ઓસ્ટ્રેલિયાના વડાપ્રધાન એન્થોની અલ્બેનિસન ચાટ અને જલેબીની લિજ્જત માણી, જુઓ વીડિયો

ઓસ્ટ્રેલિયાના વડાપ્રધાન એન્થોની અલ્બેનિસે પોતાના ટ્વિટર એકાઉન્ટ પર ચાટ અને જલેબી ખાવાનો વીડિયો અને ફોટો શેર કર્યો છે આ સાથે એમને આ વિડીયોમાં પીએમ મોદીને ટેગ પણ કર્યા છે.

ભારતના પ્રધાનમંત્રી નરેન્દ્ર મોદી ગયા મહિને ઓસ્ટ્રેલિયા ગયા હતા ત્યારે તેમણે ઓસ્ટ્રેલિયાના પ્રધાનમંત્રી એન્થોની અલ્બેનિસને ચાટ અને જલેબી ખાવા માટે આગ્રહ કર્યો હતો. હવે આ સમયે જ્યારે વડાપ્રધાન નરેન્દ્ર મોદી અમેરિકામાં પ્રેસિડેન્ટ બાયડનના ખાસ મહેમાન છે ત્યારે હાલ ઓસ્ટ્રેલિયાના પ્રધાનમંત્રીએ પીએમ મોદીના આગ્રહનો સ્વીકાર કરીને ચાટ-જલેબી ખાવા પંહોચ્યાં હતા.

વાત એમ છે કે હાલ જ ઓસ્ટ્રેલિયાના વડાપ્રધાન એન્થોની અલ્બેનિસે એક વીડિયો પોસ્ટ કર્યો છે જેમાં તેઓ ચાટ અને જલેબી ખાઇ રહ્યા છે. એમને પોતાના ટ્વિટર એકાઉન્ટ પર ચાટ અને જલેબી ખાવાનો વીડિયો અને ફોટો શેર કર્યો છે આ સાથે એમને આ વિડીયોમાં પીએમ મોદીને ટેગ પણ કર્યા છે.

Great Friday night in Little India, Harris Park with @Charlton_AB. We tried out Prime Minister @narendramodi's recommendations of chaat at Chatkazz and jalebi at Jaipur Sweets – a winner! pic.twitter.com/biy3Fo4aKQ

— Anthony Albanese (@AlboMP) June 23, 2023

- Advertisement -

હાલ સિડનીના ઉપનગર હેરિસ પાર્કને લિટલ ઈન્ડિયા તરીકે ઓળખાય છે અને ત્યાં ઓસ્ટ્રેલિયન વડા પ્રધાન એન્થોની અલ્બેનિસે ચાટ અને જલેબી જેવા ભારતીય સ્ટ્રીટ ફૂડનો સ્વાદ ચાખ્યો હતો. વડા પ્રધાન નરેન્દ્ર મોદી ગયા મહિને ઑસ્ટ્રેલિયાની મુલાકાતે ગયા ત્યારે તેમણે એન્થોની અલ્બેનીઝને ચાટ અને જલેબી ખાવા માટે આગ્રહ કર્યો હતો અને હવે ઑસ્ટ્રેલિયન વડા પ્રધાને એ એમની વાત માની અને હાલ તેઓ ચાટ અને જલેબી ખાવા પંહોચ્યાં હતા.

એન્થોની અલ્બેનિસે ચાટ અને જલેબી ખાતી વખતે પોતાનો ફોટો અને વીડિયો ટ્વિટર પર શેર કર્યો છે. સાથે જ એન્થોની આલ્બાનીસે ટ્વીટના કેપ્શનમાં લખ્યું છે કે, “એન્ડ્ર્યુ ચાર્લટન સાથે લિટલ ઈન્ડિયા, હેરિસ પાર્કમાં શુક્રવારની રાત અદ્દભુત રહી. અમે જયપુર સ્વીટ્સમાં ચાટકાઝમાં ચાટ અને જલેબી ખાધી અને વડાપ્રધાન નરેન્દ્ર મોદીની ભલામણો અજમાવી!”

Sounds like a memorable Friday night, imbibing the best of Indian culture and culinary diversity. A winner indeed, like the India-Australia friendship. https://t.co/ySAiGBzgjJ

— Narendra Modi (@narendramodi) June 23, 2023

જણાવી દઈએ કે પરરામટ્ટામાં સ્થિત હેરિસ પાર્કમાં મોટા ભારતીય સમુદાયનું રહેઠાણ છે અને તે ભારતીય ભોજન અને ઘણા ભારતીય માલિકીના વ્યવસાયો અને દુકાનો માટે પ્રખ્યાત છે. અહીં ભારતીય સમુદાયના સેંકડો લોકો રહે છે તેથી જ આ સ્થળને લિટલ ઈન્ડિયા કહેવામાં આવે છે.

જણાવી દઈએ કે PM મોદી અને ઑસ્ટ્રેલિયન વડા પ્રધાન એન્થોની અલ્બેનિસે ગયા મહિને સિડનીમાં કુડોસ બેંક એરેના ખાતે આયોજિત એક કાર્યક્રમમાં ‘લિટલ ઇન્ડિયા’ ગેટવે માટે શિલાન્યાસ કર્યો હતો. તે જ સમયે, ઓસ્ટ્રેલિયાના વડા પ્રધાન એન્થોની અલ્બેનીઝના ટ્વીટનો જવાબ આપતા વડાપ્રધાન મોદીએ લખ્યું, “એવું લાગે છે કે શુક્રવારની રાત તમારા માટે યાદગાર રાત રહી છે, જેમાં શ્રેષ્ઠ ભારતીય સંસ્કૃતિ અને રસોઈનો સ્વાદ માણ્યો. તે ભારત અને ઓસ્ટ્રેલિયા વચ્ચેની મિત્રતાની જેમ વિજય સમાન છે.”