રાજકોટના રેસકોર્સમાં 2થી 6 સપ્ટેમ્બર દરમિયાન લોકમેળોઃ આયોજન માટે 20 વિવિધ સમિતિઓની રચના

કલેક્ટરની હાજરીમાં સરકારી વિભાગોની સંયુક્ત બેઠક યોજાઈઃ પોલીસ, RMC, R&B, ફાયર અને ફૂડ વિભાગ સહિતના ઉચ્ચ અધિકારીઓએ વ્યવસ્થાઓનો એક્શન પ્લાન ઘડ્યો

મેળામાં કાયદો-વ્યવસ્થા, ફાયર સેફ્ટી અને હેલ્થ સુવિધા સુનિશ્ચિત કરવા વિવિધ વિભાગો વચ્ચે વિસ્તૃત ચર્ચા થઈ

રાજકોટના હાર્દસમા રેસકોર્સ મેદાનમાં દર વર્ષે જન્માષ્ટમી (સાતમ-આઠમ)ના તહેવારો નિમિત્તે યોજાતો અને સમગ્ર સૌરાષ્ટ્રની જનતા જેની આતુરતાથી રાહ જુએ છે, તે પારંપરિક લોકમેળાના આયોજનની તૈયારીઓનો ધમધમાટ શરૂ થઈ ગયો છે. આજે રાજકોટ જિલ્લા કલેક્ટર ડૉ. ઓમ પ્રકાશના અધ્યક્ષસ્થાને લોકમેળા સમિતિની એક ઉચ્ચ સ્તરીય બેઠક યોજાઈ હતી, જેમાં મેળો સુવ્યવસ્થિત અને સલામત રીતે સંપન્ન થાય તે માટેના વિવિધ આયોજનો પર વિસ્તૃત ચર્ચા કરવામાં આવી હતી.

કલેક્ટર કચેરી ખાતે મળેલી આ બેઠકમાં વહીવટી તંત્રના તમામ પ્રમુખ વિભાગો હાજર રહ્યા હતા. જેમાં પોલીસ વિભાગ, પ્રાંત અધિકારીઓ, રાજકોટ મહાનગરપાલિકા (RMC), આરોગ્ય વિભાગ, માર્ગ અને મકાન વિભાગ (R&B), ફાયર બ્રિગેડ, તેમજ ફૂડ એન્ડ ડ્રગ્સ વિભાગના ઉચ્ચ અધિકારીઓએ હાજરી આપી હતી. મેળાના સફળ સંચાલન અને કાયદો-વ્યવસ્થાની જાળવણી માટે કુલ ૨૦ જેટલી વિવિધ સમિતિઓની રચના કરવાનો હુકમ કરવામાં આવ્યો છે અને આ સમિતિઓને તેમની કામગીરી અંગે વિસ્તૃત માર્ગદર્શન આપવામાં આવ્યું હતું.

ગયા વર્ષે મેળા દરમિયાન ભીડ પર નિયંત્રણ રાખવા માટે ડ્રોન કેમેરાનો ઉપયોગ કરવામાં આવ્યો હતો. બેઠકમાં કલેક્ટરે આ ડ્રોન દ્વારા એકત્રિત કરાયેલા ડેટાનું ઝીણવટભર્યું એનાલિસીસ કરવા સૂચના આપી છે, જેથી જાણી શકાય કે મેળામાં કયા દિવસે અને કયા સમયે લોકોની અવરજવર સૌથી વધુ રહે છે. આ એનાલિસીસના આધારે જ આ વર્ષે સિક્યોરિટી અને ભીડ વ્યવસ્થાપનનો એક્શન પ્લાન ઘડવામાં આવશે. આ સાથે જ મેળાના ગ્રાઉન્ડનો આદર્શ ‘લે-આઉટ નકશો’ તૈયાર કરવા અંગે પણ વિસ્તૃત ચર્ચા થઈ હતી.

 લોકમેળા સમિતિઓની યાદી

૧. લોકમેળા સંકલન સમિતિ

• અધ્યક્ષ: કલેક્ટર અને જિલ્લા મેજિસ્ટ્રેટ
• સહ અધ્યક્ષ: નિવાસી અધિક કલેક્ટર

૨. અમલીકરણ સમિતિ

• અધ્યક્ષ: પ્રાંત અધિકારી, રાજકોટ (શહેર-૧).
• સહ અધ્યક્ષ: પ્રાંત અધિકારી (શહેર-૨) અને પ્રાંત અધિકારી (ગ્રામ્ય).

૩. ડ્રો તથા હરાજી સમિતિ

• અધ્યક્ષ: પ્રાંત અધિકારી, રાજકોટ (શહેર-૧).
• સહ અધ્યક્ષ: પ્રાંત અધિકારી (શહેર-૨) અને પ્રાંત અધિકારી (ગ્રામ્ય).

