અમેરિકા-બ્રિટીશ સૈન્ય દ્વારા યમનના હુડાયકર શહેરના એરપોર્ટ પર બોંબમારો કર્યો

હૂથી વિદ્રોહીઓએ અમેરિકી જહાજને નિશાન બનાવતા વળતુ આક્રમક પગલુ

ઇઝરાયેલ-પેલેસ્ટાઇન વચ્ચે ચાલી રહેલા યુધ્ધ વચ્ચે યમન જેવા દેશોમાં પણ છમકલા થઇ રહ્યા હોય તેમ આજે અમેરિકા તથા બ્રિટનના યુધ્ધ વિમાનોએ યમન એરપોર્ટ પર બોંબમારો કર્યો હતો.

યમનના સમુદ્રમાં હૂથી લડાકૂઓએ અમેરિકી જહાજને નિશાન બનાવ્યાના રીપોર્ટને પગલે આ કદમ ઉઠાવવામાં આવ્યું હતું. અમેરિકા તથા બ્રિટીશ સૈન્ય દ્વારા સંયુકત રીતે યમનના હુડાયકર શહેરના એરપોર્ટને નિશાન બનાવીને બોંબમારો કરવામાં આવ્યું હતું. સંયુકત આક્રમણમાં બોંબવર્ષા કરવામાં આવી હતી.

અમેરિકા-બ્રિટનના બોંબમારા બાદ યમન એરપોર્ટના વિસ્તારમાં ચારેતરફ ધુમાડાના ગોટે ગોટા નજરે પડયા હતા વ્યાપક નુકસાનીની આશંકા દર્શાવવામાં આવી રહી છે.