બજેટ માહિતી, કોર્પોરેટરની વિગત, પ્રોપર્ટી ટેક્સ, વોટર ચાર્જીસ સહિતના પ્રશ્નોનું નિરાકરણ થયું
તા. 25 ફેબ્રુઆરીથી લઈને 13 એપ્રિલ સુધીમાં 16357 અરજીની માહિતી લોકોને ડિજિટલ રીતે મળી
- Advertisement -
ખાસ-ખબર સંવાદદાતા
રાજકોટ મહાનગરપાલિકા દ્વારા શરૂ કરાયેલી આરએમસી ઓન વ્હોટ્સએપ સેવાનો કુલ અત્યાર સુધીમાં 16357 અરજદારોએ લાભ લીધો હતો. તા.25 ફેબ્રુઆરીથી લઈને 13 એપ્રિલ સુધીમાં 2,33,601 અરજીઓ મળી હતી. જેમાં બર્થ સર્ટિફિકેટ માટે 1712, બજેટની માહિતી માટે 163, 1647 વિવિધ ફરિયાદોનો નિકાલ, ડેથ સર્ટિફિકેટ માટે 670, ચૂંટાયેલા કોર્પોરેટરની માહિતી 692, પ્રોપર્ટી ટેક્સ માટે 13111, વોટર ચાર્જીસ માટે 1270 અને દુકાનો અને એસ્ટેટ શાખાને લગતી માહિતી માટે 71 અરજીઓ સહિતની સેવાઓ વ્હોટ્સએપ પર જ ઉપલબ્ધ કરવામાં આવી હતી. કુલ 23 સેવાઓ માટે અરજદારોએ આરએમસી ઓન વોટ્સએપ પર પ્રશ્નો મુક્યા હતા જેના તેમને સમાધાન મળ્યા હતા.
ફેબ્રુઆરીમાં આરએમસી ઓન વ્હોટ્સએપ સેવાનો પ્રારંભ કર્યો હતો. શિક્ષણ મંત્રીના જીતુ વાઘાણીના હસ્તે રાજકોટ મનપાની તમામ પ્રકારોની સેવાઓ વ્હોટ્સએપના માધ્યમથી ઉપલબ્ધ થાય તે માટેના મનપા ઓન વ્હોટ્સએપ સેવાનો પ્રારંભ કરાયો હતો.
મનપાની આ પહેલાના કારણે હવે રાજકોટવાસીઓ પ્રોપર્ટી ટેક્સ, વોટર ચાર્જીસ, જન્મ-મરણના દાખલા સહિતની 175 જેટલી સેવાઓ વ્હોટ્સએપના માધ્યમ શરૂ કરવામાં આવી હતી. જેને આજે લગભગ અઢી મહિના જેટલો સમય વીતતા અત્યાર સુધીમાં કુલ 23 સેવાઓ અંતર્ગત નાગરિકોએ લાભ લીધો હતો.
