ભારત-ચીન વચ્ચે બોર્ડર મેનેજમેન્ટ અંગે સહમતી સધાઈ, ચીનના વિદેશ મંત્રાલયની મોટી જાહેરાત

ખાસ-ખબર ન્યૂઝ નવી દિલ્હી

ચીની વિદેશ મંત્રાલયે બુધવારે જાણકારી આપી કે, વિદેશ મંત્રી વાંગ યી નવી દિલ્હી યાત્રાએ હતા. આ દરમિયાન ભારત-ચીન વચ્ચે સરહદ વ્યવસ્થાપન અને નિયંત્રણ અંગે એક નવા કરાર પર હસ્તાક્ષર કર્યા છે. વાંગ યીએ 18 થી 19 ઓગસ્ટ દરમિયાન નવી દિલ્હીની મુલાકાત લીધી હતી. આ દરમિયાન તેમણે ભારતના ગજઅ અજિત ડોભાલ અને વિદેશ મંત્રી એસ જયશંકર સાથે વ્યાપક વાતચીત કરી હતી. ચીનના વિદેશ મંત્રાલયના પ્રવક્તા માઓ નિંગે મીડિયા બ્રીફિંગમાં જણાવ્યું હતું કે, બંને પક્ષો વિવિધ ક્ષેત્રોમાં ફરી સંવાદ શરૂ કરવા, પરસ્પર લાભદાયી સહયોગને વધુ ગાઢ બનાવવા, બહુપક્ષવાદને જાળવી રાખવા, વૈશ્વિક પડકારોનો સંયુક્ત રીતે સામનો કરવા અને એકતરફી જોખમોનો વિરોધ કરવા સંમત થયા છે. બંને પક્ષો સરહદી પ્રશ્ર્ન પર નવા સામાન્ય કરારો પર સંમત થયા. જેમાં સામાન્ય વ્યવસ્થાપન અને નિયંત્રણ, સરહદી વિસ્તારોમાં શાંતિ અને સ્થિરતા જાળવવી, સંવેદનશીલ વિસ્તારોને યોગ્ય રીતે સંબોધિત કરવા અને જ્યાં પરિસ્થિતિઓ અનુકૂળ હોય ત્યાં સરહદી વાટાઘાટો શરૂ કરવાનો સમાવેશ થાય છે.’વધુમાં વાંગે કહ્યું કે, તેમની ભારત મુલાકાતનો હેતુ બંને દેશો વચ્ચે ઉચ્ચ સ્તરીય આદાન-પ્રદાન માટે તૈયારી કરવાનો પણ હતો. તેમણે ભારપૂર્વક કહ્યું કે, ભારત-ચીન સંબંધોમાં ઉતાર-ચઢાવ આવ્યા છે અને તેમાંથી શીખેલા પાઠ યાદ રાખવા જોઈએ. પરિસ્થિતિ ગમે તે હોય, બંને પક્ષોએ હરીફ નહીં પણ ભાગીદાર તરીકે યોગ્ય સ્થિતિ જાળવી રાખવી જોઈએ અને મતભેદોનું સમજદારી પૂર્વક સંચાલન કરવું જોઈએ, જેથી સરહદ વિવાદ બંને દેશો વચ્ચેના એકંદર સંબંધોને અસર ન કરે. વર્તમાન આંતરરાષ્ટ્રીય સ્થિતિમાં ભારત-ચીન સંબંધોમાં વ્યૂહનૈતિક મહત્ત્વ તેજીથી ઉભરી રહ્યા છે અને ભારત-ચીન સહયોગનું વ્યૂહનૈતિક મૂલ્ય ઉલ્લેખનીય છે.’ પ્રેસ રીલિઝમાં કહેવામાં આવ્યું કે, બંને પક્ષો બંને દેશોના નેતાઓ દ્વારા મળતી મહત્ત્વની સામાન્ય સમજૂતીઓનો ગંભીરતાથી અમલ કરશે, વિવિધ ક્ષેત્રોમાં આદાનપ્રદાન અને સહયોગને મજબૂત બનાવશે અને ભારત-ચીન સંબંધોના સ્થિર અને લાંબા ગાળાના વિકાસને પ્રોત્સાહન આપશે.

