ડી.એચ.કોલેજના મેદાનમાં તા. 13/10/24થી 17/10/24 સુધી સરગમી રાસોત્સવ, સંગીત સંધ્યા, હસાયરો, લોકડાયરો અને મ્યુઝીકલ નાઈટ યોજાશે
ખાસ-ખબર ન્યૂઝ રાજકોટ
- Advertisement -
યાજ્ઞિક રોડ ઉપર ધર્મેન્દ્રસિંહજી કોલેજ (ડી.એચ. કોલેજ) નાં ગ્રાઉન્ડમાં ગોપી રાસોત્સવનું આયોજન કર્યા બાદ હવે સરગમ કલબ અને સરગમ લેડીઝ કલબ દ્રારા રાજકોટની કલા પ્રેમી જનતા માટે વિનામૂલ્યે એક એક થી ચડિયાતા સાંસ્કૃતિક કાર્યકમો યોજવામાં આવ્યા છે. આ પંચામૃત સાંસ્કૃતિક મહોત્સવ અંતર્ગત રાસોત્સવ, સંગીત સંધ્યા, હસાયરો, લોકડાયરો, અને મ્યુઝીકલ નાઈટ જેવા કાર્યક્રમો યોજાશે અને તેમાં જાણીતા કલાકારો રાજકોટ ની પ્રજાનું મનોરંજન કરશે
આ કાર્યક્રમો અંગે વિગતો આપતા સરગમ કલબના પ્રમુખ ગુણવંતભાઈ ડેલાવાળા અને મૌલેશભાઈ પટેલ એ કહ્યું છે કે, નવરાત્રી પૂરી થાય એટલે તરત જ તા. 13/10/24 થી વિવિધ કાર્યક્રમો યોજાશે.
તા. 13/10/24 રાત્રે 8/00 વાગ્યે સરગમ કલબ અને મારવાડી એજ્યુકેશનના સંયુકત ઉપક્રમે રાસોત્સવ યોજાશે. આ કાર્યક્રમમાં સરગમ પરિવારના સભ્યો અને સરગમ જેન્ટ્સ ક્લબ, સરગમ કપલ ક્લબ, સરગમ સીનીયર સિટીઝન ક્લબ, સરગમ લેડીઝ ક્લબ, ઇવનિંગ પોસ્ટ ના સભ્યો જોડાશે. આ રાસોત્સવ નિહાળવા માટે જાહેર જનતાને આમંત્રણ આપવામાં આવ્યું છે.
સરગમ કલબ, પુજારા ટેલીકોમ અને ડી.એમ.એલ ગ્રુપના સંયુક્ત ઉપક્રમે તા. 14/10/24 ને સોમવાર રાત્રે 8/00 વાગ્યે સંગીત સંધ્યા યોજાશે. આ કાર્યક્રમમાં મુખતાર શાહ (અમદાવાદ), નાનુ ગુજર (મુંબઈ), સંગીતા મેલેકર ( મુંબઈ ), પ્રિયંકા બાસુ (અમદાવાદ), મોહસીન શેખ ( અમદાવાદ) તથા સાથી કલાકારો જુના નવા ગીતોની મહેફિલ જમાવશે. મેલોડી કલર્સનાં મન્સુરભાઈ ત્રિવેદી પ્રસ્તુત ઓરકેસ્ટ્રા અને કી બોર્ડમાં તુષારભાઈ ગોસાઈ પ્રસ્તુત કરશે સાથે મ્યુઝીકલ ટીમ પણ જમાવટ કરશે.
સરગમ કલબ, એચ.પી. રાજગુરુ તેમ જ કેર ફોર હોમના સંયુક્ત ઉપક્રમે તા. 15/10/24 ને મંગળવારે રાત્રે 8/00 વાગ્યે હસાયરો યોજાશે. આ હસાયરામાં સાંઈરામ દવે (રાજકોટ), ધીરુભાઈ સરવૈયા (ખીરસરા), મનસુખભાઈ વસોયા (મોટી ખીલોરી) વગેરે હાસ્યરસ પીરસશે.
- Advertisement -
સરગમ કલબ અને જે.પી. સ્ટ્રકચરર્સ પ્રા.લી. અને બાન લેબના સંયુક્ત ઉપક્રમે તા. 16/10/24 મી ને બુધવારે રાત્રે 8/00 વાગ્યે લોકડાયરો યોજાશે. આ લોકડાયરામાં માયાભાઈ આહીર, ધીરુભાઈ સરવૈયા, અભેસિંહ રાઠોડ, ઓસ્માન મીર, રાજભા ગઢવી, બીહારીભાઈ ગઢવી, અપેક્ષાબેન પંડયા પોતાની કલા પીરસશે.
સરગમ કલબ, ક્લાસિક નેટવર્ક પ્રા.લી. અને સન ફોર્જ પ્રા.લી. નાં સંયુક્ત ઉપક્રમે તા. 17/10/24 મી ને ગુરૂવારે રાત્રે 8/00 વાગ્યે ભવ્ય મ્યુઝીકલ નાઈટનું આયોજન કરવામાં આવ્યું છે. આ મ્યુઝીકલ નાઈટમાં બોલીવુડના પ્લેબેક સિંગર દેવયાની બેન્દ્ર્રે , બંકીમ પાઠક, ગોવિંદ મિશ્રા, અલીફિયા શેટ્ટી (મુંબઈ) મોહસીનખાન વગેરે જાહેર જનતાને ગીત સંગીતનાં મહાસાગરમાં લઇ જશે. આ તમામ કાર્યક્રમો જાહેર જનતા માટે વિનામૂલ્યે છે અને તમામ લોકોએ સમયસર 8/00 વાગ્યે ડી.એચ.કોલેજના મેદાનમાં પહોચી જવા ગુણવંતભાઈ ડેલાવાળા, મૌલેશભાઈ પટેલ, હરેશભાઈ લાખાણી, યોગેશભાઈ પુજારા, સ્મિતભાઈ પટેલ, પ્રભુદાસભાઈ પારેખ, ડો. ચંદાબેન શાહ, નીલુબેન મહેતા, કેતનભાઈ મારવાડી, જીતુભાઈ ચંદારાણાં, રાહીલભાઈ પુજારા, ચિરાગભાઈ લાખાણી, દર્શનભાઈ લાખાણી, હેતલભાઈ રાજ્યગુરુ, એમ.જે.સોલંકી, જગદીશભાઈ ડોબરિયા, અશોકભાઈ ડોબરિયા, નટુભાઈ ઉકાણી એ અપીલ કરેલ છે રાજકોટ ની જાહેર જનતાને અને સરગમ પરિવાર નાં તમામ મેમ્બરો ને સહ પરિવાર તમામ કાર્યક્રમ વિના મૂલ્યે માણવા માટે હાજર રહેવા વિનંતિ અને સમયસર હાજરી આપવા વિનંતિ.