રાણાવાવ અને કુતિયાણા પાલિકાની ચૂંટણીના પડઘમ: દોઢ વર્ષના વહીવટ શાસનનો અંત

બિનશાસન યુગનો અંત લાવવા માટે, આગામી દિવસોમાં મતદાર યાદી તૈયાર કરાશે અને સાથે સાથે નવી ચૂંટણીની તારીખો જાહેર થશે
ખાસ-ખબર ન્યૂઝ પોરબંદર

પોરબંદર જિલ્લામાં સ્થિત રાણાવાવ અને કુતિયાણા નગરપાલિકાઓમાં દોઢ વર્ષથી ચાલતી વહીવટદાર શાસનની ગાથા હવે પૂર્ણ થવા જઈ રહી છે. 2023ના ફેબ્રુઆરીમાં ટર્મ પૂર્ણ થયાના હોવા છતાં, ચૂંટણી યોજાઈ ન હતી, જેના કારણે વહીવટદૌર શાસન અમલમાં આવ્યું હતું. હાલમાં, રાજ્ય ચૂંટણીપંચ દ્વારા પોરબંદર જિલ્લાના અધિકારીઓને આગામી ચૂંટણી માટે મતદાર યાદી તૈયાર કરવાનો આદેશ આપવામાં આવ્યો છે. રાજ્યના કમિશનર અને અન્ય ઉચ્ચ અધિકારીઓ દ્વારા વિડિયો કોન્ફરન્સ મારફતે વિસ્તૃત ચર્ચા કરવામાં આવી હતી અને બંને નગરપાલિકાઓ માટે જરૂરી માર્ગદર્શન અપાયું હતું. રાણાવાવ અને કુતિયાણા ચૂંટણીની તૈયારીમાં ચહલપહલ રાણાવાવ અને કુતિયાણા બંને નગરપાલિકામાં કુલ 7-7 વોર્ડ છે, જ્યાં ગત ચૂંટણીમાં નેશનલ કોંગ્રેસ પાર્ટી  અને ભારતીય જનતા પાર્ટી (ઇઉંઙ)માં તગડી ટક્કર થઈ હતી. રાણાવાવમાં વિજેતા બની હતી જ્યારે કુતિયાણામાં પણ ભાજપના ઉમેદવારોએ આગળ રહ્યા હતા.

હવે, આ બંને પાલિકાઓમાં નવી ચૂંટણી માટે રાજ્યના ચૂંટણી પંચ દ્વારા તાલીમ અને આયોજન શરૂ કરવામાં આવ્યું છે. બિનશાસન યુગનો અંત લાવવા માટે, આગામી દિવસોમાં મતદાર યાદી તૈયાર કરાશે અને સાથે સાથે નવી ચૂંટણીની તારીખો જાહેર થશે. પોરબંદર મહાનગરપાલિકા પ્રશ્ન યથાવત જ્યારે રાણાવાવ અને કુતિયાણા પાલિકાઓમાં શાસન બદલાવ થવાની તૈયારી છે, ત્યા પોરબંદર મહાનગરપાલિકા અંગેનો નિર્ણય હજુ અધ્ધરતાલમાં છે. સરકારી બજેટમાં મહાનગરપાલિકાની જાહેરાત બાદ પણ અંતિમ નિર્ણય આવ્યો નથી, અને પોરબંદરના નાગરિકો હજુ આની રાહ જોઈ રહ્યા છે. હાલમાં, રાણાવાવ અને કુતિયાણા નાગરિકોમાં ચૂંટણીને લઈને ઉત્સાહ છે, અને તેમની રાહ છે કે ક્યારે વહીવટ શાસનનો અંત આવી, પાલિકાઓમાં ફરી પ્રજાસત્તાક શાસન સ્થાપિત થશે.