રાજકોટિયન્સે બેવડી ખુશી માણી: રવિવારે યશસ્વીની બેવડી સદી, જાડેજાની ઘાતક બોલિંગથી અંગ્રેજો ઢેર

ભારતના 434 રને ઐતિહાસિક વિજયથી પ્રેક્ષકોને મોજે-મોજ

ખાસ-ખબર સંવાદદાતા
ભારત-ઇંગ્લેન્ડ વચ્ચેની પાંચ શ્રેણી પૈકી રાજકોટમાં રમાયેલા ત્રીજા ટેસ્ટ મેચમાં ભારતે જીત મેળવી છે.

યશસ્વી જયસ્વાલની બેવડી સદી અને જાડેજાની ઘાતક બોલિંગથી અંગ્રેજો ઢેર થઈ જતાં ભારતને 434 રને ઐતિહાસિક વિજયથી રાજકોટિયન્સે બેવડી મોજ માણી હતી. રાજકોટના ટેસ્ટ મેચના ઈતિહાસમાં આ વખતે રેકોર્ડ બ્રેક 22 હજાર ક્રિકેટરસિકોએ નજરે નિહાળી મેચને યાદગાર બનાવ્યો હતો.

અગાઉ 2016માં ભારત-ઇંગ્લેન્ડ વચ્ચેની ટેસ્ટ મેચમાં 12 હજાર અને 2018માં વેસ્ટઈન્ડિઝ સામેના ટેસ્ટ મેચમાં માત્ર 7 હજાર પ્રેક્ષક જ નોંધાયા હતા. રાજકોટના લોકો ખુશીની પળ ગમે ત્યાંથી શોધી લે છે,રવિવારનો દિવસ હતો, ઈંગ્લેન્ડ સામે મેચ હતો આથી ઘણા પરિવારો સ્ટેડિયમ પર સવારથી જ પહોંચી ગયા હતા અને ટીમ ઈન્ડિયાની જીતના સાક્ષી બન્યા હતા.