વિરાટ કોહલીના સૌથી વધુ ન્યૂઝ ફોટો એકઠા કરી સ્થાપ્યો વર્લ્ડ રેકોર્ડ
1350 જેટલા યુનિક ફોટો સહિત કુલ 3500 થી વધુ ન્યૂઝ ફોટા કર્યા એકઠા
ભારતીય ક્રિકેટ ટીમના સુકાની વિરાટ કોહલીના સમગ્ર દેશ અને દુનિયામાં અસંખ્ય ચાહકો છે અને તેમાં પણ સૌથી વધુ ટીનેજર્સ વિરાટ કોહલીને પસંદ કરી રહયા છે.. રાજકોટના મવડી વિસ્તારમાં રહેતી હિરલ બરવડીયા વિરાટ કોહલીની મોટી ફેન છે.. રાજકોટની હિરલએ તેના ફેવરિટ ક્રિકેટર વિરાટ કોહલી ને અનોખી ભેટ આપવા એલ વર્લ્ડ રેકોર્ડ સ્થાપવા નિર્ણય કર્યો હતો.. હિરલ છેલ્લા 7 વર્ષથી એટલે કે વર્ષ 2013 થી વિરાટ કોહલી ના ન્યૂઝ પેપર મા આવતા ફોટોગ્રાફ્સ ના ન્યૂઝ ફોટોઝ એકઠા કરી અનોખો રેકોર્ડ સ્થાપવા શરૂઆત કરી હતી અને જેમાં તેને 1350 જેટલા યુનિક ફોટો સહિત કુલ 3500 થી વધુ ન્યૂઝ ફોટા એકઠા કરી વર્લ્ડ રેકોર્ડ માટે રાજીસ્ટ્રેશન કરાવ્યું હતું અને 6 સપ્ટેમ્બર 2020 ના રોજ વર્લ્ડ રેકોર્ડ ઓફ ઇન્ડિયા તરફથી “લાર્જેસ્ટ કલેક્શન ઓફ ઇન્ડિયન ક્રિકેટર વિરાટ કોહલી ન્યુઝ ફોટોઝ” આ એવોર્ડ એનાયત કરવામાં આવ્યો હતો.
રાજકોટના મવડી વિસ્તારમાં રહેતી અને મારવાડી કોલેજમાં BSC માઈક્રો બાયોલોજી નો અભ્યાસ કરતી હિરલ બરવડીયા વર્ષ 2013 માં વિરાટ કોહલી ના ફોટોઝ એકત્રિત કરવાનું શરૂ કરી રેકોર્ડ સ્થાપવા વિચાર કર્યો હતો અને આજે 7 વર્ષ ના અંતે સફળતા મળી તેમજ રેકોર્ડ હાસિલ કર્યો છે. આ રેકોર્ડ હાસિલ કરવામાં હિરલ ને તેમના માતા પિતાનો પૂરતો સહયોગ મળ્યો હોવાનું જણાવ્યું હતું. હિરલ ના પિતા તેમને ફોટોઝ ની ગણતરી કરી આપતા હતા જ્યારે તેમના માતા એકત્રિત કરેલ ફોટો ને સાચવી રાખતા હતા અને એકઠા કરવા મદદ કરતા હતા.. હિરલ નું સ્વપ્ન છે કે તે એક વખત વિરાટ કોહલી ને મળવા ઈચ્છે છે અને એક્ટિંગ કરવા તક મળે તો એ પણ કરવા તૈયાર છે
સોસીયલ મીડિયાના ઇન્સ્ટાગ્રામ પર વિરાટ કોહલીના 80.5 મિલિયન એટલે કે 8 કરોડ થી વધુ ચાહકો છે જે વિરાટ કોહલીની દરેક પોસ્ટ ને લાઇક શેર અને કોમેન્ટ કરી રહ્યા છે. વિરાટ કોહલી ઇન્સ્ટાગ્રામ પરથી કમાણી કરતા ટોપ 10 ક્રિકેટરો માંથી એક ક્રિકેટર માનવામાં આવી રહ્યા છે.
