PF ખાતાધારકો માટે રાહતના સમાચાર: સારવાર માટે PF ખાતામાંથી હવે એક લાખ રૂપિયા ઉપાડી શકાશે

ખાસ-ખબર ન્યૂઝ નવી દિલ્હી, તા.18

કર્મચારી ભવિષ્ય નિધિ સંગઠન (ઈપીએફઓ)એ નવા નાણાકીય વર્ષની શરૂઆતમાં પોતાના ખાતા ધારકોને મોટી રાહત આપી છે. હવે પીએફ ખાતાધારક પોતાના કે પોતાના પર આશ્રીત કોઈ સભ્યની સારવાર માટે પોતાના ખાતામાંથી એક લાખ રૂપિયા ઉપાડી શકશે.

પહેલા આ અધિકતમ મર્યાદા 50 હજાર રૂપિયા હતી. કેન્દ્રીય ભવિષ્ય નિધિ પંચ પાસેથી મંજુરી મળ્યા બાદ 16 એપ્રિલથી નવો નિયમ લાગુ કરવામાં આવ્યો છે. 10 એપ્રિલે ઈપીએફઓએ આવેદન માટે સોફટવેરમાં પણ ફેરફાર કર્યો છે. પૈસા ઉપાડવા માટે ખાતાધારકોએ જોગવાઈ 68 જેકે અંતર્ગત દાવો કરવાનો છે જે અંતર્ગત ખાતાધારક સ્વાસ્થ્ય સંબંધીત પરીસ્થિતિઓમાં અગાઉથી દાવો કરીને પૈસા ઉપાડી શકે છે. ઉલ્લેખનીય છે કે, આ ઉપરાંત ફોર્મ 31 અંતર્ગત અગાઉથી અનેક પરીસ્થિતિમાં આંશિક રીતે પૈસા ઉપાડવાની જોગવાઈ છે. જે અંતર્ગત લગ્ન, લોનની ચૂકવણી, ફલેટ કે મકાનનું નિર્માણ વગેરે સ્થિતિમાં રકમ ઉપાડી શકાય છે.

કઈ પરીસ્થિતિમાં દાવો કરી શકાય: આનો ઉપયોગ ખાતાધારક માત્ર જીવલેણ બીમારીના સમયે જ કરી શકે છે. કર્મચારી કે પછી તેના દર્દીએ સરકારી હોસ્પિટલ કે પછી સરકાર સાથે જોડાયેલ હોસ્પિટલમાં દાખલ થવું જરૂરી છે. દર્દી જો ખાનગી હોસ્પિટલમાં દાખલ કરાયો હોય તો આ બારામાં તપાસ બાદ જ દાવો થઈ શકે છે મધ્યમવર્ગની જરિયાતોને ધ્યાને લઈ ઈપીએફઓના નિયમોમાં મોટો ફેરફાર કરવામાં આવ્યો છે. આ ફેરફાર આંશિક ઉપાડ સાથે સંબંધિત છે. ઈપીએફઓએ આ માહિતી આપતા એક સકર્યુલર જારી કર્યેા છે. ઈપીએફઓએ ફોર્મ 31ના પેરા 68 જે હેઠળ નાણાં ઉપાડવાની મર્યાદા બમણી કરી છે. પહેલા આ રકમ 50,000 રૂપિયા હતી, હવે તેને વધારીને 1 લાખ રૂપિયા કરવામાં આવી છે. ઈપીએફઓનું ફોર્મ 31 એ આંશિક ઉપાડ સાથે સંબંધિત ફોર્મ છે. તેનો ઉપયોગ વિવિધ હેતુઓ માટે સમય પહેલા પૈસા ઉપાડવા માટે થાય છે. જુદા જુદા ફકરામાં વિવિધ કાર્યેા મૂકવામાં આવ્યા છે. જેમાં લ, ઘર બનાવવા, ઘર ખરીદવા અને સારવાર માટે પૈસા ઉપાડવા જેવા કાર્યેાનો સમાવેશ થાય છે.

માંદગીની સારવાર માટે આંશિક રકમ ઉપાડવા માટે ફોર્મ 31 ના પેરા 68જે આપવામાં આવે છે. આ અંતર્ગત પહેલા 50,000 રૂપિયા ઉપાડી શકાતા હતા પરંતુ હવે આ રકમ વધીને 1 લાખ રૂપિયા થઈ જશે. જો કે, અહીં એક વાત યાદ રાખવા જેવી છે કે કર્મચારી 6 મહિનાનું બેઝિક અને ડીએ અથવા કર્મચારીનો હિસ્સો વ્યાજ સહિત (જે ઓછું હોય તે) ઉપાડી શકે નહીં. આનો અર્થ એ છે કે જો તમારી પાસે આ રકમ કરતાં તમારા પીએફમાં 1 લાખ રૂપિયા વધુ છે, તો જ તમે તેનો દાવો કરી શકશો.આ મર્યાદા 68જે હેઠળ વધારવામાં આવી છે. આમાં, ગ્રાહક પોતાની અથવા તેના પરિવારના કોઈપણ સભ્યની સારવાર માટે તેના પીએફ ખાતામાંથી સમય પહેલા 1 લાખ પિયા ઉપાડી શકે છે. એક પરિપત્ર જારી કરીને આની જાહેરાત કરવામાં આવી હતી.

જો કોઈ વ્યકિત આનો લાભ લેવા માંગે છે, તો તે ફોર્મ 31 ભરીને સબમિટ કરી શકે છે. પરંતુ આ ફોર્મ સાથે સર્ટિફિકેટ સી સબમિટ કરવાનું રહેશે, જેમાં કર્મચારી અને ડોકટર બંનેની સહીઓ જરૂરી રહેશે.અમે ઉલ્લેખ કર્યેા છે તેમ, ફોર્મ 31 વિવિધ હેતુઓ માટે પીએફમાંથી આંશિક ઉપાડને જુએ છે. તેમાં ઘણી જુદી જુદી કલમો છે જેના હેઠળ વિવિધ હેતુઓ માટે નાણાં ઉપાડવામાં આવે છે. ઉદાહરણ તરીકે, પેરા 68બી હેઠળ, ખાસ કેસમાં લોનની ચુકવણી કરવા માટે પૈસા ઉપાડી શકાય છે.