ભારતે રાંચી ટેસ્ટ મેચમાં ઈંગ્લેન્ડને પાંચ વિકેટે હરાવીને ટેસ્ટ સિરીઝ પર કબજો કર્યો હતો. ભારતીય ટીમ એક સમયે મુશ્કેલીમાં હતી અને પાંચ વિકેટ પડી ગઈ હતી. આવી સ્થિતિમાં શુભમન ગિલ અને ધ્રુવ જુરેલની જોડીએ અણનમ ભાગીદારી કરી અને ભારતને જીત અપાવી હતી.
ભારતીય ટીમે ઇંગ્લેન્ડ સામેની રાંચી ટેસ્ટ મેચ પાંચ વિકેટે જીતી લીધી છે. ભારતીય ટીમે રમતના ચોથા દિવસે (26 ફેબ્રુઆરી) ચા પહેલા 192 રનનો લક્ષ્યાંક હાંસલ કર્યો હતો. આ જીત સાથે ભારતીય ટીમે પાંચ મેચોની ટેસ્ટ શ્રેણીમાં 3-1ની અજેય સરસાઈ મેળવી લીધી છે. પાંચમી અને છેલ્લી ટેસ્ટ શ્રેણી 7 માર્ચથી ધર્મશાલામાં રમાશે.
- Advertisement -
Maiden Test FIFTY! 🙌 🙌
Well played, Dhruv Jurel 👏 👏
Follow the match ▶️ https://t.co/FUbQ3Mhpq9#TeamIndia | #INDvENG | @IDFCFIRSTBank pic.twitter.com/G2Gjjuh607
- Advertisement -
— BCCI (@BCCI) February 25, 2024
લક્ષ્યનો પીછો કરતી વખતે કેપ્ટન રોહિત શર્મા અને યશસ્વી જયસ્વાલે 84 રનની ભાગીદારી કરીને ભારતને શાનદાર શરૂઆત અપાવી હતી. બંને બેટ્સમેનોએ આદરપૂર્વક સારા બોલ રમ્યા, જ્યારે છૂટક બોલને સખત માર્યા. ત્રીજા દિવસની રમતના અંત સુધીમાં (25 ફેબ્રુઆરી) બંનેએ મળીને 40 રન જોડ્યા હતા. ત્યાર બાદ આજે રોહિત શર્માએ જેમ્સ એન્ડરસનના બોલને સિક્સર ફટકારીને ભારતના સ્કોરને 50ની પાર પહોંચાડી દીધો હતો. ત્યારબાદ યશસ્વીએ પણ કેટલાક સારા શોટ ફટકાર્યા હતા.
ભારતને પહેલો ફટકો યશસ્વી જયસ્વાલના રૂપમાં લાગ્યો હતો, જે પાર્ટ ટાઈમ સ્પિનર જો રૂટના બોલ પર જેમ્સ એન્ડરસનના હાથે કેચ આઉટ થયો હતો. યશસ્વીના આઉટ થયાના થોડા સમય બાદ રોહિતે પોતાની ફિફ્ટી પૂરી કરી હતી. રોહિત 55 રન બનાવીને ટોમ હાર્ટલીના બોલ પર વિકેટ પાછળ કેચ આઉટ થયો હતો. ત્યારબાદ ભારતે રજત પાટીદારની વિકેટ પણ ગુમાવી હતી, જે પોતાનું ખાતું પણ ખોલી શક્યો ન હતો.
4TH Test. India Won by 5 Wicket(s) https://t.co/3ZdkXkSonb #INDvENG @IDFCFIRSTBank
— BCCI (@BCCI) February 26, 2024
લંચ બાદ શોએબ બશીરે સતત બોલ પર રવિન્દ્ર જાડેજા અને સરફરાઝ ખાનને આઉટ કરીને મેચને રોમાંચક તબક્કામાં લઈ ગઈ હતી. 120 રનમાં પાંચ વિકેટ પડી જતાં ભારતને ઉપયોગી ભાગીદારીની સખત જરૂર હતી. આવી સ્થિતિમાં ધ્રુવ જુરેલ અને શુભમન ગીલે ચાહકોને નિરાશ કર્યા નહીં અને ભારતને મુશ્કેલીમાંથી બહાર કાઢીને જીતની નજીક પહોંચાડ્યું.