જો ચીન સાથે ટક્કર લેવી હોય તો ભારત સાથેના સંબંધો સુધારો : નિક્કી હેલી

ભારત પર ટેરિફ પ્રહારને લઈને પૂર્વ અમેરિકી રાજદૂત નિકકી હેલીએ ટ્રમ્પ પર નિશાન સાધી કહ્યું હતું.ચીનને ટક્કર આપવા માટે આપણે ભારત જેવા દોસ્તની જરૂર છે તે પણ ભારત-અમેરિકાના સંબંધે મજબૂત કરવાની વાત કરી હતી. સંયુક્ત રાષ્ટ્રમાં અમેરિકાના ભૂતપૂર્વ રાજદૂત નિક્કી હેલીએ ટ્રમ્પ વહીવટીતંત્રને ફરી એકવાર ચેતવણી આપી છે કે ભારત-અમેરિકા વચ્ચેના સંબંધો એક મહત્વપૂર્ણ તબક્કે છે અને જો વોશિંગ્ટન ચીનની વૈશ્વિક મહત્વાકાંક્ષાઓને રોકવા માંગે છે તો તેણે ભારત સાથેના સંબંધોને ઝડપથી સુધારવાની જરૂર છે.બુધવારે ન્યૂઝવીકમાં પ્રકાશિત એક લેખમાં હેલીએ કહ્યું હતું કે ડોનાલ્ડ ટ્રમ્પની સરકારે રશિયન ઓઈલ અને ટેરિફ વિવાદોના મુદ્દાને કારણે વિશ્વની બે સૌથી મોટી લોકશાહી શક્તિઓ વચ્ચે ફાટ ન થવા દેવી જોઈએ. અમેરિકાએ તેના માટે સૌથી મહત્વપૂર્ણ શું છે તે ભૂલવું ન જોઈએ. ચીનનો સામનો કરવા માટે, અમેરિકાને ભારત જેવા મિત્રની જરૂર છે. ઉલ્લેખનીય છે કે, અમેરિકન પ્રમુખ ડોનાલ્ડ ટ્રમ્પે રશિયા પાસેથી ઓઈલ ખરીદવાનું ચાલુ રાખવા બદલ ભારત સામે 25 ટકા પારસ્પરિક ડ્યુટી અને વધારાની 25 ટકા ડ્યુટી લાદ્યા બાદ તણાવ વધ્યો છે. ભારત-પાકિસ્તાન યુદ્ધવિરામ વાટાઘાટોમાં અમેરિકાની ભૂમિકા અંગેના દાવાઓ સહિત મહિનાઓ સુધી ચાલેલા તણાવ પછી આ પગલું લેવામાં આવ્યું હતું.

ભારત-ચીના સંબંધ મજબૂત થઈ રહ્યા છે
માઓએ જણાવ્યું હતું કે, ’વાંગે તેમની બેઠકોમાં એ પણ ઉલ્લેખ કર્યો હતો કે વર્તમાન પરિસ્થિતિઓ ભારત-ચીન સંબંધોના વ્યૂહાત્મક મહત્ત્વ અને દ્વિપક્ષીય સહયોગના વ્યૂહાત્મક મૂલ્યને વધુ ઉજાગર કરે છે, જેને અમેરિકન પ્રમુખ ડોનાલ્ડ ટ્રમ્પના ટેરિફ ધમકીઓ સાથે જોડવામાં આવે છે.વડાપ્રધાન મોદી સાથે વાંગની મુલાકાત અંગે વિદેશ મંત્રાલય દ્વારા જાહેર કરાયેલી એક પ્રેસ રિલીઝમાં કહેવામાં આવ્યું છે કે, વાંગે ચીનના રાષ્ટ્રપતિ શી જિનપિંગ અને વડાપ્રધાન લી કેકિયાંગ વતી તેમને હાર્દિક શુભેચ્છાઓ પાઠવી હતી.
જઈઘ શિખર સંમેલનમાં હાજરી આપશે નરેન્દ્ર મોદી
વાંગે 31 ઓગસ્ટ અને 1 સપ્ટેમ્બરે ચીને તિયાનજિન શહેરમાં યોજાનારી શાંઘાઈ કોઓપરેશન ઓર્ગેનાઇઝેશન (જઈઘ) સમિટમાં હાજરી આપવા માટે વડાપ્રધાન મોદીની મુલાકાતનું સ્વાગત કર્યું.ચીનના વિદેશ મંત્રી વાંગે કહ્યું કે, ગયા વર્ષે રશિયામાં મોદી અને શી જિનપિંગની સફળ મુલાકાતે ચીન-ભારત સંબંધોની પુન:સ્થાપના અને નવી શરૂઆત માટે માર્ગદર્શન પૂરું પાડ્યું છે. બંને પક્ષોએ બંને દેશોના નેતાઓ દ્વારા થયેલા મહત્ત્વપૂર્ણ સામાન્ય કરારોને ગંભીરતાથી અમલમાં મૂક્યા છે, જેનાથી દ્વિપક્ષીય સંબંધોમાં સુધારા અને વિકાસના નવા માર્ગ પર લઈ જવામાં આવ્યા છે. આ સરળતાથી નથી થયું અને તેનું સાચવીને રાખવું જોઈએ.