જૂનાગઢના બીલનાથ મહાદેવ મંદિરે સમસ્ત બ્રહ્મ સમાજ દ્વારા શિવઆરાધના

ખાસ-ખબર સંવાદદાતા
જૂનાગઢના સમસ્ત બ્રહ્મ યુવા ટ્રસ્ટ દ્વારા છેલ્લા પાંચ વર્ષની પરંપરા મુજબ આ વર્ષે પણ પવિત્ર શ્રાવણ માસના પ્રથમ સોમવારના શ્રી બીલનાથ મહાદેવ મંદિરે મહાઆરતીનું ભવ્ય આયોજન કરવામાં આવ્યું હતું જે મહાઆરતીમા સમસ્ત બ્રહ્મ સમાજના ભાઈઓ, બહેનો બહોળી સંખ્યામાં જોડાયા હતા, તેમજ મહા આર્ટીમાં જૂનાગઢના નામાંકિત ગાયક કલાકારો દ્વારા શિવ આરાધના કરવામાં આવી હતી તેમજ મહા આરતી બાદ પ્રસાદનું વિતરણ કરાયું હતું,

સમસ્ત બ્રહ્મ સમાજના જયદેવ જોશીના જણાવ્યા મુજબ આવતા સોમવારે સમસ્ત બ્રહ્મ સમાજ મહિલા પાંખ દ્વારા શ્રી ભૂતનાથ મહાદેવ મંદિરે મહા આરતી યોજાશે તો ભાવિકોએ ધર્મલાભ લેવા જણાવાયું છે.