શું સતા ટકાવી રાખવાના ખેલમાં વિશ્ર્વ વર્લ્ડ વોર 3 તરફ જઈ રહ્યું છે?: ઈઝરાયેલ અને ઈરાન વચ્ચેના વિવાદમાં અમેરિકાની એન્ટ્રી થતા વિશ્ર્વભરમાં અજંપો વધ્યો
છેલ્લા ત્રણ વર્ષ થી રશિયા અને યુક્રેન, બે વર્ષથી ઈઝરાઈલ અને પેલેસ્ટાઇનની સરહદો યુદ્ધ ગ્રસ્ત છે અને સમગ્ર વિશ્વ આ ખેલ જોઈ રહી છે. તેમાં હવે ઈઝરાયેલ અને ઈરાન વચ્ચેના વિવાદગ્રસ્ત મિસાઇલ હુમલા વચ્ચે હવે અમેરિકાની એન્ટ્રી થતા વિશ્વભરમાં અજંપો વધી રહ્યો છે અને ગમે ત્યારે મિડલ ઇસ્ટ ત્રીજા વર્ડ વોરનું રણમેદાન (બેટલ) બને તેવી શક્યતાઓ નિહાળી રહ્યા છે જેના મૂળ કારણોમાં અમેરિકા ઈઝરાઈલ અને ઈરાનના સતાધીશો ફક્ત અને ફક્ત સ્થાનિક કક્ષાએ ઊભો થયેલ તેમનો વિરોધ સમાવવા આવી પરિસ્થિતિ નિર્માણ કરી રહ્યાનું પ્રથમ દ્રષ્ટિએ જોઈ રહ્યા છે.જે મુજબ ત્રણ વર્ષ પહેલા ચાલુ થયેલ રશિયા યુક્રેન વચ્ચેનું યુદ્ધ મહાસત્તા વિરુદ્ધ નાટોના સભ્ય દેશો વચ્ચે નુ અને યુક્રેનની ધરતી માં પડેલ રેર મટીરીયલ પર સૌની નજર નો ભોગ યુક્રેન બની રહ્યું હોવાનું જણાય છે.
જે કારણે આજ ત્રણ ત્રણ વર્ષ થી આ યુદ્ધ ચાલી રહ્યું છે અને યુનાઈટેડ નેશન સિક્યુરિટી કાઉન્સિલ દ્વારા સીઝ ફાયર કરવાના પ્રયાસો નિષ્ફળ ગયા છે જે ઉપરોક્ત હકીકત ની સત્યતા દર્શાવે છે.
જેમાં યુક્રેનના પ્રેસિડેન્ટ ઝેલેન્સ્કી દ્વારા અગાઉના રશિયા દ્વારા તેમના પાડોશી દેશ ક્રોએશિયા પર આજ પ્રમાણે હુમલાઓ કરી કબ્જે કરાયેલ આ દેશના ઇતિહાસને ધ્યાનમાં રાખી કોઈપણ સંજોગોમાં રશિયા સાથે સીધી વાતચીત કરી સીઝફાયર કરવા થી દૂર રહી પોતાના દેશની અખંડિતતા જાળવવા રશિયા જેવી મહા સત્તા સામે ઝઝૂમી રહ્યા છે અને સમયે સમયે પોતાની તાકાત વિશ્વને બતાવી રહ્યાં છે.જ્યારે બીજી બાજુ ઈઝરાઈલના રાષ્ટ્રપતિ નૈતિન્યાહૂની સત્તા અન્ય સાથી પક્ષોના ટેકા પર ચાલી રહેલ છે છતાં તે છેલ્લા બે વર્ષથી તેમના પાડોશી હમાસ, હિઝબુલ, હુતી સીરિયા,ગાઝા સાથેના રણમેદાની યુદ્ધ (બેટલ)ના બદલે અવારનવાર હવાઈ હુમલો કરી તેમની પ્રજાને સતત યુદ્ધના ભય વચ્ચે રાખવાની નીતિને કારણે તેનું સૈન્ય અને પ્રજાનો આંતરિક વિરોધનો સામનો કરી રહેલા સતાધીશો હવે પોતાની સત્તા ટકાવી રાખવા કોઇપણ નિર્ણય લઈ રહ્યા છે. જે કારણે હાલ ત્યાંના શાસકો વિરુદ્ધ જનમત વધી રહ્યો છે.
