રશિયાના કઝાન શહેરમાં આજે એક ઐતિહાસિક બેઠક યોજાવા જઈ રહી છે, આજે વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગ વચ્ચે પાંચ વર્ષ પછી દ્વિપક્ષીય બેઠક યોજાવાની છે.
આ મિટિંગ ભારત અને ચીન માટે પણ મહત્વપૂર્ણ છે, સાથે જ બંને નેતાઓ વચ્ચે પાંચ વર્ષમાં આ પ્રથમ ઔપચારિક મુલાકાત છે. એવું કહેવાય રહ્યું છે કે આ બેઠક 2020 માં શરૂ થયેલા સરહદી અવરોધને પગલે LAC પર પેટ્રોલિંગ વ્યવસ્થા પર બંને દેશો વચ્ચેના કરારને અનુસરે છે. વિદેશ સચિવ વિક્રમ મિશ્રીએ બેઠકની પુષ્ટિ કરી છે અને કહ્યું છે કે બેઠક બાદ સંયુક્ત નિવેદન પણ જારી કરવામાં આવશે.
જાણીતું છે કે 2019માં તમિલનાડુમાં દ્વિપક્ષીય સમિટ માટે મોદી અને શી જિનપિંગ મળ્યા હતા અને તેના પાંચ વર્ષ બાદ આજે તેઓ ફરી મુલાકાત કરશે. પૂર્વી લદ્દાખમાં LAC પર પેટ્રોલિંગને લઈને ભારત અને ચીન વચ્ચે નવી સમજૂતી કરવામાં આવ્યા બાદ આજે આ મુલાકાત થશે.
