વારાણસીમાં ગંગા નદીમાં પૂર, 84 ઘાટ ડૂબ્યા: ઉત્તરાખંડ-હિમાચલમાં ભૂસ્ખલનને કારણે 258 રસ્તા બંધ
ખાસ-ખબર ન્યૂઝ જયપુર
- Advertisement -
રાજસ્થાનમાં બે દિવસથી ભારે વરસાદ ચાલુ છે. વરસાદમાં બનતી ઘટનાઓમાં 18 લોકોનાં મોત થયા છે. જયપુર, ચુરુ, બિકાનેર, શ્રી ગંગાનગર, હનુમાનગઢ જિલ્લાના ઘણા નીચાણવાળા વિસ્તારોમાં 4-5 ફૂટ સુધી પાણી ભરાઈ ગયા છે. બુંદીમાં મેજ નદીનું પાણીનું સ્તર ભયજનક સપાટીથી ઉપર છે. ઘણા ગામોનો મુખ્ય મથક સાથેનો સંપર્ક તૂટી ગયો છે.
ઉત્તર પ્રદેશમાં ભારે વરસાદ ચાલુ છે. હાથરસમાં અડધા કલાકમાં 6 ઇંચ પાણી પડી ગયું. રાજ્યની મોટાભાગની નદીઓ પૂરની સ્થિતિમાં છે. પ્રયાગરાજમાં ગંગા-યમુનામાં પૂરની સ્થિતિ છે. વારાણસીમાં પણ ગંગા પૂરની સ્થિતિમાં છે. 84 ઘાટ સંપૂર્ણપણે ડૂબી ગયા છે. લલિતપુરમાં માતાટીલા ડેમના 18 દરવાજા અને ગોવિંદ સાગર ડેમના 8 દરવાજા ખોલવામાં આવ્યા છે. ઉત્તરાખંડ અને હિમાચલ પ્રદેશના પહાડી રાજ્યોમાં ભારે વરસાદ ચાલુ છે. ભૂસ્ખલનને કારણે હિમાચલમાં 200 અને ઉત્તરાખંડમાં 58 રસ્તા બંધ થઈ ગયા છે. આજે પણ બંને રાજ્યોમાં ભારે વરસાદની ચેતવણી જારી કરવામાં આવી છે.
મંગળવારે પણ મધ્યપ્રદેશમાં ભારે વરસાદ ચાલુ રહ્યો. ગ્વાલિયર, ભોપાલ, ઇન્દોર સહિત 25 થી વધુ જિલ્લાઓમાં વરસાદ પડ્યો. ગ્વાલિયરમાં સૌથી વધુ 2.3 ઇંચ વરસાદ પડ્યો. છેલ્લા એક અઠવાડિયાથી રાજ્યમાં ભારે વરસાદને કારણે નદીઓ અને નાળા છલકાઈ રહ્યા છે. આજે પણ 18 જિલ્લાઓમાં ખૂબ જ ભારે કે ભારે વરસાદની ચેતવણી આપવામાં આવી છે.
જયપુરના ચૌમુનમાં એક સ્કૂલ બસ પાણીથી ભરેલા ખાડામાં ફસાઈ ગઈ. આ અકસ્માત બુધવારે સવારે ચૌમુનમાં ગઇં-52 પર વીર હનુમાન કલ્વર્ટ પાસે થયો હતો. પોલીસના જણાવ્યા અનુસાર, બસમાં ફસાયેલા બાળકો ઝઈઈં ઇન્સ્ટિટ્યૂટના છે.
બે દિવસના વિરામ બાદ છત્તીસગઢમાં ફરી વરસાદ શરૂ થયો છે. રાયપુરમાં મોડી રાતથી સવાર સુધી વરસાદ પડ્યો હતો. આ દરમિયાન હવામાન વિભાગે આગામી 24 કલાકમાં ભારે વરસાદને કારણે રાજ્યના 7 જિલ્લાઓમાં પૂરની ચેતવણી જારી કરી છે.
