GCAS પર PGમાં એડમિશન માટે કાલથી રજિસ્ટ્રેશન

ગુજરાતની 15 સરકારી યુનિ.ઓ-કોલેજોમાં અનુસ્નાતકમાં પ્રવેશ માટે વિદ્યાર્થીઓ રજિસ્ટ્રેશન કરાવી શકશે

ખાસ-ખબર ન્યૂઝ રાજકોટ, તા.28
રાજ્યની 15 સરકારી યુનિવર્સિટીઓમાં સ્નાતક કક્ષાના અભ્યાસક્રમોમાં પ્રવેશ માટેની પ્રથમ રાઉન્ડની પ્રક્રિયા પૂર્ણ થયા બાદ હવે ૠઈઅજ (ગુજરાત કોમન એડમિશન સર્વિસ) પોર્ટલ 29 મીથી અનુસ્નાતક કક્ષાનાં કોર્સમાં એડમિશન માટે ક્વિક રજીસ્ટ્રેશન અને ચોઇસ ફિલિંગની પ્રક્રિયા શરૂ થઈ ચૂકી છે જે 7 જૂન સુધી ચાલશે. સ્નાતક કક્ષાના કોર્સમાં પ્રથમ રાઉન્ડના અંતે 2.56 લાખ વિદ્યાર્થીઓનું રજીસ્ટ્રેશન થયું છે. જો કે તેની સામે ખાનગી યુનિવર્સિટીઓમાં પ્રવેશ પ્રક્રિયા પૂર્ણ થવાની છે, ત્યારે રાજ્યની સરકારી યુનિવર્સિટી અને સંલગ્ન કોલેજોમાં હજૂ રજીસ્ટ્રેશનની પ્રક્રિયા ચાલી રહી છે. કોઈપણ વિદ્યાર્થીના એડમિશન ક્ધફોર્મ કરવામાં આવ્યા નથી. જેથી કહી શકાય કે, સરકારી યુનિવર્સિટીઓમાં ૠઈઅજ મારફત સેન્ટ્રલાઈઝ એડમિશનથી વિદ્યાર્થીઓને કોઈ ફાયદો થયો નથી ઉલટું નુક્શાન થયું છે.
રાજ્યના શિક્ષણ વિભાગ દ્વારા આજે એક પરિપત્ર જાહેર કરી જણાવવામાં આવ્યું છે કે, સરકારી યુનિવર્સિટીઓમાં અને સંલગ્ન કોલેજોમાં અનુસ્નાતકમાં પ્રવેશ માટે પ્રક્રિયા 29 મેથી શરૂ થશે જે 7 જૂન સુધી ચાલશે. જ્યારે વેરિફિકેશન સેન્ટર ઉપર પણ ડોક્યુમેન્ટ વેરિફિકેશન શરૂ થઈ ચૂકયું છે. જે 10 જૂન સુધી ચાલશે. પ્રવેશનો પ્રથમ રાઉન્ડ 16થી 18 જૂન દરમિયાન બહાર પડશે. જ્યારે બીજો રાઉન્ડ 20થી 21 જૂન, ત્રીજો રાઉન્ડ 24થી 25 જૂન દરમિયાન તો પ્રવેશનો ચોથો રાઉન્ડ 27 અને 28 જૂન દરમિયાન બહાર પડશે.

રાજ્ય સરકારની સૂચના મુજબ તમામ યુનિવર્સિટી અને સંલગ્ન કોલેજો પર ફ્રી રજીસ્ટ્રેશન સેન્ટર શરૂ થયા છે, પરંતુ ત્યાં સુધી પણ વિદ્યાર્થીઓએ ધક્કો ન ખાવું હોય તો પોતાના મોબાઈલ પર સરળતાથી રજીસ્ટ્રેશન કરાવી શકે છે. વિદ્યાર્થીઓ 5 પ્રોસેસમાં કઈ રીતે રજીસ્ટ્રેશન કરાવી શકે છે. રાજ્યમાં એમ.એ., એમ.કોમ., એમએસ.સી. સહિતના કોર્સમાં વિદ્યાર્થીઓને સરળતાથી એડમિશન મળી રહે છે. આ ૠઈઅજ પોર્ટલની જરૂરિયાત શું છે અને વિદ્યાર્થીઓ શા માટે રૂ. 300 ભરવાના? સવાલો જરૂર ઉઠી રહ્યા છે, પરંતુ સરકારી યુનિવર્સિટીઓ અને કોલેજોમાં એડમિશન માટે ૠઈઅજ પર રજીસ્ટ્રેશન ફરજિયાત હોવાથી હાલ દરેક કોલેજોમાં વિદ્યાર્થીઓ રજીસ્ટ્રેશન કરાવતા નજરે પડી રહ્યા છે.

