ઉમંગ-ઉત્સાહ અને આસ્થાનો ત્રિવેણી સંગમ રચાશે: પ્રાચીન-અર્વાચીન ગીત-સંગીતના સહારે હજારો લોકો થીરકશે: જાણીતા ગાયક કલાકારો, અદ્યતન સાઉન્ડ સીસ્ટમ, રંગબેરંગી લાઇટો આકર્ષણનું કેન્દ્ર
ખાસ-ખબર સંવાદદાતા
માતાજીના ભક્તિના રૂડા અવસર સમાન નવરાત્રીના દિવસો પૂરા થવામાં છે. નવરાત્રી પૂર્વેથી અર્વાચીન રાસોત્સવમાં યુવાન હૈયાઓ મોડી રાત સુધી આનંદ-ઉલ્લાસથી ઝુમે છે. નવરાત્રીને બાય-બાય કરતું અદ્દભુત આયોજન અકિલા બેસ્ટ ઓફ ધ બેસ્ટનું તા. 25 બુધવારે સાંજે 7થી 10 વાગ્યા સુધી રોયલ રજવાડી ગ્રાઉન્ડ, પરસાણા ચોક, 150 ફુટ રીંગ રોડ ખાતે આયોજન કરવામાં આવ્યું છે. ગ્રાઉન્ડમાં 108ની ટીમ સતત હાજર રહેશે. રંગીલા રાજકોટના ખેલૈયાઓ અને મોટાભાગના અર્વાચીન રાસોત્સવમાં પોતાના પર્ફોમન્સથી જે-તે અર્વાચીન રાસોત્સવને ચાર ચાંદ લગાડી પ્રિન્સ-પ્રિન્સેસનું બહુમાન મેળવી ચૂકેલાઓ જે ઇવેન્ટની આતુરતાથી રાહ જોઇ રહ્યા છે તે ઇવેન્ટ અકિલા બેસ્ટ ઓફ બેસ્ટ ભવ્યાતિભવ્ય રાસોત્સવનું કાઉન્ટડાઉન શરૂ થયું છે. નવ-નવ દિવસથી વિવિધ રાસોત્સવમાં પોતાની આગવી સ્ટાઇલ અને રીતથી હજારો લોકોની વાહ-વાહ મેળવનારાઓ વચ્ચે હવે શ્રેષ્ઠમાંથી સર્વશ્રેષ્ઠ બનવાની ઘડી નજીક આવતા જ ખેલૈયાઓમાં ઉત્સાહ અને ઉમંગના ઘોડાપુર ઉમટ્યા છે. બુધવારને સાંજે 7 થી 10 વાગ્યા સુધી રોયલ રજવાડી ગ્રાઉન્ડ, પરસાણા ચોક, નવો 150 ફુટ રીંગ રોડ ખાતે આ બેસ્ટ ઓફ બેસ્ટ રાસોત્સવ યોજવામાં આવશે. જે માટેની જોરશોરથી તૈયારીઓ થઇ રહી છે. એટલું જ નહીં આ રાસોત્સવમાં પ્રિન્સ-પ્રિન્સેસ બનવા ખેલૈયાઓ પણ સજ્જ બન્યા છે. અકિલા બેસ્ટ ઓફ બેસ્ટ રાસોત્સવના પ્રણેતા અને આયોજનના કિંગ ગણાતા અકિલાના પ્રેસ ફોટોગ્રાફર અશોકભાઇ બગથરીયા અને સંદિપભાઇ બગથરીયાના નેતૃત્વ હેઠળ આ રાસોત્સવમાં ગીત સંગીત અને થનગનાટનો ત્રિવેણી સંગમ થવાનો હોય મન મૂકીને ગરબે રમવા માટે યુવા હૈયાઓ સજ્જ થયા છે. દર વર્ષે નવરાત્રી બાદ યોજાતા આ રાસોત્સવનું બેનમુન આયોજન હોય છે. અદ્યતન સાઉન્ડ સિસ્ટમ અને જાણીતા ગાયકો અને ગાયિકાઓ આ કાર્યક્રમને ચાર ચાંદ લગાવશે. આ કાર્યક્રમમાં વિજેતા બનનાર પ્રિન્સ-પ્રિન્સેસને લાખેણા ઇનામો પણ અર્પણ કરવામાં આવશે. આ માટે અનેક લોકો અને સંસ્થાઓનો સહયોગ પણ આયોજકોને પ્રાપ્ત થયો છે. દર વર્ષની જેમ આ વર્ષે પણ હજારો લોકો બેસ્ટ ઓફ બેસ્ટ રાસોત્સવને મન મૂકીને માણશે એ નક્કી છે. આ કાર્યક્રમનું અકિલા