મોરબીના પિપળી ગામ નજીક ટ્રેલરમાં માટીની બોરીની આડમાં છુપાવેલો દારૂ-બીયરનો જથ્થો ઝડપાયો

5 લાખથી વધુનો દારૂ, ટ્રક સહીત 15.24 લાખનો મુદામાલ જપ્ત, એકની ધરપકડ

ખાસ-ખબર ન્યૂઝ મોરબી, તા.3
પીપળી ગામ નજીક કાચા રોડ પર ટ્રેલરમાં માટીની બોરીની આડમાં છુપાવેલ ઈંગ્લીશ દારૂ અને બીયરનો જથ્થો પોલીસે ઝડપી લીધો હતો ટ્રેલરમાંથી પોલીસે 828 બોટલ દારૂ અને 312 નંગ બીયરના ટીન તેમજ ટ્રેલર સહીત 15.24 લાખનો મુદામાલ કબજે લઈને વધુ તપાસ ચલાવી છે. મોરબી તાલુકા પોલીસ ટીમ પેટ્રોલિંગમાં હોય દરમિયાન પીપળી ગામની સીમમાં અંબિકા કારખાના પાસે માનસરોવર સોસાયટી પાસે કાચા રોડ પર ટ્રેલર આરજે 09 જીસી 3141 માં ભરેલ માટીની બોરીની આડમાં દારૂનો જથ્થો છુપાવી રાખ્યો હોવાની બાતમી મળતા ટીમે રેડ કરી હતી જ્યાં ટ્રેલરની તલાશી લેતા માટીની બોરીની આડમાં છુપાવેલ દારૂ અને બીયરનો જથ્થો મળી આવ્યો હતો પોલીસે ટ્રેલરમાંથી ઈંગ્લીશ દારૂની 828 બોટલ અને બીયરના 312 ટીન મળીને 5,14,092 નો જથ્થો તેમજ ટ્રેલર કીમત રૂ 10 લાખ સહીત કુલ રૂ 15,24,092 નો મુદામાલ કબજે લીધો હતો અને ટ્રેલર ચાલક શ્રવણસિંગ કિશનસિંગ રાવત રહે રાજસ્થાન વાળાને ઝડપી લીધો છે. જે કામગીરીમાં તાલુકા પીઆઈ એસ કે ચારેલ, પીએસઆઈ એસ એન સગારકા, ભુપતસિંહ પરમાર, અંબાપ્રતાપસિંહ જાડેજા, મહાવીરસિંહ પરમાર, ચંદ્રસિંહ પઢીયાર, દેવશીભાઈ મોરી, રમેશભાઈ મુંધવા, કેતનભાઈ અજાણા, સિદ્ધરાજભાઈ લોખીલ, શક્તિસિંહ જાડેજા, મહેન્દ્રસિંહ પરમાર, ભગીરથભાઈ લોખીલ, અરવિંદભાઈ મકવાણા, કુલદીપભાઈ કાનગડ, અજયભાઈ લાવડીયા, યશવંતસિંહ ઝાલા સહિતની ટીમ જોડાયેલ હતી.