ઈઝરાયલ અને હમાસના યુદ્ધમાં અત્યાર સુધીમાં 4,500થી વધુ લોકોએ જીવ ગુમાવ્યો છે. ગાઝાની એક હોસ્પિટલ પર હુમલો કરવામાં આવ્યો છે, જેમાં 500થી વધુ લોકોના મોત થયા છે. ઈઝરાયલના પ્રધાનમંત્રી બેન્જામિન નેતન્યાહૂએ પણ જવાબ આપ્યો છે.
ઈઝરાયલ અને હમાસના યુદ્ધમાં અત્યાર સુધીમાં 4,500થી વધુ લોકોએ જીવ ગુમાવ્યો છે. અમેરિકાના રાષ્ટ્રપતિ જો બાઈડેન ઈઝરાયલ સાથે એકજૂથતા દર્શાવવા માટે તેલ અવીવ જવા રવાના થયા છે. હમાસે મંગળવારે રાત્રે દાવો કર્યો કે. ઈઝરાયલની સેનાએ ગાઝાની એક હોસ્પિટલ પર હુમલો કર્યો છે, જેમાં 500થી વધુ લોકોના મોત થયા છે. ઈઝરાયલના પ્રધાનમંત્રી બેન્જામિન નેતન્યાહૂએ પણ જવાબ આપ્યો છે.
- Advertisement -
ઈઝરાયલના પ્રધાનમંત્રી બેન્જામિન નેતન્યાહૂએ જવાબ આપ્યો છે કે, ગાઝામાં બર્બર હુમલાને આતંકવાદીઓએ અંજામ આપ્યો છે. જે લોકોએ અમારા બાળકોની હત્યા કરી છે, તેઓ પોતાના બાળકોની પણ હત્યા કરે છે.
BREAKING: The Gaza Health Ministry says at least 500 people killed in an explosion at a hospital that it says was caused by an Israeli airstrike. https://t.co/QXPgbAvtQ6
— The Associated Press (@AP) October 17, 2023
- Advertisement -
હોસ્પિટલ પર હુમલા બાબતે IDFનું નિવેદન
IDFએ જણાવ્યું છે કે, ‘હોસ્પિટલ પર હુમલા માટે ઈસ્લામિક જિહાદ જવાબદાર છે. દુશ્મન અને ઈઝરાયલ તરફથી અનેક રોકેટ લોન્ચ કરવામાં આવ્યા છે. જેમાંથી એક અસફળ રોકેટે ગાઝાની હોસ્પિટલને નિશાન બનાવી હતી. આ રોકેટ હુમલા માટે જિહાદ આતંકવાદી સંગઠન જવાબદાર છે.’
મધ્ય ગાઝાની અલ અહલી હોસ્પિટલ પર હુમલો કરવામાં આવ્યા છે. જે ગાઝા પટ્ટીની છેલ્લી ક્રિશ્ચિયન હોસ્પિટલ હતી. ગાઝા આરોગ્ય મંત્રાલય અનુસાર મંગળવારે રાત્રે ઈઝરાયલની સેનાએ અલ અહલી અરબી બાપટિસ્ટ હોસ્પિટલ પર એર સ્ટ્રાઈક કરી. આ હોસ્પિટલમાં અનેક ઘાયલ અને પેલેસ્ટાઈનીઓએ શરણ લીધી હતી.
Prime Minister Benjamin Netanyahu, this evening:
"The entire world should know: It was barbaric terrorists in Gaza that attacked the hospital in Gaza, and not the IDF.
Those who brutally murdered our children also murder their own children."
— Prime Minister of Israel (@IsraeliPM) October 17, 2023
ઈમરજન્સી મીટિંગ
UAE અને રશિયાએ ઈઝરાયલ-હમાસના યુદ્ધ બાબતે સંયુક્ત રાષ્ટ્ર પરિષદની ઈમરજન્સી બેઠક બોલાવી છે. ગાઝા હોસ્પિટલ પર હુમલા પછી આ બેઠક બોલાવવામાં આવી છે, જેમાં 500થી વધુ પેલેસ્ટાઈનીઓના મોત થયા છે. સાઉદી અરબ, UAE, બહરીન, ઈજિપ્ત, જોર્ડન અને તુર્કીએ ગાઝા હોસ્પિટલ પર હુમલા માટે ઈઝરાયલ પર આરોપ મુક્યો છે. આ હુમલા પછી બહરીને તાત્કાલિક સીઝફાયરની અપીલ કરી છે.
નરસંહાર
લેબનાનના હિજબુલ્લાહે ગાઝા પટ્ટીની હોસ્પિટલ પર હુમલાની ટીકા કરવા માટે ‘ક્રોધ દિવસ’ની અપીલ કરી છે. હિજબુલ્લાહે આ હુમલાને નરસંહાર ગણાવ્યો છે અને ઈઝરાયલને દોષિત ગણાવ્યું છે. હિજબુલ્લાહે આ હુમલાને નરસંહાર અને ક્રૂર અપરાધ ગણાવતા કહ્યું છે કે, ‘બુધવાર, દુશ્મન માટે ગુસ્સાનો દિવસ હોય.’
I can confirm, that an analysis of the IDF operational systems indicates, that a barrage of rockets was fired by terrorists in Gaza, passing in close proximity to the Al-Ahli Al-Mahdi hospital in Gaza at the time it was hit >> pic.twitter.com/OcyuDHJGF8
— דובר צה״ל דניאל הגרי – Daniel Hagari (@IDFSpokesperson) October 17, 2023
WHOએ કરી ટીકા
WHOએ ગાઝા પટ્ટીની હોસ્પિટલ પર હુમલાની ટીકા કરી છે. WHOએ જણાવ્યું છે કે, હોસ્પિટલમાં દર્દીઓનો ઈલાજ કરવામાં આવી રહ્યો હતો. જ્યાં દર્દીઓની દેખભાળ કરનાર તથા અનેક વિસ્થાપિત લોકોએ આશ્રય લીધો હતો. WHO જણાવે છે કે, ઈઝરાયલે માનવીય કાયદાનું પાલન કરવું જોઈએ. જે અનુસાર હોસ્પિટલની રક્ષા કરવી જોઈએ અને તેને ટાર્ગેટ ના કરવી જોઈએ.