ન્યૂઝ ડોટ કોમ, સીટી ન્યુઝ દ્વારા લાઇવ પ્રસારણ પણ કરવામાં આવશે તેમ આયોજકોએ જણાવ્યું છે. આ પ્રસંગે દિપ પ્રાગટ્ય વિજયભાઇ રૂપાણી-માજી મુખ્યમંત્રી, નયનાબેન પેઢડીયા-મેયર, પ્રભવભાઇ જોશી-કલેક્ટર, પોલીસ કમિશ્નર રાજુ ભાર્ગવ, જોઇન્ટ પોલીસ કમિશ્નર-વિધિબેન ચૌધરી, આનંદભાઇ પટેલ-આરએમસી કમિશ્નર, મનહરસિંહ જાડેજા, મૌલેશભાઇ ઉકાણી-બાન લેબ પ્રા.લી., ડો. પાર્થરાજસિંહ ગોહેલ ડી.સી.પી. ક્રાઇમ બ્રાન્ચ, સજનસિંહ પરમાર-ડી.સી.પી. જોન, સુધીરકુમાર દેસાઇ-ડી.સી.પી. ઝોન, નીતીનભાઇ ભારદ્વાજ-માજી સ્ટેન્ડીંગ ચેરમેન, ભુપતભાઇ બોદર-માજી જીલ્લા પંચાયત પ્રમુખ, જયમીનભાઇ ઠાકર-સ્ટેન્ડીંગ કમિટિ ચેરમેન આર.એમ.સી., નરેન્દ્રસિંહ જાડેજા(ટીકુભા)-ડે. મેયર, મયુરધ્વજસિંહ જાડેજા-જેએમજે ગ્રુપ, રાજુભાઇ પોબારૂ-પ્રમુખ લોહાણા મહાજન, અલ્પેશભાઇ ઢોલરીયા-પ્રમુખ રાજકોટ જિલ્લા ભાજપ, નીતીનભાઇ નથવાણી-સીટી ન્યુઝ ચેનલ-રાજકોટ કરશે. રાસોત્સવમાં 108ના પ્રોગ્રામ મેનેજર ચેતન ગાધે, ઇએમઇ યોગેશ જાની, ઇએમઇ અક્ષય પંચાલ, ઇએમઇ જયસિંહ ઝાલા, ઇએમટી પિયુષ ધોળકીયા, ઇએમટી ચિરાગ પરમાર, ઇએમટી હીના અપારનાથી, પાયલોટ ઉદય દવે તથા કૌશિકભાઇ રાઠોડ સહિત 108ની ટીમ સેવા આપશે. ઉપરાંત મુખ્ય અતિથિ મુકેશ દોશી-રાજકોટ શહેર ભાજપ પ્રમુખ, જયેશભાઇ બોઘરા-રાજકોટ માર્કેટીંગ યાર્ડ ચેરમેન, પ્રદિપભાઇ ડવ-પૂર્વ મેયર રાજકોટ, ધનસુખભાઇ ભંડેરી-માજી ચેરમેન ગુજ. ફાયનાન્સ બોર્ડ, ડી.કે.સખીયા-પૂર્વ રાજકોટ માર્કેટીંગ યાર્ડ ચેરમેન, ઇન્દ્રનીલભાઇ રાજ્યગુરૂ-પૂર્વ ધારાસભ્ય કોંગ્રેસ, રાજદીપસિંહ જાડેજા(રીબડા)-યુવાન દાનવીર, યોગેશભાઇ પુજારા-પુજારા ટેલીકોમ, અનીલભાઇ રાઠોડ-પૂર્વ કોર્પોરેટર વોર્ડ નં. 5 ભાજપ, બાલાભાઇ પટેલ સહિતના મહાનુભાવો ઉપસ્થિત રહેશે. આ સમગ્ર આયોજનને સફળ બનાવવા અશોક બગથરીયા(અકિલા પ્રેસ ફોટોગ્રાફર,પ્રમુખ-રાજકોટ પ્રેસ ફોટોગ્રાફર એન્ડ ઇલેક્ટ્રોનિક કેમેરામેન એસોસિએશન), ધર્મેન્દ્રસિંહ ઝાલા(પિન્ટુભાઇ), અશોકભાઇ પટેલ, આશિષભાઇ વાગડીયા, ભુપતભાઇ બસીયા, મિલનભાઇ કોઠારી, જગદીશભાઇ પટેલ, દિપેન તન્ના, રોહિત પટેલ-ચરખડી, પારસભાઇ રાઠોડ, જય ખારા, સુખદેવસિંહ ઝાલા, જીતુ રાઠોડ, પારસ સંઘાણી, સુરુભા જાડેજા-રાવકી, જય બોરીચા, કિશન સખીયા, બાલાભાઇ વાજા, સંદિપ બગથરીયા(રાધે એન્ટરપ્રાઇઝ), યોગેશ બગથરીયા, પ્રશાંત ગોંડલીયા, નિરવ વાઘેલા અને સંદિપ બગથરીયા જહેમત ઉઠાવી રહ્યા છે.