રાજ્યની 15 સરકારી યુનિવર્સિટીમાં પ્રવેશ પ્રક્રિયા શરૂ

વીર નર્મદ દક્ષિણ ગુજરાત યુનિવર્સિટી, સુરત
ગુજરાત યુનિવર્સિટી, અમદાવાદ
મચન્દ્રાચાર્ય ઉત્તર ગુજરાત યુનિવર્સિટી, પાટણ
ક્રાંતિગુરુ શ્યામજી કૃષ્ણવર્મા કચ્છ યુનિવર્સિટી, કચ્છ
મહારાજા કૃષ્ણકુમારસિંહજી યુનિવર્સિટી, ભાવનગર
સરદાર પટેલ યુનિવર્સિટી, આણંદ
સૌરાષ્ટ્ર યુનિવર્સિટી, રાજકોટ
સોમનાથ સંસ્કૃત યુનિવર્સિટી, વેરાવળ
ગોવિંદ ગુરુ યુનિવર્સિટી, ગોધરા
મહારાજા સાયાજીરાવ યુનિવર્સિટી, વડોદરા
ઇન્ડિયન ઇન્સ્ટિટ્યૂટ ઓફ ટીચર એજ્યુકેશન, ગાંધીનગર
ડો. બાબાસાહેબ આંબેડકર ઓપન યુનિવર્સિટી, અમદાવાદ
ભક્ત કવિ નરસિંહ મહેતા યુનિવર્સિટી, જૂનાગઢ
ચિલ્ડ્રન યુનિવર્સિટી, ગાંધીનગર
ગુજરાત ટેક્નોલોજિકલ યુનિવર્સિટી

પેમેન્ટ, પ્રોફાઈલ, એકેડમિક, ચોઇસ અને સબમિટ એમ 5 પ્રોસેસમાં GCAS પર રજીસ્ટ્રેશન કરો

ગૂગલમાં GCAS ઓપન કરવાનું રહેશે.
જેમાં સ્ટુડન્ટ લોગ ઇનમાં ક્વીક રજીસ્ટ્રેશન વખતે મળેલા યુઝરનેમ અને પાસવર્ડ નાખવાનો રહેશે.
જે બાદ ડેશબોર્ડ પર 5 પ્રોસેસ દેખાશે.
જેમાં સૌપ્રથમ પ્રોસેસ 1 માં પેમેન્ટ કરવાનું રહેશે. જેમાં અલગ અલગ પેમેન્ટ મેથડ નો ઉપયોગ કરીને વિદ્યાર્થી પેમેન્ટ કરી શકે છે.
ત્યારબાદની બીજી પ્રોસેસ પ્રોફાઈલ બનાવવાની છે. જેમાં વિદ્યાર્થીનું નામ, મોબાઈલ નંબર અને ઇ મેઇલ આઇડી પહેલેથી જ અપડેટેડ હશે. જે બાદ વિદ્યાર્થીએ પોતાનું પૂરું હાલનું એડ્રેસ લખવાનું રહેશે. જો વિદ્યાર્થીનું હાલનું સરનામું અને કાયમનું સરનામું એક જ હોય તો જફળય ફત ાયિતયક્ષિં પર ક્લિક કરવાનું રહેશે. જે બાદ સ્ટેટ, જિલ્લો, તાલુકા અને વિલેજ નું નામ લખવાનું રહેશે.
જે બાદ એકેડેમીક પ્રોસેસમાં વિદ્યાર્થીએ પોતાની ધોરણ 10 ની વિગતો લખવાની રહેશે. જેમાં ધોરણ 10 પાસ કર્યાનું વર્ષ, સીટ નંબર અને ટકા લખવાના રહેશે. જે બાદ વિદ્યાર્થીએ પોતાનો ફોટો અને સિગ્નેચર અપલોડ કરવાની રહેશે. જે પછી તમામ વિગતો ચકાસીને જફદય ફક્ષમ ગયડ્ઢિં આપવાનું રહેશે. જે બાદ ઇંજઈની વિગતો માટેનું આઇકોન ખૂલશે. જેમાં એકઝામ બોર્ડ, પાસિંગ યર, પાસિંગ મન્થ અને સીટ નંબર લખ્યા બાદ ઋયભિંવ ઇજ્ઞફમિ ઉફફિં પર ક્લિક કરવાનું રહેશે. જેથી વિદ્યાર્થીની તમામ વિગતો ઓટોફેચ થઈ જશે અને જો ઋયભિંવ ન થાય તો છીએ મેન્યુઅલી વિગતો લખવાની રહેશે અને સેવ એન્ડ નેકસ્ટ આપવું.
જે બાદ ક્વોટા અને એન્ટ્રન્સ એક્ઝામ ડિટેલ આઈકોન જોવા મળશે. જેમાંથી કોઈ લાગુ પડતું હોય તો સિલેક્ટ કરવાનું રહેશે અને ન લાગુ પડે તો સેવ એન્ડ નેક્સ્ટ આપવાનું રહેશે.
જે બાદ વિદ્યાર્થી માટે સૌથી મહત્વનું સ્ટેપ ચોઈસ ફીલિંગનું આવે છે. જેમાં વિદ્યાર્થીએ પોતાની મનપસંદ યુનિવર્સિટી સિલેક્ટ કર્યા બાદ પસંદગીની કોલેજ અને તેનો કોર્સ સિલેક્ટ કરવાનો રહેશે. જે પછી સેવ એન્ડ નેકસ્ટ કરવાનું રહેશે.
હવે ડેક્લેરેશન બોક્સમાં તમામ વિગતો ચકાસીને વિદ્યાર્થી દ્વારા ડેક્લેરેશન આપવાનું રહેશે. જે બાદ ફાઇનલ સબમીશન થતાની સાથે જ રજીસ્ટ્રેશન પૂર્ણ થશે.