની અન્ય મિલકત ‘શત્રુ સંપત્તિ’ જાહેર કરાઈ હતી. જો કે બાદમાં આ જમીનનો કબજો લેવામાં આવ્યો હતો. ત્યાં એક મસ્જિદ બનાવવામાં આવી હતી.
મંદિરો તોડીને બનાવવામાં આવેલી મસ્જિદો
સ્થાન પાડેલાં મંદિર વર્તમાન મસ્જિદ
1 વારાણસી કાશી વિશ્ર્વનાથ જ્ઞાનવાપી મસ્જિદ
2 વારાણસી બિંદુ માધવ મંદિર આલમગીર મસ્જિદ
3 ભોજશાલા સરસ્વતી મંદિર કમાલ મૌલા મસ્જિદ
4 કેરલ અરાથલી મંદિર ચેરામન જુમા મસ્જિદ
5 કુતુબ મિનાર રાય પિથૌરા મંદિર કુવ્વત ઉલ ઈસ્લામ
6 અયોધ્યા રામ મંદિર બાબરી મસ્જિદ
7 માલદા આદિનાથ મંદિર આદિના મસ્જિદ
8 અજમેર સરસ્વતી મંદિર ઢાઈ દિન કા ઝોંપડા
9 સોમનાથ શિવ મંદિર મંદિર પુન:સ્થાપિત
10 સિદ્ધપુર રુદ્રમહાલય મંદિર જામી મસ્જિદ
11 બોધન જૈન હિંદુ મંદિર દેવલ મસ્જિદ
12 શ્રીનગર કાલી માતા મંદિર ખાનકાહ-એ-મૌલા
13 અમદાવાદ ભદ્રકાલી મંદિર જામા મસ્જિદ
14 વિદિશા વિજય સૂર્યમંદિર બીજામંડલ મસ્જિદ
15 જૌનપુર અટાલા દેવીમંદિર અટાલા મસ્જિદ
16 મથુરા કૃષ્ણ મંદિર ઈદગાહ મસ્જિદ