- Advertisement -
જ્યારે અમેરિકાના પ્રેસિડેન્ટ ડોનાલ્ડ ટ્રમ્પ કે જે માગા (માય અમેરિકા ગ્રેટ અમેરિકા)ના સૂત્રના વિશ્વાસે ફરી ને રાષ્ટ્રપતિ તરીકે વિજેતા બન્યા છે અને ફક્ત છ મહિનાના શાસનમાં જ ટેરિફ વોર, ગેરકાયદે ઇમિગ્રેશન, ડેમોક્રેટિક પાર્ટીની વિશ્વના દેશો વચ્ચે પોતાના દેશના હથિયારો બનાવતી કંપનીઓને ફાયદા માટે પ્રોક્સી યુધ્ધ કરાવવાની નીતિ બંધ કરવામાં આવશે તેવા ચૂંટણી વચનો વચ્ચે રશિયા યુક્રેન વચ્ચેના વિવાદમાં મધ્યસ્થી બનવાના કરેલ પ્રયાસમાં મળેલ બદનામી,જગત જમાદાર બની બેઠેલ અમેરિકા દ્વારા મિડલ ઇસ્ટમાં ઉભી થયેલ અશાંતિ ને સ્થાને શાંતી લાવવા કે ચાઇના ને ટેરિફ વોર દ્વારા આગળ વધતું કે અંકુશમાં રાખવામાં નિષ્ફળ રહ્યા બાદ હવે લોસ એન્જલસ માંથી ઇલીગલ ઇમિગ્રન્ટ્સ ને પકડી પકડી ડિપોર્ટ કરવામાં નિષ્ફળ રહેવા સાથે સ્થાનિક લોકો ના આંદોલનના કારણે પોતાના જ સબળ ટેકેદાર એલોન માસ્ક સાથે વિવાદમાં ઉતરી બદનામ થતા હાલ કફોડી હાલત માં મુકાયેલ ડોનાલ્ડ ટ્રમ્પ તેમની જ પ્રજા ન વિશ્વાસ ગુમાવી રહેલ છે અને હાલ તેમની વિરુદ્ધ પ્રજા મત વધી રહ્યો છે.ત્યારે મિડલ ઇસ્ટના ગેટ વે ઓફ ગલ્ફ દેશોના દ્વાર જેવી હોમુઝર ખાડી પર આવેલા ઈરાનમાં પણ વર્ષ 1979 થી અમેરિકાના પીઠું જેવા ઈરાનના શાહને પદભ્રષ્ટ કરી રાજાશાહી શાશનનો અંત લાવી ધાર્મિક શાસન લાવી સત્તાના સૂત્રો સંભાળનાર અય્ય્તોલ્લાહ ખોમેનીના ઉતરાધિકારીઓ સામે પણ અમેરિકા દ્વારા મિડલ ઇસ્ટમાં મોટા તેલ કુદરતી ગેસના ભંડારો ધરાવતા આ દેશની આર્થિક કમર તોડી પાડવા તેમની સાથે વિશ્વના દેશોને વ્યાપાર કરતા અટકાવવા જુદા જુદા બહાનાઓ હેઠળ અમેરિકા દ્વારા પ્રતિબંધ લગાવી સતાધીશો વિરુદ્ધ પ્રજાને આર્થિક મુશ્કેલીઓમાં મૂકી તેમનો વિરોધ થાય તેવા પ્રયત્નો વચ્ચે અને ઈરાનના યુવાનોની પશ્ચિમના દેશોમાંથી મેળવેલ સાક્ષરતાના કારણે ત્યાંની ડેમોક્રેસીમાં રહેલા યુવાનો પણ પોતાના દેશના ધાર્મિક શાસકો નો ખાનગીમાં વિરોધ કરી રહ્યા છે અને વૃધ્ધો કે જે ફરી ને દે માં અન્ય પાડોશી આરબ દેશોની રાજાશાહી ના કારણે થયેલ આર્થિક પ્રગતિને ધ્યાનમાં રાખી પોતાના દેશમાં પણ ફરી રાજાશાહી શાશન ઈચ્છી રહ્યા હોય ત્યાંના હાલ ના શાસકો વિરુદ્ધ પ્રજા મત વધી રહ્યો જ છે.
