ખાસ-ખબર ન્યૂઝ નવી દિલ્હી
કેરલમની તમામ 140 બેઠકો માટે મતગણતરી સવારે 8 વાગ્યે શરૂ થઈ હતી. આ વખતે લેફ્ટ ડેમોક્રેટિક ફ્રન્ટ (કઉઋ), યૂનાઇટેડ ડેમોક્રેટિક ફ્રન્ટ (ઞઉઋ) અને નેશનલ ડેમોક્રેટિક એલાયન્સ (ગઉઅ) વચ્ચે ત્રિકોણીય જંગ છે. કેરલમમાં કૂલ 2,71,42,952 મતદારો છે, જેમાંથી 79.63 ટકાએ 9 એપ્રિલે 140 વિધાનસભા બેઠક પર મતદાન કર્યું હતું. રાજ્યની 140 બેઠક માટે 883 ઉમેદવારોએ ચૂંટણી લડી હતી.
પ્રક્રિયાના ભાગ રૂપે, સ્ટ્રોંગ રૂમ જ્યાં ઇલેક્ટ્રોનિક વોટિંગ મશીન અને ટટઙઅઝ યુનિટ રાખવામાં આવે છે તે ભારતીય ચૂંટણી પંચના ઓબ્ઝર્વર, સુરક્ષાકર્મીઓ અને ઉમેદવારોના પ્રતિનિધિઓની હાજરીમાં ખોલવામાં આવશે. પોસ્ટલ બેલેટ- જે કૂલ મતદાન થયેલા મતોના 1.36 ટકા છે તેની ગણતરી સૌથી પહેલા કરવામાં આવશે.
પોસ્ટલ બેલેટની ખાસ ગણતરી માટે ટેબલ ગોઠવવામાં આવ્યા છે જેમાં દરેક ટેબલ પર આસિસ્ટન્ટ રિટર્નિંગ ઓફિસરની દેખરેખ હેઠળ 500 જેટલા મત ગણી શકાય છે. દરેક રાઉન્ડમાં વધુમાં વધુ 14 મતદાન મથકોમાંથી ઊટખમાં મતદાન કરાયેલા મતોની ગણતરી કરવામાં આવશે અને બપોર સુધીમાં ચૂંટણી પરિણામની તસવીર સ્પષ્ટ થવાની આશા છે.
કેરલમ ચૂંટણી 2026માં તિરૂવનંતપુરમમાં કોંગ્રેસની ઓફિસ બહાર કોંગ્રેસના સમર્થકો અને કાર્યકર્તા ઉમટી પડ્યા છે અને મત ગણતરી પર નજર રાખી રહ્યા છે.
કેરળના તિરૂવનંતપુરમમાં કોંગ્રેસના હેડક્વાર્ટરમાં ઉજવણી ચાલી રહી છે કારણ કે કોંગ્રેસના નેતૃત્ત્વ ધરાવતી ઞઉઋએ 71 બેઠકનો બહુમતનો આંકડો પાર કરી લીધો છે. પાર્ટીના જનરલ સેક્રેટરી કે.સી.વેણુગોપાલ, સ્ટેટ પાર્ટી ચીફ સની જોસેફ, વિપક્ષના નેતા વી.ડી.સતીશન, સાંસદ શશિ થરૂર અને કે.સુરેશ અને રમેશ ચેન્નિથલાએ ઉજવણીમાં કેક કાપી હતી.
ચૂંટણી પંચના ટ્રેંડ્સ અનુસાર, કેરલમના મુખ્યમંત્રી પિનરાઇ વિજયન ધર્માદોમ બેઠક પર પાછળ ચાલી રહ્યા છે, જ્યાં કોંગ્રેસના ઉમેદવાર વી.પી.અબ્દુલ રશીદ 2812 કરતા વધુ મતથી આગળ ચાલી રહ્યા છે.
કોંગ્રેસની લીડરશિપ ધરાવતી ઞઉઋએ રાજ્યમાં 71 બેઠકનો બહુમત પાર કરી લીધો છે.
- Advertisement -
કેરળમાં વિકાસ માટે કામ થશે: શશિ થરૂ ર
કોંગ્રેસના સાંસદ શશિ થરૂરે કેરળ ચૂંટણીના શરૂઆતના વલણ પર કહ્યું, ‘કેરળના મતદારોએ સમજાવ્યું છે કે બદલાવનો સમય છે. કેટલાક મોટા નેતા પણ શરૂઆતના વલણમાં પાછળ ચાલી રહ્યા છે. આ મોટો સંકેત છે. સરકાર બદલવાની છે. કેરળના વિકાસ માટે કામ થશે.’
