અર્જુન એરિગાઈસીએ મજબૂત એન્ડગેમ ટેકનિકનું પ્રદર્શન કર્યા પછી નોર્વેજીયન વિશ્વનો નંબર 1 નિરાશામાં ટેબલ પર તમાચો મારતો જોવા મળ્યો હતો.
દોહામાં રમાઈ રહેલી FIDE વર્લ્ડ બ્લિટ્ઝ ચેમ્પિયનશિપ 2025માં ભારતના 22 વર્ષીય ગ્રાન્ડમાસ્ટર અર્જુન એરિગૈસીએ વિશ્વના સર્વશ્રેષ્ઠ ખેલાડી મેગ્નસ કાર્લસનને હરાવીને રમતજગતમાં ખળભળાટ મચાવી દીધો છે. નવમા રાઉન્ડમાં મળેલી આ હાર બાદ પાંચ વારના વર્લ્ડ ચેમ્પિયન કાર્લસન એટલો નિરાશ થયો હયો કે તેણે ગુસ્સામાં ટેબલ પર જોરથી મુક્કો માર્યો હતો, જેનો વીડિયો સોશિયલ મીડિયા પર વાઇરલ થઈ રહ્યો છે.
- Advertisement -
બ્લેક પીસ સાથે અર્જુનનો અદભૂત વિજય
અર્જુનની આ જીત એટલા માટે ખાસ છે કારણ કે તેઓ ‘બ્લેક પીસ’ (કાળા મહોરા) સાથે રમી રહ્યા હતા. સામાન્ય રીતે ચેસમાં સફેદ મહોરા ધરાવતા ખેલાડીને પ્રથમ ચાલ રમવાનો અને આક્રમણ કરવાનો ફાયદો મળતો હોય છે, પરંતુ અર્જુને કાર્લસનના આક્રમણને શાંત રહીને જોયું અને ધીમે ધીમે રમત પર પકડ મજબૂત કરી. સતત દબાણ હેઠળ રહેલા કાર્લસનનો આખરે સમય પૂરો થઈ ગયો અને તે મેચ હારી ગયો.
પોઈન્ટ ટેબલમાં ટોચ પર અર્જુન
- Advertisement -
આ જીત સાથે અર્જુન એરિગૈસી હવે 7.5 પોઈન્ટ સાથે પોઈન્ટ ટેબલમાં ઉઝબેકિસ્તાનના નોદિરબેક અબ્દુસત્તોરોવ સાથે સંયુક્ત રીતે પ્રથમ ક્રમે પહોંચી ગયો છે. અગાઉ, વર્લ્ડ રેપિડ ચેમ્પિયનશિપમાં કાર્લસને ગોલ્ડ જીત્યો હતો જ્યારે અર્જુને બ્રોન્ઝ મેડલ મેળવ્યો હતો. હવે બ્લિટ્ઝમાં અર્જુને પોતાની તાકાત બતાવી દીધી છે.
કાર્લસનનો ગુસ્સો ફરી ચર્ચામાં
મેગ્નસ કાર્લસન પોતાની હાર પચાવી ન શકવા માટે જાણીતા છે. અર્જુન સામે હાર્યા બાદ તેમણે ટેબલ પર હાથ પછાડ્યો હતો. અગાઉ જૂન 2025માં પણ ભારતના જ ડી. ગુકેશ સામે હાર્યા બાદ કાર્લસને આવું જ વર્તન કર્યું હતું. આ સિવાય, આ ટૂર્નામેન્ટના રેપિડ સેક્શનમાં રશિયન ખેલાડી સામે હાર્યા બાદ તેમણે કેમેરાને ધક્કો માર્યો હતો.