આમ ઈઝરાયેલ અમેરિકા અને ઈરાનના સતાધીશો હાલ પોતાના વિરુદ્ધ વધી રહેલા જનમતનો લાભ લઈ તેમને તેમના જ વિરોધી દેશો દ્વારા તેમને પદભ્રષ્ટ કરે તેવા ભય વચ્ચે સત્તા સ્થાને બેઠા છે. તે સતાધીશો હાલ તો વિશ્વ નું જે થવું હોય તે થાય પણ પોતાની સત્તા ટકાવી રાખવા મિડલ ઇસ્ટને વર્ડ વોર-3નું રણ મેદાન બનાવવા તરફ આગળ વધી રહ્યા હોય તેવી પરિસ્થિતિ નિર્માણ થઈ રહી છે. જીયો પોલિટિક્સમાં એક નિયમ છે કે કોઈપણ કાર્ય કરો તે અન્ય દ્વારા કરાવો અને જેમના પર કરાવો તેમને તાત્કાલિક જણાવો કે મેં કાંઇ નથી કર્યું પણ તેમના અન્ય દુશ્મન સમક્ષ આંગળી ચિંધો પણ ત્યારે જે તેને તે ખ્યાલ હોતો નથી કે એક આંગળી સિવાયની અન્ય ત્રણ આંગળીઓ ચીંધનારા સામે જ હોય છે. બીજી બાજુ ઇરાક પાસે ખાનગી માં અણુ બોમ્બ હોવાનું જણાવી અમેરિકા દ્વારા તેમના પર લશ્કરી કાર્યવાહી કરી તેને પાયમાલ કરી નાખવા છતાં એક પણ અણુ બોમ્બ કે તેને બનાવવાની સામગ્રીના એક પણ પુરાવાના મેળવી શકેલ અમેરિકા હવે ઈરાન પર પણ આજ પ્રમાણેના આક્ષેપો કરી પોતાના બદલે ઈઝરાઈલ દ્વારા તેના પણ ઇરાક જેવા હાલ કરવા કૃતનિશ્ચિત બન્યું છે. જેમાં ગત તારીખ 13.06.25થી ઈઝરાઈલ અને ઈરાન વચ્ચે ચાલુ થયેલ જીવલેણ મિસાઇલ એટેક અને તેમાં થી અમેરિકાની વધુ નૌ સેનાના જહાજોની મિડલ ઇસ્ટમાં આડકતરી એન્ટ્રી બાદ ઈરાન દ્વારા ગીતાના સિધ્ધાંત મુજબ હવે તો યુદ્ધ તે જ કલ્યાણના ન્યાયે રણ મેદાનમાં ઉતરવાની જાહેરાત કરવામાં આવતા હવે સ્પષ્ટ થઇ રહ્યું છે કે આ ત્રણ દેશો ઈઝરાઈલ ઈરાન અને અમેરિકાના સતાધીશો પોતાની સત્તા ટકાવી રાખવા વિશ્વ ને ત્રીજા વિશ્વ યુધ્ધ તરફ દોરી રહ્યા છે જે સત્ય પણ નકારી શકાય તેમ નથી..
