અમેરિકાની પૉપ સુપરસ્ટાર મેડોના સીરિયસ બેક્ટેરિયલ ઈન્ફેક્શનનો શિકાર બની છે જેથી તેને હોસ્મિટલમાં આઈસીયુમાં દાખલ થવું પડ્યું છે. મેડોનાના મેનેજરે આ જાણકારી સોશ્યલ મીડિયા પર શેયર કરી છે સાથે જ કહ્યું કે મેડોનાએ આગામી સમયનો પ્રયાસ ટાળ્યો છે. જ્યારે તે સંપૂર્ણ રીતે સાજી થઈ જશે ત્યારપછી જ પ્રવાસ કરશે.
જાણકારી પ્રમાણે મેડોનાને સીરિયસ ઈન્ફેક્શનને કારણે કરિયર સ્પૈનિંગ સેલિબ્રેશન ટુર ટાળવી પડી છે. મેડોનાનો પ્રવાસ 15 જૂલાઈએ વાનકુંવરમાં થવાનો હતો જે ડિસેમ્બરમાં એમ્સ્ટર્ડમમાં પૂર્ણ થવાનો હતો. મેનેજર ગાઈ ઓસેરીએ લખ્યું કે તેની તબિયતમાં સુધારો થઈ રહ્યો છે.
- Advertisement -
જો કે હજુ પણ તે તબીબોની દેખરેખ હેઠળ છે. સેલિબ્રેશન ટુર ડેટ્રોઈટ, શિકાગો, ન્યુયોર્ક, મિયામી, લોસ એન્જલસ, ડેનવર, એટલાન્ટા અને બોસ્ટન સહિત અનેક શહેરોમાં મેડોનાની ટૂર થવાની હતી પરંતુ હવે તે થઈ શકશે નહીં. ઉલ્લેખનીય છે કે સાત વખતની ગ્રેમી વિજેતાને ચાર દશકામાં કરિયરમાં લાઈવ એ વર્જિન અને મટેરિયલ ગર્લ સહિત અનેક હિટ ગીત માટે ઓળખવામાં આવે છે.
