અલગ અલગ શિફ્ટમાં 90 તબીબ સહિત 500નો મેડિકલ સ્ટાફ ખડે પગે આપે છે સેવા
ખાસ-ખબર ન્યૂઝ પોરબંદર, તા.18
માધવપુર મેળામાં લોકોની સારવાર માટે કામ ચલાઉ દવાખાના ઉભા કરાયા છે. અલગ અલગ શિફ્ટમાં 90 તબીબ સહિત 500 નો મેડિકલ સ્ટાફ ખડે પગે સેવા આપે છે. જિલ્લા કલેક્ટર શ્રી કે.ડી. લાખાણીના માર્ગદર્શન હેઠળ વિવિધ સમિતિઓ દ્વારા મેળાના આયોજનને લઈને પ્રશંસનીય કામગીરી કરવામાં આવી રહી છે. પોરબંદર જિલ્લાના મુખ્ય જિલ્લા આરોગ્ય અધિકારી બી.બી. કરમટાના માર્ગદર્શન હેઠળ મેળાની મોજ માણવા આવતા લોકોના આરોગ્યની પૂરેપૂરી તકેદારી રાખવામાં આવે છે.
- Advertisement -
ઇમરજન્સી મેડિકલ સુવિધાઓ મેળા ગ્રાઉન્ડમાં ઉપલબ્ધ કરાઇ છે. આરોગ્ય વિભાગની 10 એમ્બ્યુલન્સ અને 4 જેટલી 108 સ્ટેન્ડ બાય રાખવા, મેળા ગ્રાઉન્ડમાં 6 જેટલા ઇમરજન્સી મેડિકલ સ્ટોલ ઉભા કરવા, ઓપીટીથી લઈને લોકોને જરૂર જણાય તે પ્રકારની તમામ મેડિકલ સુવિધાઓ પૂરી આપવાની વ્યવસ્થા કરાઇ છે. 90 ડોક્ટરો, 180 નર્સિંગ સ્ટાફ, 300 જેટલો હેલ્થ સ્ટાફ ખડે પગે મેળા ગ્રાઉન્ડ ખાતે સેવા આપે છે.