હિમંતા સરકારે મુસ્લિમ મેરેજ એન્ડ ડિવોર્સ એક્ટ 1935 નાબૂદ કરવાનો નિર્ણય લીધો
આસામ સરકારે યુનિફોર્મ સિવિલ કોડ (UCC) તરફ પહેલું પગલું ભર્યું છે. હિમંતા સરકારે મુસ્લિમ મેરેજ એન્ડ ડિવોર્સ એક્ટ 1935 નાબૂદ કરવાનો નિર્ણય લીધો છે. શુક્રવારે મુખ્યમંત્રી હિમંતા બિસ્વા સરમાની અધ્યક્ષતામાં મળેલી કેબિનેટની બેઠકમાં આ પ્રસ્તાવને મંજૂરી આપવામાં આવી હતી. હવે રાજ્યમાં તમામ લગ્ન અને છૂટાછેડા સ્પેશિયલ મેરેજ એક્ટ હેઠળ થશે. કેબિનેટની બેઠક બાદ બ્રિફિંગ આપતા મંત્રી જયંત મલ્લબારુઆએ મીડિયાને જણાવ્યું કે હવે મુસ્લિમ લગ્ન અને છૂટાછેડા સંબંધિત તમામ મામલાઓને સ્પેશિયલ મેરેજ એક્ટ હેઠળ ઉકેલવામાં આવશે.
- Advertisement -
મલ્લબારુઆએ કહ્યું કે, મુખ્યમંત્રીએ તાજેતરમાં કહ્યું હતું કે અમે સમાન નાગરિક સંહિતા તરફ આગળ વધી રહ્યા છીએ. આ અંગે મહત્વનો નિર્ણય લેવામાં આવ્યો છે. આસામ મુસ્લિમ મેરેજ એન્ડ ડિવોર્સ એક્ટ 1935 રદ કરવામાં આવ્યો છે. હવે આ કાયદા હેઠળ મુસ્લિમ લગ્ન કે તલાકની નોંધણી કરવામાં આવશે નહીં. અમારી પાસે વિશેષ લગ્ન અધિનિયમ હોવાથી, અમે ઈચ્છીએ છીએ કે તે અધિનિયમ દ્વારા તમામ બાબતોનો ઉકેલ આવે.
On 23.22024, the Assam cabinet made a significant decision to repeal the age-old Assam Muslim Marriages & Divorces Registration Act. This act contained provisions allowing marriage registration even if the bride and groom had not reached the legal ages of 18 and 21, as required…
— Himanta Biswa Sarma (@himantabiswa) February 23, 2024
- Advertisement -
એક્ટ હેઠળ કામ કરતા 94 અધિકારીઓને દૂર કરવામાં આવ્યા હતા
કેબિનેટ મંત્રીએ વધુમાં જણાવ્યું હતું કે હવે મુસ્લિમ લગ્ન અને તલાક રજીસ્ટરના મુદ્દે જિલ્લા કમિશનર અને જિલ્લા રજીસ્ટ્રારને સત્તા હશે. આ દરમિયાન તેમણે કહ્યું કે મુસ્લિમ મેરેજ એન્ડ ડિવોર્સ એક્ટ હેઠળ કામ કરતા 94 મુસ્લિમ રજિસ્ટ્રારને પણ હટાવવામાં આવ્યા છે, તેમને 2 લાખ રૂપિયાનું વળતર આપીને તેમની ફરજમાંથી મુક્ત કરવામાં આવશે. કેબિનેટ મંત્રીએ વધુમાં જણાવ્યું હતું કે, આ નિર્ણય દ્વારા સરકાર રાજ્યમાં બાળ લગ્ન સામે પણ પગલાં લઈ રહી છે. તેમણે કહ્યું, આની પાછળનો મુખ્ય ઉદ્દેશ્ય એક સમાન નાગરિક સંહિતા તરફ આગળ વધવાનો છે અને બ્રિટિશ કાળથી અમલમાં આવેલો આ કાયદો આજે અપ્રસ્તુત બની ગયો હોવાનું અમને લાગે છે. અમે આ કાયદા હેઠળ ઘણા સગીર લગ્નો પણ જોયા છે. અમે માનીએ છીએ કે આ બાળ લગ્નને સમાપ્ત કરવાની દિશામાં પણ એક પગલું છે, જે 21 વર્ષથી ઓછી ઉંમરના પુરૂષો અને 18 વર્ષથી ઓછી ઉંમરની સ્ત્રીઓના લગ્ન છે.
રાષ્ટ્રીય શિક્ષણ નીતિ માટે પણ નિર્ણય લેવાયો
આ ઉપરાંત નવી રાષ્ટ્રીય શિક્ષણ નીતિ હેઠળ આસામ કેબિનેટે ગુમ થયેલ આદિવાસી ભાષાઓ, રાભા, કાર્બી, તિવા, દેવરી અને દિમાસાને પણ શાળા શિક્ષણના માધ્યમ તરીકે સામેલ કરવાનો નિર્ણય લીધો છે. કેબિનેટે બલીપારા આદિવાસી બ્લોકમાં અહોમ, કોચ રાજબોંગશી અને ગોરખા સમુદાયોને સંરક્ષિત વર્ગનો દરજ્જો આપવાનો પણ નિર્ણય કર્યો, જેના દ્વારા તેઓ જમીનની ખરીદી અને વેચાણના મામલામાં વિશેષાધિકારો મેળવી શકશે. આ સાથે આસામ કેબિનેટે ચાર જિલ્લા કચર, કરીમગંજ, હૈલાકાંડી અને હોજાઈમાં મણિપુરી ભાષાને સહયોગી સત્તાવાર ભાષા તરીકે પણ જાહેર કરી છે.
Assam CM Himanta Biswa Sarma tweets, "On 23.2.2024, the Assam cabinet made a significant decision to repeal the age-old Assam Muslim Marriages & Divorces Registration Act. This act contained provisions allowing marriage registration even if the bride and groom had not reached the… pic.twitter.com/1BfgmKEgWW
— ANI (@ANI) February 23, 2024
ટૂંક સમયમાં UCC લાગુ કરશે
આસામમાં મુસ્લિમ મેરેજ એક્ટ રદ્દ કરવા પર મંત્રી જયંત મલ્લબારુઆએ કહ્યું કે અમે ટૂંક સમયમાં યુનિફોર્મ સિવિલ કોડ (યુસીસી) લાગુ કરવા જઈ રહ્યા છીએ અને કેબિનેટની બેઠક દરમિયાન આસામ મુસ્લિમ મેરેજ એન્ડ ડિવોર્સ એક્ટ 1935 નાબૂદ કરવામાં આવ્યો છે. આ કાયદા દ્વારા મુસ્લિમ રજિસ્ટરમાં મુસ્લિમ લોકોની નોંધણી અને છૂટાછેડા થાય છે, પરંતુ રાજ્ય કેબિનેટના નિર્ણય બાદ આ કાયદો ખતમ થઈ ગયો છે. UCC ના અમલીકરણ તરફ આ અમારું પ્રથમ પગલું છે.
