જયરામ રમેશે ચૂંટણી પરિણામો પર ટ્વીટ કર્યું, આસામના મુખ્યમંત્રી હિમંતા બિસ્વાએ માર્યો ટોણો

ઉત્તર પૂર્વના ત્રણ રાજ્યોમાં વિધાનસભાની ચૂંટણી પૂર્ણ થઈ ગઈ છે. નાગાલેન્ડ અને ત્રિપુરામાં ભાજપને પૂર્ણ બહુમતી મળી છે, જ્યારે મેઘાલયમાં ભાજપે નેશનલ પીપલ્સ પાર્ટી (NPP)ને સમર્થન આપ્યું છે. બીજી તરફ ત્રણેય રાજ્યોમાં કોંગ્રેસને નબળા પરિણામો મળ્યા છે. જોકે જ્યારે જયરામ રમેશે ચૂંટણી પરિણામો પર ટ્વીટ કર્યું ત્યારે આસામના મુખ્યમંત્રી હિમંતા બિસ્વા સરમાએ તેમને ટોણો માર્યો હતો.

શું કહ્યું હતું જયરામ રમેશે ?
જયરામ રમેશે ટ્વીટ કરીને પેટાચૂંટણી અને વિધાનસભા ચૂંટણીમાં પાર્ટીએ જીતેલી બેઠકો વિશે જાણકારી આપી હતી. તેમણે લખ્યું, “આજની વિધાનસભા ચૂંટણીના પરિણામો – INC 33 વર્ષ પછી મહારાષ્ટ્રમાં કસ્બા પેઠ જીતી, પશ્ચિમ બંગાળમાં સાગરદિઘી બેઠક કોંગ્રેસે 51 વર્ષ પછી જીતી, કોંગ્રેસ ત્રિપુરામાં 0 થી 5 બેઠકો પર, મેઘાલયમાં 5 બેઠકો (21 વર્તમાન ધારાસભ્યોને હાઇજેક કરવા છતાં)”.

This is all an orchestrated game played by the three Ss–Shah, Sharma and Sangma https://t.co/K4AIJzbtHT

— Jairam Ramesh (@Jairam_Ramesh) March 2, 2023

હિમંતા બિસ્વાએ જયરામ રમેશને આપ્યો જવાબ
હિમંતા બિસ્વા સરમાએ જયરામ રમેશના આ ટ્વીટનો જવાબ આપ્યો. તેમણે લખ્યું, ત્રણ રાજ્યોની હારને સિદ્ધિમાં ફેરવી દે તેવી કથા બનાવીને અસ્પષ્ટતામાં જીવવાની કોંગ્રેસની ક્ષમતાની પ્રશંસા થવી જોઈએ!

મહત્વનું છે કે, જયરામ રમેશે મેઘાલયમાં NPP અને BJP વચ્ચે ચૂંટણી પછીના ગઠબંધન પર કટાક્ષ કર્યો. તેણે આ ‘ગેમ’નો શ્રેય ત્રણ S એટલે કે (અમિત) શાહ, (હિમંતા બિસ્વા) સરમા અને (કોનરાડ) સંગમાને આપ્યો. રમેશે ટ્વીટર પર લખ્યું, આ ત્રણેય એસ – શાહ, સરમા અને સંગમા દ્વારા રમાયેલ એક સુનિયોજિત રમત છે.

One must appreciate Congress’s ability to live in denial by spinning narratives – converting a washout in three states into an achievement! https://t.co/EK7TmgZoZr

— Himanta Biswa Sarma (@himantabiswa) March 2, 2023

આ તરફ આસામના મુખ્ય પ્રધાન હિમંતા બિસ્વાએ ગુરુવારે દાવો કર્યો હતો કે, મેઘાલયના મુખ્ય પ્રધાન અને નેશનલ પીપલ્સ પાર્ટીના સુપ્રીમો કોનરાડ સંગમાએ કેન્દ્રીય ગૃહ પ્રધાન અમિત શાહને ફોન કર્યો હતો અને નવી સરકાર બનાવવા માટે તેમનો ટેકો અને આશીર્વાદ માંગ્યા હતા. બીજી તરફ સંગમાએ એનપીપીને સમર્થન આપવા બદલ ભાજપનો આભાર માન્યો હતો.