વાલીઓએ રંગેહાથ ઝડપી પોલીસને સોંપ્યો
ખાસ-ખબર ન્યૂઝ રાજકોટ
રાજકોટ ગોંડલ હાઇવે પર રીબડામાં આવેલા જૠટઙ ગુરુકુળમાં ભણતા વિદ્યાર્થીઓને લઈ જવા માટે કોઠારીયા વિસ્તારમાં ડ્રાઇવર હિતેન્દ્રસિંહ પરમાર સ્કૂલ બસ લઈને આવ્યો હતો. આ ડ્રાઇવર સ્કૂલ બસમાં એક પછી એક વિદ્યાર્થીઓને બેસાડતો હતો.
- Advertisement -
આ દરમિયાન કોઠારીયામાં જ સ્કૂલ બસના ડ્રાઈવરે વિદ્યાર્થીઓ સાથે ગેરવર્તણૂક શરૂ કર્યું હતું. આ દરમિયાન એક વિદ્યાર્થીને સ્કૂલ બસમાં મુકવા માટે આવતા વાલીએ જોયું તો સામે આવ્યું કે, આ ડ્રાઇવર દારૂના ચિક્કાર નશામાં હતો. જેથી પોલીસને બોલાવવામાં આવી હતી અને સ્કૂલ સંચાલકોને પણ જાણ કરાઈ હતી. દરમિયાન વાલીઓએ રોષ ઠાલવ્યો હતો. કારણ કે, પીધેલી હાલતમાં સ્કૂલ બસ ચલાવતા ડ્રાઇવર દ્વારા અકસ્માત કરવામાં આવ્યો હોત તો વિદ્યાર્થીઓના જીવ જોખમમાં મુકાયા હોત. જોકે, પોલીસ આ ડ્રાઇવરને પકડી ગઈ હતી.