૪. કાયદો વ્યવસ્થા, સુરક્ષા, ટ્રાફિક અને પાર્કિંગ નિયમન સમિતિ

• અધ્યક્ષ: નાયબ પોલીસ કમિશનર, રાજકોટ કમિશનરેટ વિસ્તાર, ઝોન-૧.

૫. બાંધકામ સમિતિ

• અધ્યક્ષ: કાર્યપાલક ઈજનેર, શહેર માર્ગ અને મકાન વિભાગ, રાજકોટ.

૬. ઈલેક્ટ્રિક, લાઈટ એન્ડ સાઉન્ડ સમિતિ

• અધ્યક્ષ: કાર્યપાલક ઈજનેર, વિદ્યુત માર્ગ અને મકાન વિભાગ, રાજકોટ.

૭. સાંસ્કૃતિક કાર્યક્રમ સમિતિ

• અધ્યક્ષ: જિલ્લા પુરવઠા અધિકારી, રાજકોટ.
• સહ અધ્યક્ષ: જિલ્લા યુવા વિકાસ અધિકારી, રાજકોટ.

૮. પ્રોટોકોલ અને આમંત્રણ સમિતિ

• અધ્યક્ષ: નાયબ કલેક્ટર, સ્ટેમ્પ ડ્યુટી મૂલ્યાંકન તંત્ર વિ.-૧, રાજકોટ.

૯. આરોગ્ય અંગેની સમિતિ

• અધ્યક્ષ: ડેપ્યુટી કમિશનર, રાજકોટ મહાનગરપાલિકા (સેન્ટ્રલ ઝોન).

૧૦. સફાઈ સમિતિ

• મુખ્ય સભ્યો: પર્યાવરણ ઈજનેર (RMC), ડેપ્યુટી એન્જિનિયર – સોલિડ વેસ્ટ મેનેજમેન્ટ (પૂર્વ, પશ્ચિમ અને સેન્ટ્રલ ઝોન, રાજકોટ).

૧૧. ફાયર સર્વિસ સમિતિ

• મુખ્ય સભ્યો: ચીફ ફાયર ઓફિસર અને ડેપ્યુટી ફાયર ઓફિસર, રાજકોટ મહાનગરપાલિકા.

૧૨. મીડિયા બ્રીફિંગ સમિતિ

• અધ્યક્ષ: નાયબ માહિતી નિયામક, રાજકોટ.
• સહ અધ્યક્ષ: સહાયક માહિતી નિયામક અને પબ્લિક રિલેશન ઓફિસર (PRO), રાજકોટ.

૧૩. પાણી પુરવઠા વ્યવstwa સમિતિ

• અધ્યક્ષ: કાર્યપાલક ઈજનેર, રાજકોટ વોટર વર્ક્સ, રાજકોટ મહાનગરપાલિકા.

૧૪. ફૂડ એન્ડ ડ્રગ્સ અને તોલમાપ સમિતિ

• અધ્યક્ષ: નાયબ નિયામક, ખોરાક ઔષધ નિયમન તંત્ર, રાજકોટ.

૧૫. યાંત્રિક રાઈડ્સ ચકાસણી સમિતિ

• અધ્યક્ષ: કાર્યપાલક ઈજનેર, માર્ગ અને મકાન યાંત્રિક વિભાગ, રાજકોટ.

૧૬. વહીવટી અને એકાઉન્ટ સમિતિ

• અધ્યક્ષ: નાયબ કલેક્ટર અને પ્રાંત રાજકોટ (શહેર-૧).
• સહ અધ્યક્ષ: પ્રાંત અધિકારી (શહેર-૨) અને પ્રાંત અધિકારી (ગ્રામ્ય).

૧૭. કર સમિતિ (ટેક્સ સમિતિ)

• અધ્યક્ષ: જોઈન્ટ કમિશનર, જી.એસ.ટી. (GST) વિભાગ, રાજકોટ.

૧૮. દબાણ સમિતિ

• અધ્યક્ષ: નાયબ કમિશનર, રાજકોટ મહાનગરપાલિકા (સેન્ટ્રલ ઝોન).

૧૯. ભાવપત્રક નિયમન સમિતિ

• અધ્યક્ષ: નિવાસી અધિક કલેક્ટર, રાજકોટ.
• સહ અધ્યક્ષ: નાયબ કમિશનર, રાજકોટ મહાનગરપાલિકા (સેન્ટ્રલ ઝોન).

૨૦. પ્રદૂષણ નિયંત્રણ સમિતિ

• અધ્યક્ષ: પ્રાદેશિક અધિકારી, ગુજરાત પ્રદૂષણ નિયંત્રણ બોર્ડ (GPCB), રાજકોટ.